Kofly 發表於 5/6/2011 16:16:18

灘投釣新手釣行之「父子釣牛抽，阿叔唔會嬲」

上星期日同阿囝喺烏溪沙碼頭見到人地釣牛抄，之後阿囝就好想去釣翻條牛抄玩吓。

                琴日阿囝成日揾習禁乖，好! 今朝一於帶佢去碼頭釣牛抄，買咗兩半生蝦，去到碼頭約9:30，在場4個陀地阿叔已經各就各位4枝竿發哂出去霸哂啲好位喇，唔好理，立即綁好個灘投釣組，由於好位已冇，惟有求其鈎隻生蝦掟出去4竿外，哩個時候，阿囝巡視碼頭後，回報阿叔們己有4條牛抄收穫了，冇耐，陀地阿叔們開始又上牛抄，佢地自己一班friends, 中咗魚就輪住釣困一兩個標點，我就咬都唔咬。

               10:15, 好! 轉吓標點，哝! 拉竿頭喎! 抽! 第一條牛抄就喺班阿叔釣點既外圍被釣上，之後見有位企埋去釣，雖然發到竿，但就比阿叔左右夾攻我嚟釣，艱苦作戰下，到12:00都有兩口魚信，但牛抄唔蠢，钩蝦頭食蝦尾，鈎蝦尾食蝦頭，兩次都抽唔中! 12:00隔離班陀地阿叔4人已上7條牛抄，12:30釣剩最後一隻生蝦，見用力一掟5竿外埋齋再中一條牛抄，冇餌，執野走人。

               總結，今次同阿囝一心去釣牛抄，成功釣到目標魚----牛抄，阿囝手絲釣到沙鯭(已放生)，兩仔爺玩得好開心。

a25533910 發表於 5/6/2011 19:29:04

回復 1# Kofly


    食完唔會嘔!!:em58

風之速遞 發表於 6/6/2011 01:08:50

兩父子釣魚真係正

zeroyukit 發表於 6/6/2011 16:51:34

又係烏溪沙既本地幫= =?

FELIX009 發表於 7/6/2011 23:00:02

兩父子釣魚一樂也!

牙健 發表於 2/7/2012 21:29:17

唔泥個家庭樂@@
頁: [1]
查看完整版本: 灘投釣新手釣行之「父子釣牛抽，阿叔唔會嬲」