台製手研餌木用後報告
台製餌木..... 相信好多人都諗起果隻冇包布嘅牌子餌木....但今次講嘅, 係另外一款...
曾經鬼佬joe都提過, 其實台製餌木, 質數一d都唔差~
有緣之下, 係某大拍賣網見到呢款餌木,
見到後, 立即e-mail訂購!!!
無需2個星期.... 餌木就到手喇!!
開箱之後, 發覺包裝簡單, 製作人話, 係為咗環保及減低成本,
個人十分接受, 抵讚!!!
先講價錢, 雖然貴過國產囡囡, 不過連運費, 都唔過港幣雙位數!!!!
報告....1, 印象分~
眾所周知, 國產囡囡, 多數係膠製, 因為平衡做得唔好, 落水會打圏,
仲乜都甩得, 不過因為價錢相宜, 所以都樂於採用....
但拎起手中台製餌木, 發覺除咗佢係木製之外, 兩邊羽毛亦非常平均,
鉛有釘釘死, 鈎針比起日製嘅大(據悉係因為比較易入鈎, 但我比較担心易掛..)
接口整齊, 應該冇咁易甩衫, 初步印象十分良好,
如果一定要挑剔.... 咁只有話佢比起日製餌木, 手工冇咁精細, 特別係眼嘅部份,
唔夠日製短y字牌咁靚...... 都係果句啦.... 1隻日蝦=5-6隻台蝦, 仲想點呢?
報告....2, 初試篇~
其實除咗尋日, 之前都有做過另外一次測試, 上次用嘅係832L,
先由落水講起, 沉降十分之快(較似Q速), 不過係俾虛絲之下, 亦唔係直插,
大約係50-60度, 果然冇打圈情況出現, 腳邊試完, 丢出去喇~
佢嘅自重都係高, 丟嘅距離ok! 沉底一fit, 發覺有d重, 可能係體形嘅關係,
仲有係我用L竿嘅關係... zic-zac 都ok, 反應同我鐘意用開嘅JP有段距離,
不過如果同JP比, 相信實在係唔公平... 中魷能力亦冇問題!!!
報告....3, 實戰篇~
終於到尋日, 一心只帶台製餌木, 但今次係用832E竿,
今次感覺十分唔同, E竿所做嘅zic-zac, 同上次L竿做嘅有好大分別,
用力情度亦減細咗, 十分滿意! (釣獲都係... hehee....)
其實一直都有同製作人msn, 經佢嘅解釋, 由於台灣嘅釣場比較深,
固餌木嘅沉降速度比較快, 以及台灣餌木手比較歡喜用硬竿, 一般都由E竿起步,
亦有好多係用MH or H竿, 冇考慮俾L竿用嘅設計, 所以L竿用落比較吃力...
而呢一批餌木, 係專為E & MH竿設計嘅, 所以L & H竿做出嚟嘅動作都會唔好...
遲一d, 佢會再設計一d for 香港釣場用嘅餌木!! 期待~期待~
總結, 以一個咁低嘅價錢, 買到一d咁質數嘅餌木, 個人覺得十分滿意,
雖然台製餌木相比日製嘅, 仲有一段距離, 但係對於一d初心者, 下下用日蝦,
實際亦有某程度嘅吃力.......
~egg68^ 下次訂預埋我啦...^^ JP貴但好用---太金了, CH平但各方都偏差, 現在多過不錯的選擇. 真好!
謝謝詳細Report 原帖由 coolfire 於 2008-5-19 16:51 發表 http://www.fishinghk.com/forum/images/common/back.gif
下次訂預埋我啦...^^ x 2:ne8 :em73 唔過港幣雙位數...........都係火兄果句.....下次訂預埋我啦...^^:em11 哈... 唔駛訂啦... 某管理員商討緊, 會擺上嚟賣, 大家都方便晒啦~~egg55^ 平-靓-正,赞! 師兄既報告好詳細！
我想問除左上網訂外，有無其他途徑可以買到？
我遲些會去台灣，係當地既魚具舖又唔知可以搵到呢？
師兄有無多些資料可以PM我呀？例如牌子
Thx Much 原帖由 RGiggs 於 2008-5-19 18:02 發表 http://www.fishinghk.com/forum/images/common/back.gif
師兄既報告好詳細！
我想問除左上網訂外，有無其他途徑可以買到？
我遲些會去台灣，係當地既魚具舖又唔知可以搵到呢？
師兄有無多些資料可以PM我呀？例如牌子
Thx Much ...
有於係人手做... 一般釣具店應該找唔到...
我都等候佢研發香港用既餌木...^^:em53 原帖由 RGiggs 於 2008-5-19 18:02 發表 http://www.fishinghk.com/forum/images/common/back.gif
師兄既報告好詳細！
我想問除左上網訂外，有無其他途徑可以買到？
我遲些會去台灣，係當地既魚具舖又唔知可以搵到呢？
師兄有無多些資料可以PM我呀？例如牌子
Thx Much ...
師兄請忍耐一下, 相信香港好快有得賣喇....~egg89^
頁:
[1]
2