那些年，我們的前打落入hechi
本帖最後由 stevenl_604 於 2011-11-6 12:49 編輯前言
想寫一個香港前打回憶錄很久了。之前見磯釣板和重磯板都有一個血淚史的post，常想前打也可以有一個呀。雖然前打落入在香港在早期並不太普及而釣法和釣獲並沒像輕、重磯那麼驚心動魄，但再平凡的東西也有它的回憶價值吧！就我所知前打在香港已有十年左右的歷史，翻看早期的魚訊網絡雜誌就可見有關的文章。我想寫這麼一個回憶錄不是因為我知得很多，而我也只釣了數年前打。我只是希望我這番拋磚引玉可以令各師兄談談歷年來的趣事、心得、釣獲等等。我以下所講的是從2006年開始到現在的，一眾前打的開山鼻祖請提供一些在這之前的資料，有時間的話請回回帖！
釣具篇
古語有云：「工欲善其事，必先利其器」，而我們的沉迷往往都是買了第一件新手架生開始。想當日我就是在另一個網站(那時候魚樂網還未有成立）看了一篇主要講及各前打釣具品牌的文章而著迷的。比起現在百花齊放的本地釣具市場當年的選擇實在是一片荒涼。釣竿方面, 冇budget就買法萊的夢境，好小小的就有迪佳的搏技，唔想買大陸仔又冇budget的就買韓國的Seamatch, 有budget的就買曰新。嗰時觀塘好似有台灣竿如黑鯛達人不過唔多現貨。咁神級兵器黑鯛工房呢？偶然會在釣魚舖看見一枝半枝但合適的總是要訂才有。仲有就是永遠只有不常用的長度（如42/53, 50/55), 因為短嗰啲36/42，39/45 一早比人買左（都係得一兩枝）或根本冇返（到而家都唔知點解佢地多數只入長竿）。好多初玩的人（包括我自已）都冇乜耐性去訂只好見乜買乜，通常再research一輪都發現買錯左。我的第一枝竿就是搏技49／54, 真係重到飛起。講開買錯竿，當年（我諗而家應該仲有）有不小的黑鯛工房的X 39/45在市面有售,因為它是一枝入門竿價錢較吸引。但它是一枝極為正宗落入竿，竿先極極極硬因為它是設計來玩目印,竿先不用太軟。點解我咁清楚？因為我都有買。現在如果再叫我用嗰枝竿先應該冇乜問題，但當日極新手的我只有在想死啦竿先咁硬點釣立呀。幸好後來和Alex板大傾談之下發現他也買了X,他告訴我其實可以用博技的竿先來DIY一枝軟竿先比X用,總算解決了問題。現在黑工的竿先靈敏度於前打落入已經沒有太大分別,都是軟硬適中的。
講左咁耐竿，絞方面當年也是冇乜選擇，入門的唔係Daiwa X200就是富士輪,貴啲都有BJ85，舊鱗夕彩同小量黑工絞...再想買其它的又係要訂。最慘的是市場上有不小flyfishing輪，很大機會會買錯。其它配件好似咬鉛鉗都是自已DIY多。好在前打所需釣具不多，很多都可以用非前打專用釣具湊合使用。有一次我和Alex和其它釣友研究有乜6M撈網柄去應付高駁釣埸，後來就拜託台灣前打友人運來數枝上興小繼達人使用。呢枝柄真係好正而家仲用緊，嗰時香港應該仲未有現貨賣。現在要玩前打實在是太幸福和方便，基本都好難買錯第一枝竿或買不到所需用具。
講開釣具，當日小弟自已都係屬於沉迷於買架生一族。想當日在東涌遇見前輩級的Lam兄（他是很早就開始玩的），看見他手上的黑鯛工房博多灣39/45立即中毒，後來幾經波折先訂了回來，原來因為是九州限定版要從九州的分銷商拿才有貨。雖然後來因為對架生的要求改變了這枝竿子最後還是轉讓了友人，但我還是記得很清楚當日買到心頭好的心情。再之後Lam兄又告訴我傳說中有兩枝神兵，已停產的Ryobi Super Adjuster CRS JT Special 和 極為偏門的Susanno Seawolf 超剛（號稱四號磯竿強度），簡值令人神往兼超毒。後來我都擁有過這兩枝竿但最後又是轉賣了。其實現在還很喜歡買架生只是沒有新的目標。
釣埸釣獲篇
在香港好小台灣日本嗰啲大型防波堤，所以我地釣來釣去不外乎各碼頭直駁橋躉。而實際的釣點咁多年來都冇乜點變，只是我們會因應邊度邊時聚魚啲就去嗰度釣。咁幾年前大家最常去都是東涌橋躉，我地叫嗰度做聖地，個個weekend都約埋一切去朝聖，緊係啦打神kido都係係嗰度拍前打vcd! 佢YouTube段片而家睇返都係一樣咁毒。我第一條大啲嘅魚（三十幾鐵鱗）都係係一號大躉釣的。其實我開始玩的時侯東躉已經開始走下坡，kido同堅叔（有很多枝CRS竿的老前輩）都話再之前的時候每次上去都有幾口仲成曰有得斷。后來因為好多人來括晒個底啲青口令食物減小同埋多左人網魚先搞成而家咁。仲記得堅叔講過佢係東躉釣過差不多二十條四十以上的大紅油，有一次仲比一條應該係五十級的搞到枝竿個手托都打扁埋（有舊post講過），今年東涌紅油都小見了，希望它們明年會回來吧！總是有一個情意結希望可以在東躉釣一條四十以上的紅油，先天的強流場再加上人工險惡地形令成功感陪增。當年的東涌直駁還試過有一陣子有很多黃腳，每個禮拜都大集會去搞黃腳。不過我晒到死都冇乜搞到，可能係因為我成日都淨係想釣底物魚吧。
後來又興起了排打（漁排）都有好好的戰况。其實這幾年好些地方都有些輝煌日子，像迪士尼和灣仔會展一帶。每次有消息傳出釣場都是人山人海、竿上竿落。都係嗰句所有釣埸都是靠每一位釣友去保育，有時候看見有些釣友連比魚扣還耍細的小魚也扣著實在看不過眼但也不方便說什麼。只希望各釣友念在香港實在冇太多前打埸放生小魚留比自已將來釣吧！
講到呢度，其實香港附近也有像日本那種大型防波堤，很久之前就有一個post提及在伶仃島防波堤前打斷到驚的釣行。不過可能要去嗰啲場又要book船又要約齊多人才能成行大家都冇真係去搞(我是其中一個）。幾時有機會搞搞佢呢？
問題篇
之前都講過我只玩了幾年，所以很想知道在這之前前打在香港的竟況，有冇師兄可講吓呢？例如:
Ryobi 還在時很注重前打的，以前香港多Ryobi現貨賣嗎還是都是要訂？
有冇一啲好前打場而家已經冇左？
當年有冇一啲值得紀念的大咬釣況？
有冇一啲紀錄魚或舊照片可以分享（如果是菲林相片也可以用手機鏡頭照一下post上來）。
有冇人曾經去台灣日本遠征或參加比賽（kido好似有去過喎）？
沒有魚樂網的你，當年靠乜通消息？
後記
我想好多人都知我唔識打中文的，我以前出post都係全英文。但我想到寫這麼一個回憶錄又不其然的拿起手寫板係咁寫,好在有iPhone 哈哈。但一番興沖沖過後發現自已所知的並不多，可以寫的好有限。希望大家唔好覺得我知小小，扮代表，這個帖的原意是希望大家可以講下自己的經驗，吹下水。
都希望大家回吓帖以示鼓勵，食指就來磨到損。:em19
在21樓有早期雜誌相片分享 （轉載自早期魚訊網樂雜誌關於前打的文章。只是分享，希望版權擁有者唔好介意。如果有問題我會立刻刪除。）
Uncle Naobao can you also let me know if you have any problem?Thanks.
再post啲經典片段先：
AvuHBoVu2nI
TgEk5OH66YQ
Yes!那些年一起成長 我由08年開始玩前打，之前養珊瑚魚，好似燒錢咁
玩前打係因為上左依個網，前打當時真係好少人玩，吾係太多訊息可以搵到，都吾知乜黎，咪入黎睇下，發現前打工具少，輕便，又可以當運動（慢步），見d打手又用一支甘幼的捍中到甘大條魚，最重要係我暈船浪，好新鮮，就咁開始上網仔細睇每個post,睇完kido youtube d片重深深改變自己對釣捍的看法
之後跟dannis, 版大，大哥，steven打魚，佢地都好用心指導我，期間與上柴灣友pippenfan,大家都係新打手，開始我地曰打夜打，每星期有時打成4次，經常打通宵，pippenfan都可以說是我的啟蒙前打老師，佢對前打釣法的執著，思考，真係好熱誠
眼見依家前打版越來越熱鬧，由小cat三四隻到依家甘多post,真係比個讚比版大同好似steven佢地的堅持 DriftsinkAngler 發表於 2011-11-5 13:46
Yes!那些年一起成長
Yeah, 你以前都係東涌常客 兩年冇釣 kennethnip 發表於 2011-11-5 13:54
我由08年開始玩前打，之前養珊瑚魚，好似燒錢咁
玩前打係因為上左依個網，前打當時真係好少人玩，吾係太多 ...
其實我從來都係半桶水點可以話教，大家研究下啦 :em71我呢D真係叫晚輩 真係釣得個年幾.. 最大都係1條48CM既花細輪
不過有樣野我好想講我未上魚樂既初心班時我真係唔信我既練習埸係有魚釣既
就係聽左Kido 既一句 : 有水既地方就有魚 學左成堂剩係記得呢句" 點知 真係釣到:em90
不過我都係鍾意HECHI 多D.. 半水搶既感覺 真係好正 DriftsinkAngler 發表於 2011-11-5 15:02
兩年冇釣
寫啲嘢支持吓好喎 BEANLAM 發表於 2011-11-5 16:04
我呢D真係叫晚輩 真係釣得個年幾.. 最大都係1條48CM既花細輪
不過有樣野我好想講我未上魚樂既 ...
學無前後，達者為先.. 我都好想中咁大條細鱗呀。
不過我諗你剛玩的時候已經大把釣具揀啦哈哈。 板主我可唔可以post魚訊網絡的舊文章？