釣魚應否是一種純娛樂...
本帖最後由 lok901 於 2012-2-14 01:05 編輯己完
幾時變到 咁感性轉左讀佛呀?
雖然 e d 有諗過 但太愛玩了 沒辦法 本帖最後由 lok901 於 2010-10-19 01:38 編輯
哈..唔知呢..不過Eathlings呢個系列既片真係身為一個人都應該要睇下...睇到心(up)...個旁白講既野...真係句句中point.. 又係時候反省一下... 唔，....師兄呢個問題可以做得論文題目.....我又吹兩咀：
你的問題，我都有諗過，所以而家覺得CATCH AND RELEASE，係我對自己，對佢地 (魚)，可以做到的最好一種方法了。
講真，我好耐無食過自己釣既魚。亦好多時用真餌釣，細魚食到入晒扣，所以轉行去玩假餌.....放生率高D。
如果諗得深入D、執著D 既，好似師兄的問題，其他範疇，我見過唔少：
有朋友，本來熱愛水族。但信佛後，無再養魚，覺得殺生，真係睇住佢180度轉變。
其他寵物呢？寵愛之物，養雀，點解要困住佢地？係咪又一樣將人的快樂建築係雀的痛苦上？
狗，我個人睇法，我無養，但我有時好唔鐘意D 人去閹左D 狗，剝削了一種動物本來的生育能力。
愛狗人士，通常講得好好聽：絕育只係為狗好，減少流浪狗受苦。
但諗番轉頭，好似師兄的論點話齋，咪一樣因為有人去養，先會有人去閹？因是有人養狗，才有寵物狗這樣「PRODUCT」，但又要怕，生多了，養唔到。果就是拎去閹。一樣是人類因想滿足自己的快樂 (想養狗)，要去令狗這種動物受了些不必要的苦。
貓，也有人為了KEEP 外型，發育到一段時間就拎去閹。
講食，仲有好多其他例子，如鵝肝。
但假如回到食既最基本，如果師兄覺得釣魚為了食，就係合理，咁又點解為了食，就可以令一隻動物受苦？食同玩樂有乜分別？都係人的一種享受。若講食係「生存基本」，唔合理，因唔食魚，可以食菜。所以佛家有食素思想，不殺生。
再講落去，可以無窮無盡......
所以個人睇法，人生在世，我都唔理得咁多啦。魚照養、也照釣，唔係專登去殘害生命的，過得自己過得人。如果要樣樣都考慮晒，可能要當聖人了，但談何容易呢？{:47_3048:} 本帖最後由 lok901 於 2010-10-19 02:37 編輯
同意師兄...其實養寵物呢樣野...我都唔贊成...但跟本上...這個成為左一個深厚文化...冇可能去改變.只可以話...養就養...但就對得住良心...令佢地覺得舒服.而閹呢樣野,,,只可以話係一個唔正確既方法入面最有效既做法...因為如果再多d生命....只會帶來更多生命既痛苦..同埋佢地係性慾方面.....+上佢地閹左之後..係唔知自己閹左...其實一定係唔岩..但無計..呢個咪現實...用最少痛苦既方面盡量減低未來既痛苦..
而我本身都好鍾意食肉...都唔信宗教...只可以話食素既人...我會尊敬..人有權利食'人'之外既任何野,:em73
生命始終係有價值差異...就好似阿媽同一個陌生人咁..
玩樂同食野...就,,,我始終認為'食'係最基本..玩樂>求精神上既滿足...當然..精神都係極其重要...但精神唔係一種物理上既野.而係屬於一種靈性上既野.
玩樂呢樣野..真係取決於條魚既自願性...但無可奈何...魚既靈性同人既靈性相差太遠...你係玩得開心佢未必開心.人既主觀所做既行為就會令條魚受傷.
如果係要玩.我諗唔好有身體上既傷害好d.haha
真係好難講.好似莊子既知魚知樂咁...:em19 看不下去了:em28,自我反思:em85 哩個討論，又係沒完沒了！
我以前都有諗過！為何要將自己的快樂建築在魚的痛苦上！
師兄講得無錯，只要不是殘殺生命，已經好夠！做人邊諗得咁多！ 的而且確，如果重視動物生存權，最理想係應該素食 + 唔釣魚。
剩下來既，就係你自己既抉擇，想點樣走你自己生命想走的路。
我尊重動物生存權，但係我愛好釣魚愛吃肉，所以我選擇性地放肆，放縱自己，視釣魚為娛樂，亦不茹素。 回復 1# lok901
同意你所言所想, 所以我除非要食, 如只是玩樂, 我不會多做, 但世事很難講, 你可以話自己做得對,人家一樣話自己無做錯,
頁:
[1]
2