第三屆餌木賽花絮
又順利完左今年度嘅餌木賽事,:em39真係唔容易...今年參賽人數好明顯減少左,
:em56乜野原因都好喇,盡左能力去攪,已經交到功課!!
今屆比賽最值得開心有兩件事,
一路支持開嘅網友,好多位都繼續出現,
又有D餌木新手參加玩吓,小弟覺得已經好好架喇!!
感謝說話不嫌多...
要感謝天公做美,俾個晴朗天氣我地進行比賽!!
要感謝各位報名參加嘅網友,多得你地支持,否則比賽亦攪唔成!!
要感謝當日抽空做工作人員及幫忙賽事前籌劃嘅各位手足,辛苦晒!!
多謝毛利哥送出紀念品!!
比賽花絮...
:em71又係冰冷嘅比賽日...早一晚睇天氣預報仲話有6級風,
心諗西貢內海應該唔會好大影響掛,
其實最擔心個天唔夠晴...:em38
好在一早起身睇睇,天氣除左凍D大風D之外,尚算可以!!
:em90咁就快快趣趣收拾細軟出發去也...
到左集合地點時...原來已有網友到左,:em19
可能比賽日早上天氣仍然寒冷:em57大家都普遍較遲到達...
可幸有熟悉的網友已到達,就麻煩佢地幫手點名等賽前準備工作,
本來今次比賽打算取消午膳時段,輪攻三個釣點定輸贏,
不過天氣冷,有餐熱飯食吓,對大家作戰狀態應該有幫助,
:em29經過徵詢大家意見後,一於決定臨時加番食飯時段,
當然比賽地點時間安排有變喇,:em10:
唯一無變嘅係...全部人平均分開坐兩艇!!
(可惜有兩位選手夠鐘集合時,仍然昏迷...未能出席):em87
人齊...抽好艇位...準備工作做妥...上船出發去了...
其實咁嘅天氣,大家嘅衣物都準備足夠,
比較辛苦只係坐船吹風嘅時間,:em64
午膳前,我地安排左西貢內海兩個島上釣點比拼各一小時,
之後互換位置再戰一小時,
上半場我係跟B艇的,其實一開始已經有釣獲,:em12
而且亦係良型Size,針墨亦有上釣,普遍黎講都唔錯,
經了解:em63另一艇的釣獲都尚算可以,只係Size較為細,
一小時後,兩組人互換釣點,都仲有零聲釣獲,未至於死晒...
完埋呢一段,兩艇就一齊向午膳地點糧船灣出發,:em35
其實呢度亦係我地其中一個比賽地點,
但眼見時間差不多,就決定先食飯後再繼續作賽,
本來此處亦係較有把握可以釣到良型大尾魷的地方,
可惜,越係有信心的地方越失信心,:em33
除左喺正碼頭有D小魷攪吓之外,其他位置乏善可陳...
:em81咁...唯有寄望下半場...
雖然風勢有減弱,我地亦想再覓其他釣點玩吓,
:em74可惜都安排不了...唯有番抄上午的位置再拼一拼,
果然...衰過上午...雖然流水改變了,冰冷嘅海水,釣況依然冰冷...
超版提議:em05不如縮短此兩釣點時間,
改為所有人直接進攻最後一個小碼頭釣點,
本來此處係打算比賽完畢作為集合計算賽果及頒獎之用,
地方小小,一時間咁多人上來都好熱鬧,:em30
123...大家都盡最後努力...
湯記首先中魷,其他人見到,當然更加努力,
:em53當時氣氛相當良好...因為有魷毛出現,大家有得玩吓打邊爐,
一分一秒過去,可惜再無進帳...
雖然今次比賽有不盡人意嘅情況,
不過...小弟要代表網站感謝各位參賽選手嘅包容,
正式嘅餌木比賽,就要等到明年入季後至同大家再見面,
如果各位Fit魷愛好者支持嘅話...
相信好快會有小型嘅牙較賽同大家玩吓,
敬請留意!!
相片再分享!!:em12
相片再分享!!static/image/smiley/onion/em12.gif
友誼第一~!!! 靚景靚魷~! 好完滿~辛苦晒大家!!:em12
頁:
[1]