超級殘念水塘遊
今日天朗氣清,乃釣魚之大好日子,我同mame就去左水塘,打算玩下假野,睇下果度有無咩怪獸啦!~~egg16^目標係釣黃昏水,所以都唔係太早出發,到達釣點時大約係下午一點......
我用八呎假餌竿+0.8pe+nasci 3000絞
mame用六呎slicer+0.8pe+elf 2500絞
大家都不停換jighead,假虫,硬野......釣呀釣~~egg68^
mame攀山涉水,開林爬木,終於到達第一釣點!
http://i3.photobucket.com/albums/y83/patsyf/RIMG1910.jpg
開竿作釣,太陽伯伯亳不留情,我估當時氣溫已經超過30度!
http://i3.photobucket.com/albums/y83/patsyf/RIMG1912.jpg
果度景色尚算優美,d水都幾清
http://i3.photobucket.com/albums/y83/patsyf/RIMG1920.jpg
仲有d蝌蚪仔係度玩遊戲呢!
http://i3.photobucket.com/albums/y83/patsyf/RIMG1922.jpg
http://i3.photobucket.com/albums/y83/patsyf/RIMG1924.jpg
我又去發掘第二釣點了!
http://i3.photobucket.com/albums/y83/patsyf/RIMG1928.jpg
一路釣呀釣,釣點都轉過唔少,有一次係個活水位(有山澗水流下來的地方)見到一條大金魚,應該係類似錦鯉咁既魚,好好好大條!!!~egg19^我估起碼70cm!係我面前示威!~egg50^可惜丫,唔知係唔係錦鯉食開粉團?對我隻假餌一d興趣都無,我得個睇字!最後恨得牙癢癢,死死氣轉位......~egg86^~egg86^~egg86^
轉到去新場,見到兩位臭四叔一人五竿係度釣魚,我地已經好不值佢既釣行,之但係都見怪不怪lu,所以無理佢.
行經佢身邊,多口問句"師傅釣到咩魚丫~"竟然當聽唔到唔啋人!!!嘩,巴之閉呀?之後仲同我講"我地最怕見到你地呢d釣法既人......"佢都傻,咩叫呢d釣法?驚?佢又唔走?我都廢事啋佢,繼續釣......
見d用粉既叔伯陸續上d鯉魚鯪魚等魚種,不過我地就一口hit都無,只係持續見到d手指咁長既魚係度追我地隻假野,大家都灰灰地......
到傍晚六點幾,天都開始黑了,我地打算轉最後一個釣點,玩多一陣晚黃水就閃人.
今次釣點位處高處,乃係一個高台,假虫假餌都可以掟得比較遠,居高臨下,仲可以看得清水底的環境.今次見到新魚種,生魚.不過都係釣佢唔到.
大家都打算掟最後幾槍就走人,呢個時間,神蹟來了......
當時企位:我面向左,mame面向右,大家都好努力咁掟,拖,的,收......
突然>>wewewewewe~~~~we~~~~~!!!!we!!!!!(是很強烈的出drag!)咦,唔係我播!轉頭一看,mame的絲不停地出,mame已揚竿配合,可惜對果條怪物來講毫無影響力!出drag幾秒後條魚仲係咁走,好似唔想停~我嘗試幫mame較緊少少個drag,我較了幾下,條魚仲走緊!我再較多一下(呢下細下d,因為怕斷絲),佢仲走!爆drag咁出,見住條魚絲係咁向右手邊出,界開一條"水路"!!!!
前後不停出drag玩左十秒咁上下,條魚甩左,mame狂呼"唔係下嘛!!!咁樣set hook都會甩!!?!?!"
收番來一看,噢,個勾拉直左.......~egg77^
而另一個好奇怪既現象係,勾對上約兩至三呎的絲有成pat好似鬼口水咁既野包住左.唔似係塘底的泥,請問有無人知係咩?
總結今日釣行,對我來說是十萬隻龜(個塘真係好多巴西龜!!!超多人放生!),對mame來說,就係一堆又一堆的殘念......
雖然我地無釣獲可以post比大家睇,不過都希望同大家討論一下今次釣行,我心中有幾個問題:
1.去水塘玩假野,係唔係一定唔夠d搓粉叔叔玩?
2.水塘內究竟多唔多肉食性(or略食性魚類)係可以用假囿釣鑊?
3.mame釣上果pat鬼口水是甚麼?
4.果條魚......可能係咩魚?(一定一定唔係咩鬼羅飛鯉魚鰂魚鯪魚......)
5.其實......果d大錦鯉食唔食假野架?(定係佢只鍾意索d微生物?)
暫時係咁多先......mame:"神啊,請給我多一點時間!"
~egg53^~egg53^~egg53^ 補返張直勾相~egg77^
條絲痴住好多鬼口水, 包住我條絲.
係唔係唐虱呀~egg33^ 應該係大頭，120cm lee隻好易拉直......我試過好幾次.........:em20 呢隻勾已經比我Black List左.:em60 原帖由 kk.kk 於 2008-3-29 22:25 發表 http://www.fishinghk.com/forum/images/common/back.gif
應該係大頭，120cm
我都估係大頭!!:tu27 果然有 怪魚中 wow.... :em27 小弟認為你釣生魚同鱸魚, 荀殼, 塘失就一定夠佢玩, 其他等有關師兄報告
果些口水可能是條魚在湖底磨來磨去的泥, 所以大塘失機會也很高哦:bq25
[ 本帖最後由 牛廣榮 於 2008-3-30 01:29 編輯 ] 那種鉤子不牢固，不想再飲恨要換掉:em57