人生第一鯉+魚樂尺開光
本帖最後由 morimami 於 2011-1-18 20:48 編輯話說上回講到
口賤之人終於得到大物斷絲既報應:em77
今日趁番完夜又風和日麗
收拾行裝開左同一份餌
打算去番同一個地點尋找大物報斷線之仇:em14
估唔到本應是非仔集會既地點
今日連非甩雞毛都唔多條:em57
而平時上得唔多既藍刀就不斷上門
唉唔係話見到你地唔開心
不過你地上親水都咁high發到我周圍都係潺
又要發到爆晒嘴爆晒血{:2_3035:}
咁我好難同你地父母交待架嘛
講番正題
話說上次同一份餌同一個位
吸引左多次大物斷我米路
抱住些少期待既心態之下
大物終於來訪:82da9d58+
（無相兼粗口消音處理完畢）
到底一個人要有幾手短先可以連續響上撈箕個陣斷三條鯉魚啊啊啊{:2_3110:}
總之事情就係
今次三條條條都粗過長過我腳瓜既靚仔鯉魚
全部都成功打八字之後上晒水面抖大氣拖到埋岸
響天橋上對岸上各位街坊釣友既熱烈打氣之下
本來都理應係網中之魚:em28
結果全部都因為本人手短唔夠撈箕長之下
fing一下頭就甩鈎斷絲滋滋油油咁落番晒水:em67
鯉魚真係好溫柔冇咩大動作但就好有力
同d動不動發黎發去既非仔真係唔同級數
不過又係兩種唔同既好玩法
過左兩轉鯉魚開飯時間之後開始靜
連藍刀都收緊口
正當我打定輸數諗住唔通d鯉魚真係咁唔鐘意我:em74
將個兜入面尾二個口餌包上鈎扔落水——
慢慢吞下吞下咁食左兩格標仲食緊
——呢種滋滋油油既食餌動作今日都睇過幾次
響咁多次教訓之下話比我知依條真係鯉魚
依條（應該）係我今日最後一次機會呀
無論如何一定要上左佢如果唔係冇顏面見鄉親父老呀:em25
又響多次教訓之後終於記得
人手短就要唔好懶
於是帶左佢行街街
行到支撈箕終於掂到水既位置{:2_2907:}
響呢度我要多謝我既所有親朋好友
多謝各位曾經傾囊相授既師傅師兄
多謝賣魚樂尺比我既爆叔
多謝賣餌比我既某物魚餌舖老闆
多謝梧桐河
:em02
雖然依條錦鯉冇我之前斷個三條咁靚仔
但作為自己既第一鯉
真係要好好咁多謝鯉
鍚啖先^b376052a^
最尾一舊餌冇比驚喜我
但係包餌個陣既手震實在係難以忘懷
希望跟住落黎既漫漫長路都可以有鯉相伴
靚鯉魚多d黎搞下我:em35
今日收穫：我份餌真係幾work:em90
鯉既標相好多時都唔係黑標（所以我諗上回斷我個條似係大非多d）
鯉魚非仔藍刀食餌同上鈎掙扎既方式真係好唔同
同埋一支自己用慣既靚標真係幾重要…… 呢度係天水圍河，定梧桐河？下次帶枝長少少撈箕。 好似幾好反喎!{:47_2956:}
恭喜師兄{:47_3036:} 師姊既 帶魚 遊花園技術實在了得
上次 見識 過:em73 :em75 恭喜
頁:
[1]