龍年繼續牢騷之 - 老戰友，係時候休息一下喇...
本帖最後由 sellingpoint 於 2012-1-26 21:28 編輯係漆黑一片既環境之中，除左非禮之外，最容易發生乜野事？
「咪就係仆街囉...」相信好多釣友對呢個答案都無乜異議，right！？
當然，我都唔例外...
就係一個月黑風高，爆釣二十三條星鱸既深夜...
http://dl.dropbox.com/u/17033385/fishing_tackles/23.JPG
我地計過下數，如果每條星鱸可以賣到20蚊既話，對上兩三個禮拜既漁獲已經差唔多夠買支一文字喇！
http://dl.dropbox.com/u/17033385/fishing_tackles/22.JPG
重到嘔茄，你睇我青筋暴現，抹大個口得個窿就知幾聚手啦 =]
back to the topic，當大家全神貫注係度爭取緊埋齋魚既時候，寧靜既釣場突然響起一聲「門小」！！！
原因者，今次我仆街鳥！
由於差錯腳，一線，個人向後一跌，隻手下意識向上一伸...
就係甘，陪伴我東征西討接近8個月既NISSIN PROSQUARE 2WAY既頭芯因為打到頭頂障礙物而折斷左...
http://dl.dropbox.com/u/17033385/fishing_tackles/24.JPG
老戰友，係時候休息一下喇！他日等我幫你換過曬D EQ，我地再大戰佢個三百回合！
=======================
返歸既途中，忽然唸起友人LGD曾經向我埋怨過：
「自從同左你條銀樣去釣魚之後﹝都係四五個月既事jar...﹞，我已經爛左兩對波鞋，黎緊第三對都就收皮...」
「損手爛腳既比率係2：1，或者更高...」
「D人成日問我點解食極都唔肥，我都會答佢地係因為同左一條銀樣去釣魚...」
「........ .... ... .. .」
我忽然開始，反思下，到底我既作釣方式係咪過份熱血呢？
我會係三十七，八度大熱天時從青馬收費站沿住北大嶼公路一路掃駁掃到映灣園...
我會上上落落千幾二千級樓梯搵路去釣點...
我會經常性企係石駁邊浸曬腳甘釣魚...
我會遊繩四五樓甘高落去D涯邊釣魚...
可惜﹝興幸！？因為果陣我連磯鞋救生衣乜差都冇...﹞兩個月前公事繁忙，參加唔到山友搞既東壩之旅，如果唔係我應該已經變左少數係東壩前打既人之一了...
基本上，好多大家認為辛苦，危險既野，係我玩左前打呢年幾間都做得7788~
我絕對唔係咩xgame潮人，如果係既話，係我踩磯既時候帶既就唔係魚竿，而係一架BMX...
係囉，釣魚咋，因乜要搞到好似要搵命搏甘？
或者，呢D就係TEN sir講既追求同感受掛...
我唔多喜歡釣直駁，呢類地方一般都有以下共通點：
- 人多船多
- 景觀狹隘
以上兩點，都會令到我作釣果陣心情煩悶，好鬼無癮！
我會覺得甘同自己平時做野番工有乜兩樣？跟本完全做唔到放鬆既效果...
所以，一有時間我就會週圍去搵D冇乜人會去既釣點~
人少左，車少左，望住個海，前面唔係車水馬龍，唔係高樓大廈，而係一望無際既海平線，日落日出都可以盡收眼底 =]
個人自然就會變得豁達起黎，覺得自己原來仲有能力面對日常遇到既一切壓力，同不快！
或者聽到呢首歌既你地，會產生同我相同既感覺...
http://www.youtube.com/watch?v=TahH7B_aUZc&ob=av3e
「i will start before i can stop...」
一切一切，趁自己體能/時間/金錢仲應付得黎既時候，如果做到既，都要盡量去做！
免得第日老黎淨係可以係岸邊釣老泥既時候先黎後悔邊度邊度冇去過...
順便係度，同各位曾經同我釣過兩次魚以上既朋友講聲多謝 =]
經過日前一想，發覺到原來參加我既釣魚死死團真係唔係一件普通辛苦既事黎，哈哈哈~
=======================
自己第一支前打竿，係日新既SUPER MULCH 450，買左之後先聽好多人講，支野好脆，冇鬼用架云云... 個心真係涼曬...
但自從買左唔夠兩個禮拜就係荃灣石駁的左條40紅魔上黎之後，每當有人同我講日新乜乜物物既時候，我都會反問：
「你用過？又知佢點點點？」
通常10個有9個都係答「阿邊個邊個話...」
之後我唯有冇好氣甘答佢地「邊個用邊個先真係知道啦，買支試過之後再黎同我講...」
其後，斷一支，又再買一支... 年半唔夠，前後總共買左五支 = =+
自問唔係咩日新粉絲，更加唔係咩「M.I.J.」支持者！會斷完一支又買一支，只因為無獨有偶，佢正正切合到自己既需求：
- 價位可愛，一千蚊前後有做工唔錯既貨仔
- 玩味甚濃，軟劍一把
- 輕巧，可以帶住週為去
以下，介紹一下我用過既日新前打竿，想入打門但又苦思緊買乜武器既同好不妨加減睇一睇，或有幫助都唔定 =]
- PROSQUAREスーパーマルチクロダイUGhttp://dl.dropbox.com/u/17033385/fishing_tackles/nissin_1.jpg
我第一支既前打竿，長度係4.50。支竿係放係地下俾人踩斷既 = =+
係日新最輕既前打竿﹝係我買佢既主因﹞，買左7百蚊唔夠...
竿先敏感，魚訊清晰，但係大流既日子最好唔好用，咩粒3B鉛已經彎到去第4~第5隻guide...
平衡同黑工果D冇得比，但依然勝過同價位既竿多多聲 =]
調子方面，一個字，軟！中條20班仔已經玩到飛起 @@"
中條紅魔果晚，清楚記得彎到以為會炸竿 = =+ 完全係過左5：5...
- PROSQUARE マルチクロダイUG
http://dl.dropbox.com/u/17033385/fishing_tackles/nissin_2.jpg
第二支前打竿，亦係壽命最短果支... 買左唔夠兩日就係上落石駁果陣對左落D窿度頂爆左 = =+
長度都係4.50，買左$10XX...
竿先同閱讀魚訊方面同上面果支一樣，令我好滿意...
試竿果陣就甘渣住fing左一輪，感覺會比上面果支硬身D，因為個弧位約係第二節落少少出現...
但中左條石狗之後，就發現，都係一鬼樣，軟到喊 -0-" 中條沙猛條魚向下一爆果下，支野係完全彎到到曬腰...
其他唔知點講啦，因為玩左兩日加埋唔夠6粒鐘就收左工...
- PROSQUARE 2WAYクロダイP
http://dl.dropbox.com/u/17033385/fishing_tackles/nissin_3.jpg
我第三支前打竿，岩岩斷左果支，亦都係陪我最耐同去得最多地方既竿...
長度係3.90~4.50，買左$885 =]
由於有zoom可以調教長度，大部分釣場都難唔到佢~
竿先反應閱讀魚訊等能力同樣出色，咩3B鉛雖然竿先已經微彎，但對於閱讀魚訊既能力冇太大影響。
基本上支竿大部分時間都係以7：3調作戰，但係一上到磅頭魚啦wor，唔洗講，馬上變5：5 -0-
回彈力方面又唔係坊間傳得甘差，只要多D運用手腕，唔好頂魚果陣成棵樹甘企係度，佢都彈得兩野嫁 =]
用料方面我就真係唔敢班門弄斧啦，但以我對佢既粗魯程度，同埋大大話話已經幫我上過百斤魚，點都值信心一票啦！
- PROUDIA 一文字クロダイ
http://dl.dropbox.com/u/17033385/fishing_tackles/nissin_4.jpg
我第四支日新前打竿，應該係日新最高級既前打竿~
長度係3.90~4.50，購入價$1800﹝又真係好高級下啵個價錢...﹞
雖然係好多方面，支竿都算係對得住1800呢個價錢，但係我用左兩次之後就收番入盒，我只能用唔係我杯茶黎形容佢...
其實係買之前，已經問過其他用過既ching意見，知道佢係日新鮮有有竿腰既竿，用落都真係甘樣...
成支竿都好敏感，好多時D魚咬餌果一下就已經可以feel到，跟本唔需要等到竿先俾反應就可以抽竿~
玩超前打既時候，就算咩粒2B鉛，都可以清楚feel到口餌到底果一下，唔需要靠睇虛絲去判斷... 呢方面以上果三支都做唔到~
回彈力好好，變調好快...
約14尺水中一條35左右青班，一抽條魚一爆果一下支竿係6：4，再一頂之後，支竿好快就變7：3，追多兩下絲已經見魚...
感覺同我以往用開既日新好唔同，太戰鬥格喇支竿... 如果你係打算一竿走天涯，呢支會係一個唔錯既選擇！
可惜，我鐘意日新就係因為佢軟，玩味濃；而且，如果要重火武器，我有其他比佢更可靠既~！
所以，係我既weapon list入面，我將佢定位為唔上唔落，唔係我杯茶就係甘解 =]
- SPECIAL ZEAKER落し込み
http://dl.dropbox.com/u/17033385/fishing_tackles/nissin_5.jpg
朋友既竿，長度為4.50，上過手玩過下，未中過咩大魚~
係日新最新既系列，感覺上亦都係最硬果支黎！
雖然，魚訊既傳遞好迅速，但比起一文字，要黎得死硬一D...
見朋友用黎頂D斤幾兩斤既星鱸都係彎到第二節落少少，約為7：3左右~
個人覺得呢支野比較適合係石駁撬魚，因為反應夠快，亦都好硬淨下 =]
- BRAVE2WAY攻堤へチ
http://dl.dropbox.com/u/17033385/fishing_tackles/nissin_6.jpg
呢支係我第一支日新既hechi竿，長度為2.40~2.70，購入價$1020。
單講調子方面，呢支可以講係一支平價版既BLACK JACK SNIPER MS-XXXMK系列！
完全係9：1超先調子，除左竿先白色部分之外，基本上係完全唔識彎既...
見親戚用支竿係躉船約22尺水起條差唔多50既盲鬼可以一手都唔放，硬收上水...
自己係岸邊玩D40幾星鱸就更加冇咩樂趣可言，直頭係可以拖住條魚好似放狗甘週圍行 = ="
再黎係個seat位，可能係要就番個zoom位，所以做得過份貼近竿尾喇，就算自己加尾托都冇咩用，起碼要將seat位移前5CM左右先會拎得舒服~
再黎係一個嚴重既問題... 一次我開zoom作釣click左石，然後將支竿舉高再向後拉既時候，支竿就炸左了 = =+
斷點係個zoom位前少少約6，7CM左右，果陣真係小一聲，「下！？甘都炸？」...
但事後唸番，死力甘拉法乜竿都有可能炸啦，何況硬對硬既時候只會炸得更快！
雖然講到甘，都唔係完全冇優點既，唯一既優點﹝亦都係缺點﹞就係「硬」
無論係輕至1B鉛落底既果一下實在感，到魚試餌，支竿都可以將呢類所有既訊號倍數放大，等你唔會錯過每次抽竿既時機 =]
再黎就係應付外道既強橫爆發力，完全係可以係彈指之間做出反應，真正做到快狠準！
但係我地係釣魚，唔係撬魚... 所以我個人係完全唔多推薦呢碌野 @@"
除非你既釣場係水深流急，或者勁多障礙物，例如東沖橋躉，躉船，魚排，出艇等等呢類既釣點就真係可以靠慮下喇，佢可以成為到你既好拍檔 =]
一文字籃棍邊到有{:47_2956:} 大佬：小弟睇完你d文章後、最終要睇眼科、因為睇到我眼都花、佩服佩服！ 多謝師兄詳細分享!!!!PROSQUAREスーパーマルチクロダイUG---師兄-輪-有冇好介紹?? 本帖最後由 chowwilson 於 2012-1-26 23:10 編輯
攻堤へチ....之前都聽有師兄讚...
長度重有1.8-2.15..鉛負荷2-5@@
有potential做支魚排殺手~!!
攪支番黎玩玩都好....{:47_2922:}
阿邊個邊個話.........一文字唔好嫁{:47_3058:}!!!!!
師兄，真係要寫個服字比你。可唔可以寫下黑工竿比你既感覺呀？先謝！ 多謝C兄同我地分享禁寶貴既意見:em73 chowwilson 發表於 2012-1-26 23:04 static/image/common/back.gif
攻堤へチ....之前都聽有師兄讚...
長度重有1.8-2.15..鉛負荷2-5@@
有potential做支魚排殺手~!!
其實支攻堤HECHI仲有一個好大既缺點,除咗硬之外(可以係好,可以係壞)
就係佢SIR 唔到D絲出嚟,係玩HECHI既一個致命傷
買之前認真考慮
日新果然同你係好帮手、咁曰新前打竿你會最鐘意邊支、我支攻堤冇zoom仲修理中！同你一樣秋石秋斷。:em11