第二屆台釣賽花絮
今屆比賽啱啱夾喺兩個颱風中間,時間真係話都無咁準,
雖然昨日比賽途中依然有落雨,
不過開始及結束時無雨,
個天對我地已經好好架喇,
一切要做嘅程序都順利進行!!
今次有成34位選手參加,好感動啊!!
第一多謝天公做美!!
第二當然要多謝大家俾面支持!!
第三要感激幾位版主手足由構思安排到現場幫手!!
第四要多謝釣場配合!!
今次比賽全日共分兩個PK回合,
出線嘅就計全日魚獲總重爭奪冠亞季獎牌,
玩法與主流台釣賽有D唔同,
其實都只係增加多少少趣味,吸引吓新手參加,
雖然係綜合魚種賽事,因為係以總重計成績,
所以大部份選手都以羅菲為目標魚,
第一回合PK,整個賽區見到上魚的情況並不平均,
落雨情況亦只係間歇性,
上釣方面,除羅菲外,鯉魚及鯪魚都有不少,
兩個半小時後,睇番成績,最多與最少,相差都幾遠,
中午用膳休息後,因持續落雨關係,
大家被困於傘下,唯有提早開始另一回合PK,
下半場好明顯多左大菲上釣,
而且戰鬥力十分強,帶俾大家非常好嘅手感,
可惜整個下午持續落雨,未能拍攝更多中魚相片分享,
釣魚時間匆匆而過,好快4點1個字,
又到磅魚及頒獎抽獎時間,
今次除左有私人贊助抽獎禮物,
仲有向每位釣手收嘅廿皮作幾個現金獎,
多謝晒各位支持!!
人人有魚中...比賽就順利完成,個天又停埋雨...之後...
時間咁早...當然繼續釣喇,
我自己呢個時間終於可以玩一陣,中番幾條魚!!
大家不妨欣賞吓我地賽後晚飯嘅相片,
食得相當開心架!!:em11
相片再分享!!:em51
相片又分享:em90
相片更多分享:em59
呀man把傘好靚仔呀.........:mm48
架台釣專用5.5先最精彩!! 辛苦晒....各位!!!
頁:
[1]