新手台釣數個問題
其實我仲咩玩過台釣...不過星期2就會架生希望師傅師兄們解答我呢幾個問題
1.如果好大風,吹到支標就圍飛...點做好
2.魚護買幾長好?3m長幾$$?
3.台釣釣福壽用幾好號勾好?
4.係釣組中主線同子線分別要幾長,
5.假設釣點1.2米水深...主線同子線分別要幾長?"用釣福壽魚既水深來說"
6.點樣試到個度d水有幾深?
希望師兄幫幫手 本帖最後由 martin4234 於 2011-6-6 19:26 編輯
回復 1# 龜龜龜
1.如果好大風,吹到支標就圍飛...點做好
用d 食鉛片較多嘅浮標, 釣嘅目數小d..1-2目, i mean 露出水面嘅標長大約就自己眼力, 一格手指尾多d, 避風
太大風, 有浪, 都幾煩....
2.魚護買幾長好?3m長幾$$?
你係未想講撈箕..? 1.5-2m, is ok...又不是磯釣-_-, 普通的$100上下la..
魚護..?
除非你去一些離水很高很斜, 否則2m, ok...我個是布質地平嘢, 唔洗$70, 比賽都有用,
有d配件甩咗, 求其五金鋪配返....唔多用, 反正"黑雞膏"理論下, 淡水魚很少養住先, 等攞回家吃..
only, 儲埋一大堆影相先用
3.台釣釣福壽用幾好號勾好?
隻隻牌子d 勾size有出入, well,半隻手指尾指甲左右巳夠, 白袖5or 6 or 7 號,,,我用開....
4.係釣組中主線同子線分別要幾長,
因應魚情及對像魚...以及水深..., 通常水深d, 腳線長, 有漂浮的自然效果, 方便吸啜類魚種進食
我平時懶得理, 一對腳線. 一條12cm, 一條10cm左右..
主絲, 連鉛片坐, 不要超出手柄便是了, 太長控魚會辛苦, 太短收竿攞唔返
1.5主, 1.2or 1.0腳先la...
5.假設釣點1.2米水深...主線同子線分別要幾長?"用釣福壽魚既水深來說"
1.2m 水唔算淺, 3.6m竿, 主絲(鉛片坐)連可以是3.6左右, 腳線, 同上,
6.點樣試到個度d水有幾深?
勾住d 餌, or 鉛片, 拋入水, 再看標頂,睇唔到, 味調高支標 都係個句, 文字作用不大..不如約人去釣la....^_^ 多謝師兄咁詳細既解答
買魚護係因為鐘意影一大堆魚既相
但有仲小小唔明..
係咪釣1.2米水深(其實係唔桐河龍琛路橋底)都係用3.6手杆,主線12cm,腳 線10cm...
同埋買浮標係咪買8格個隻好?我要買1格要有幾cm既浮標?1格姐係1目?
第2位師兄講得岩...
咁樣師兄們係咪都係釣開梧桐河??預埋我等小弟學下野可以嗎? 本帖最後由 hideson 於 2011-6-6 20:41 編輯
其實我仲咩玩過台釣...不過星期2就會架生
希望師傅師兄們解答我呢幾個問題
1.如果好大風,吹到支標就圍飛... ...
龜龜龜 發表於 6-6-2011 18:33 http://www.fishinghk.com/forum/images/common/back.gif
1‧大的標相對上能夠抗風
‧睇你條問題，你係唔係有去開大埔果個魚場釣魚呢？因為臭河有親狂風都唔方有好事發生(暴雨)
‧除左大的標，重心較高的浮標都能夠相對上抗風，穩定性較好，但標入水番身會相對重心低的標慢(相對，相對，好多個相對，因為講緊所有野都係假設2支標都係體積相同，比較之下而定)
‧至於點睇一支標重心同定低，就係伸出手指，把浮標打橫放係手指上，搵出一個點，可以令到手指上的標頭同尾重量平衡，果個就係重心點。
‧重心點較高的標會比較抗風能力好小小。
‧釣目調得比較靈(如釣2目)，因露出水面的部份比較小，所以受到風影響都會小d
2‧市面上比較多係2.0米2.2米，
短的有1.4到1.6米，長的2.5到3米都有，幾隻長度一般都可以，長d有個好處，就係有d釣點離水比較高，太短的魚護會落唔到水
不過較長的魚護亦都會重d
3‧勾的大小好睇個人喜好，每個人的喜愛亦都不同
‧一般定義可以咁講：魚勾的勾門(即勾尖到勾棒的闊度-見下圖)x3倍=對象魚嘴的總闊度
‧但係我就經常用大勾釣過無數非仔，亦都用細勾釣過無數大非，大頭，所以都我個人覺得都好睇個人喜好，用得有信心就得。
‧我依家用緊關東4號釣(大小通吃)，新關東1號就釣大物
‧下面有張圖，不同勾型的對照表，可以參考下。
‧釣羅非(福壽)最重要係唔好買錯白鯽勾，因為白鯽勾勾條比較幼，中左大羅非隻勾會好易(淆b)。(例如袖勾依隻勾型好多時都係白鯽勾)
4.又係好個人，有人鐘意長有人鐘意短。
‧如果係從前正宗台釣，子線係會比較長，釣大鯉魚要求子線要去到30-50cm
‧但係依家比較新的理論來講，太長的子線會流失好多訊號(所以會比較易中到鈎身魚)，當然太短雖然出訊最直接，但係會令到雙餌係水中唔自然，令到魚會有較大介心
‧子線一般都係用到大約10-20cm，上勾和下勾(台釣一般都係用雙勾)的勾距大約係2-3個勾的距離。
‧相對長的子線，受力會比短子線大小小，如果想釣大物可以長小小，但係過左20cm，訊號就會開始流失
‧(我講緊唔係釣十幾斤果d怪物，如果你咁有大志要中果d魚，就係真係要30cm以上子線先頂得住)
主線
‧舊式就會教你主線+子線=齊杆長度(杆幾長，全條線組幾長)，而現代基本個個都會「超線」，即係線組會長過杆的長度。
‧所以最簡單=杆幾長，主線幾長，咩都唔使諗。
5‧主線總長度和子線的長度不是因應水深而定，而係因應杆長同對像魚而定，上面已經詳細解答
‧如果你係講浮標到子線的長度的話--我地一般都係「釣底」，想正確釣底就需要找底同調標，下面會講如果正確找底
6‧可用下面的方法找底
‧這個問題問得超好，底找得不準確，就是標調得不準。就算有再好的餌，也會因調標不良而失去了本身哪份餌應該能釣到最多的魚數量
‧全副釣組，裝埋浮標，唔使上勾住
‧在鉛皮坐上掛上比較大的鉛(最好係平時調標用幾多鉛，夾多一塊差唔多大的鉛)
‧拋杆，如果標全浸，則把浮標向上拉，如果浮標頂曬出來，則向下拉
‧直至把浮標拉到入水後露出視標的部份，完成
‧鉛皮坐 - 浮標露出水面目數=真底的深度
‧這個方法雖然比教煩，但對於調標很重要，如你用一支超細的標，在半米水深調標，但實際釣魚時卻在2.5米，哪你調的標就一定不準，更別說控制雙餌在水下的狀態
‧實際調標時，把浮標向下拉 (露出水面的目數+子線長度+15cm) 這個就是最佳的調標深度(即是離底15cm)
其實我唔係釣好耐魚，不過就真係好有興趣
國內釣魚水平日新月異，我都唔夠膽保証上面所講既一定係最新的理論
不過如果我有聽到最新的理論，我會再分享比大家
比馬田版主霸左我個「沙發」:em22
你睇，依度好多熱心人 本帖最後由 hideson 於 2011-6-6 20:49 編輯
多謝師兄咁詳細既解答
買魚護係因為鐘意影一大堆魚既相
但有仲小小唔明..
係咪釣1.2米水深(其實係唔桐河龍 ...
龜龜龜 發表於 6-6-2011 20:02 http://www.fishinghk.com/forum/images/common/back.gif
一支標最高的哪一格叫第一目
最低的哪一格就叫....支標有幾多目就叫幾多目
如果係一支「用心制作」的標
浮標設計目數多小係同果支標的標型設計適合咩釣法有關
依個「標型」真係幾萬字都講唔曬.....
至於水深問題，跟住我地上面講既做，基本上都幾詳細架啦
至於買標
個人覺得
買10目以上
由調5釣3開始會快d上手
玩到冬天非仔收口
就要放棄單一「調4釣2」「調5釣3」
到時就可能試下「精確調標」
理解多d浮標理論
浮標‧‧‧真係好好玩架 呢度真係好心人多
咁多位師兄的解答都好詳細~真係受益唔小..唔該哂眾多師兄
之前我一直以為台釣係成個釣組係浮起"因為我見過有d師兄既釣組係成個浮水"
姐係就算釣1.2米水深主線要跟手杆差不多長度,子線就跟師兄一樣10多cm長
d要我釣到d似樣d既魚一定要放上黎比師兄過目 就問題試答:
1.如果好大風,吹到支標就圍飛...點做好
可調靈釣鈍.(調0~1目.釣2~4目)選用幼標尾.
2.魚護買幾長好?3m長幾$$?
1.5~2m.咩都夠la.釣坐離水成2m睇怕都冇人釣尼個位...
3.台釣釣福壽用幾好號勾好?
先唔好理幾好勾.主攻非.長柄勾為主.(我唔釣非.唔能作準)
4.係釣組中主線同子線分別要幾長,
整個釣組分3種.長竿短絲(短竿1尺)~齊竿絲(與竿睇齊)~超長絲(主絲齊竿.加腳線)
5.假設釣點1.2米水深...主線同子線分別要幾長?"用釣福壽魚既水深來說"
主要腳線有變.視乎釣浮,釣底,.一般20cm~30cm.
6.點樣試到個度d水有幾深?
先要學識調標.調標後.再加一丁點重量先可試出深.
發左去第2個貼ga????:em20 就問題試答:
1.如果好大風,吹到支標就圍飛...點做好
可調靈釣鈍.(調0~1目.釣2~4目)選用幼標尾.
2.魚護買幾 ...
鯽魚 發表於 6-6-2011 20:55 http://www.fishinghk.com/forum/images/common/back.gif
有鯽魚師父
答案一定更佳:em94
鯽魚師父教既同我以為既有小小出入
(我成日以為有風吹到有暗流就唔可以調靈釣鈍，同埋子線長度我唔夠膽過20cm問題)
睇來我仲要努力研究下先得‧‧‧
台釣愈玩愈深！
~em11^
thx 鯽魚大哥
頁:
[1]
2