用生蝦做餌
我玩左前打冇耐...但係當我用生蝦玩前打時,好多數都捉唔到幾時要抽竿
我想問下都咩位先抽竿呀?我成日都抽空氣
同埋,如果係立食生蝦時,佢拉隻生蝦走,我要放絲,我知道
但係有冇話最多放幾多比佢架(我經常放放下就鬆左,冇左隻蝦)
因為我玩青蟲冇依個情況出現,係玩生蝦就唔識抽竿
問多樣就係玩生蝦時,係唔係夾鉛有咁輕用咁輕呀?到底就OK?
唔該ching們幫幫我啦~!!! 師兄試下用手竿+最細鉛頭鈎，
你會知幾時抽。。。。 食~比~拉~抽 食~带~抽=中 又或者=龟 本帖最後由 遊客 於 2010-10-29 16:58 編輯
有時如果係D 手板都唔夠的黃腳，抽唔中你真係發皮氣都吹佢唔漲，此時唔好硬頸，唔用生蝦就OK。
至於比絲的問題，好耐之前睇過台灣鄭宏銘的前打文章，有教過一招係反行其道，唔比絲但好輕手咁帶少少，等條魚以為口餌想逃走，此時反而會更大啖地咬落去，然後就「中」。
我試過呢招係WORK 的，當然唔係百發百中，但有時會比只係一味放絲好，抽極都唔中時可以試下。 回復 5# 遊客
咁係唔係唔放絲比佢,係佢拉絲既時候好輕手咁的高條絲,大口咬就抽竿? 回復 3# DriftsinkAngler
拉意思係拉條絲走陣抽竿?定係點呀
ching可唔可以講詳細小小教下我呀,thx~ 回復遊客
咁係唔係唔放絲比佢,係佢拉絲既時候好輕手咁的高條絲,大口咬就抽竿? ...
牙豪 發表於 2010-10-29 17:36 http://www.fishinghk.com/forum/images/common/back.gif
師兄，用文字比較難形容，如果你有玩開假餌，又中過立的，可能會易明D。
我地釣立，用硬餌或膠蟲都好，最重要係拖得慢，及要拖下停下，即所謂的 pause。有90%的立魚，都係在pause 時，至岩岩再起動時食餌。你拖時，多數佢都只會跟住睇，只有好少數，活性好高時至係拖緊時一口咬埋黎「搶手袋」。
pause，睇活性而定有時停5秒，最多有時停 30秒都會有。
回到前打中，模式有時係一樣的。pause 時食餌，多數只係輕輕口含住，同剛剛擔走你隻蝦一樣。此時抽竿，就等如pause 太短，係抽唔中的。相反pause 太長，即放線任得佢食，唔理，此時有兩個可能，一係佢自己食到入扣，二係食完了，已吐出假餌，或咬爛左你隻蝦，游走了。
如果pause 掌握得好，一隻假餌停低了，再剛剛起動時，這時條魚會覺得口餌想逃走，就會好大力一啖咬落去，這時抽竿，多數都中。
另外要睇下師兄你的生蝦會唔會太大隻？我曾經係大陸一d 基圍玩前打時，生蝦由基圍提供，一隻只好似2/3 隻尾指咁大，這個size 最好用。好多時我見釣具店或街市賣的，太大了，會增加難度，除非一心只想打大魚。
另外就係睇番你釣場本身的魚會唔會好細條？如果一大群都是手板唔夠的黃腳仔在搞搞震，用生蝦真係有難度。我有時係哥d 基圍都會遇到這個情況，這時將生蝦meet 殼釣蝦仁，反而釣到，所以話唔好硬頸一定用生蝦係咁解，睇情況而用。 回復 7# 牙豪
食~擔/震/㩒/慢走 [可能加演含吹奶嚼!!!]
比~比住去, 活性底可微鬆終但加超微震囗餌
拉~大口吃/㩒住走=入口
抽 ~ 連銷帶打式速抽竿定力升竿帶魚離底 这个恐怕还要慢慢摸索了
頁:
[1]