遲來的... 一點牢騷... 一點功課... 一點九說...
話說，都好耐無開過post喇，橫掂都係，就寫d野發下牢騷！！！ 就順便交埋功課喇 =]打上果個幾兩個月忙到7彩，莫講話打魚，連釣下魚同搵老周捉下棋既時間都無~
偶然上黎睇到位位ching都話新一年有個新開始，望下自己，就係從年尾黑到年頭~
剛剛12月，自從收到呢世仔第二張好人卡之後，一切霉運就從果一刻開始~
project俾客band到暈，跑步老抽到面容扭曲訓係條街成個鐘先起得番身，胃抽筋入廠，
148萬六寶竟然斷係隻甜將身上，搭飛機俾海關扣查，番黎果陣機票booking又錯曬時間要
學老湯玩the terminal，無啦啦商業登記過期罰左2000幾，百忙抽到時間去打魚又斷獲金，
陪客上大陸按摩又唔見左回鄉證，幫老世揀既馬又無厘頭話要切jj今年新馬錦標都應該未出得...
夠死未？啊，仲未夠！家中愛犬兩個禮拜前走左，連隻double yellow都係曬太陽果陣俾人偷埋...
以上所有，係15日內發生...
老實講，黑唔係話唔俾，都唔係排山倒海甘樣撞埋黎架大佬！
上面位老兄好有心，幫我安排左我呢世人第二最hea既聖誕節同元旦！小弟真係銘感五內，
感激之情實難用文字可以形容，恕我辭窮，唯有套用幾千年前老祖先既像形符號文字，
或能表達一二 >> !@#$%^&*()(*&^^$##@#%&#@$%^..... 多銀謝曬！
===============================================
牢騷發完，交功課時間 =]
釣點；土瓜灣舊機場
水深；9尺 ~ 16尺
竿：NISSIN 2WAY 39-45
攪：RYOBI HECHI 85
絲：SUNLINE MARKWIN 2.25 + BERKLEY VANISH 6LB
鉛：1B ~ 2B
鉤：MUSTAD ULTRAPOINT 10015BLN #8 / #6 (誠意推介，幼滑到喊)
餌；沙蝦 / 蟹仔
http://dl.dropbox.com/u/17033385/fishing_tackles/1.JPG
本人記錄黃老太一枚 =]
http://dl.dropbox.com/u/17033385/fishing_tackles/2.JPG
本人記錄倉一粒 =]
http://dl.dropbox.com/u/17033385/fishing_tackles/3.JPG
同場加映本人蟹居 =]
是日天氣好x凍 -0- 好彩都有d魚玩下，新一年頭炮算係甘喇，希望可以一洗頹風啦 =]
祝各位ching新既一年長釣長有，不勞而獲！
===============================================
釣點；土瓜灣舊機場
水深；6尺 ~ 10尺
竿：DAIWA BJ SNIPER T 超硬 45UM
攪：RYOBI HECHI 85
絲：SUNLINE MARKWIN 2.25 + BERKLEY VANISH 8LB
鉛：1B ~ 2B
鉤：MUSTAD ULTRAPOINT 10015BLN #6 / OWNER 90342 #4
餌；沙蝦 / 蝦仁
http://dl.dropbox.com/u/17033385/fishing_tackles/10.JPG
http://dl.dropbox.com/u/17033385/fishing_tackles/11.JPG
全程水中作樂，唔知以為自己玩緊溪流 =] 是日天氣寒，不過玩到全身出煙~
尤其係腳邊伸手落水執條魚上黎果一下，快感無限 =]
http://dl.dropbox.com/u/17033385/fishing_tackles/4.JPG
http://dl.dropbox.com/u/17033385/fishing_tackles/5.JPG
http://dl.dropbox.com/u/17033385/fishing_tackles/6.JPG
http://dl.dropbox.com/u/17033385/fishing_tackles/7.JPG
http://dl.dropbox.com/u/17033385/fishing_tackles/8.JPG
http://dl.dropbox.com/u/17033385/fishing_tackles/9.JPG
星鱸大爆釣 =] size 尚算理想，鞋長28.5CM，美中不足既係用錯竿，太快上水了，無點玩過...
以上係其中部分魚獲，二人前約兩句鐘，共上13甩5，扣都無帶，隨釣隨放。
好玩到唔識點形容，尤其友人LGD係手執日新ZEAKER，哈哈 =]
===============================================
釣點；土瓜灣舊機場
水深；6尺 ~ 10尺
竿：NISSIN 2WAY 39-45
攪：RYOBI HECHI 85
絲：SUNLINE MARKWIN 2.25 + BERKLEY VANISH 8LB
鉛：2B
鉤：MUSTAD ULTRAPOINT 10015BLN #6 / OWNER 90342 #4
餌；沙蝦
今次醒左，預左玩「溪流」所以改著拖鞋出擊。去到集合地點，即刻笑左！一個大熱天時都堅持著舒密加
去釣魚既人竟然係冬天會著人字拖出動 =] 而另一個仲堅挺，竟然係短褲...
「溪流」既魅力由此可見一斑，真係無有得輸，哈哈~
http://dl.dropbox.com/u/17033385/fishing_tackles/13.JPG
http://dl.dropbox.com/u/17033385/fishing_tackles/14.JPG
http://dl.dropbox.com/u/17033385/fishing_tackles/12.JPG
一開波2WAY首先發爛！連上三魚，全部係該釣點起到既新魚種 =] 同時一極都開埋光嚕，係海連一枚~
http://dl.dropbox.com/u/17033385/fishing_tackles/15.JPG
http://dl.dropbox.com/u/17033385/fishing_tackles/16.JPG
之後連甩5口，@#$%&% = ="" 但係那邊廂輪到友人FG既飛龍發威，解完魚無耐，又到友人LGD既ZEAKER...
中魚聲此起彼落，同時因為甩魚而從口中道出家中高堂既次數亦都係此起彼落 =] 玩到大約兩點左右，
就執野轉位，生扣都懶得開，又要水中作樂，隨釣隨放求其影左D相就算 =] 就係甘以11球吹雞完上半場~
繼續向較遠既石駁位進發，可惜流好大，跟都跟唔切莫講話落底... 而且都好靜下，唯獨係離岸約兩竿開少少
有兩下拉竿抽唔到之外就無乜動靜。商量過後決定番回原點繼續爆釣之旅=]
就係甘下半場正式開始...
http://dl.dropbox.com/u/17033385/fishing_tackles/17.JPG
去到發現退緊水，「溪流」不再，終於可以放番條褲腳落黎...
但並唔代表釣行已經收皮，依然係拉到無停手，玩到7個扣爆曬 =] 其他果d唯有釣完就放相都懶影~
總結成個釣行6個鐘左右，基本上係無乜冷場，條條size都依然係有番甘上下，拖鞋長28CM =]
一齊中魚既情況都時有發生，你眼望我眼都唔知邊個撈魚好果下好頂癮，哈哈~
全晚以23球同埋N甩斷完場，滿足到嘔 =]
===============================================
以下係個人既一極用後心得~
支野有幾好相信我亦都唔需要多費唇舌，但我只可以話佢唔係我杯茶~！
由於今次作釣既釣點都係比較接近水平面既，以一極多達17節既複雜結構黎講真係唔多適合，好多時都伸唔盡出黎...
當然，我相信呢個唔係only一極會有既問題，只要係同一極同樣結構既都會有同樣問題。因為無左一個較為傾斜既
角度可以靠撈磯框本身既重量將每一節都拉盡曬出黎，只係靠向前一伸果下就將成支撈磯推曬出黎係唔多可能既，
呢個唔關順滑度問題，係節數多左，節與節之間磨擦多左自然會出現既情況。而一極本身設計係俾係較高釣點例如
直駁之類使用，佢本身黎講呢個唔算係缺憾，只係我自己選擇左唔適合既釣具而已。
由於，我少玩直駁而且多數係接近水平面既釣點，所以我話佢唔係我杯茶，相信好快都會係交易版出現 =]
另外，亦希望其他主攻同我環境相若釣場既ching可以係買前參考下 =]
你同烏絲……
弓喜! 弓喜! 有倉玩好爽喎........ TEN69 發表於 2012-1-16 17:45 static/image/common/back.gif
你同烏絲……
佢果個毫無誠意啵，點可以同我呢個相提並論呢 TEN SIR =]
ps. 唔知你有無接觸過bay stage既hechi竿呢？如有煩請俾少少意見，我密謀抬支番黎中.....
祝師兄衰運走哂！財運好運時時來！ figs 發表於 2012-1-16 17:52 static/image/common/back.gif
弓喜! 弓喜! 有倉玩好爽喎........
個人覺得都係d鱸好玩d =]
始終有番甘上下件頭嘛，哈~
sellingpoint 發表於 2012-1-16 18:20 static/image/common/back.gif
佢果個毫無誠意啵，點可以同我呢個相提並論呢 TEN SIR =]
ps. 唔知你有無接觸過bay stage既hechi竿呢？ ...
我真係X到您粉碎!!!:pp29
魚旦仔 發表於 2012-1-16 18:21 static/image/common/back.gif
祝師兄衰運走哂！財運好運時時來！
大家甘話 =]
我祝番你支gama次次一彎到柄啦甘~
見到咁多字就好開心， keep'em coming man! Bay stage hechi 日本仔 and台灣釣友都好buy, 你可以試下問下a..佢有一枝... sellingpoint 發表於 2012-1-16 18:24 static/image/common/back.gif
大家甘話 =]
我祝番你支gama次次一彎到柄啦甘~
支gama一星期前魚排玩星佬頂排頂斷了頭芯，現在等保用，所以都係用金剛、大華先！