自家秘制蝦仁,初步都幾肯食
呢個星期尾會再上排,尋日買餸見到有赤米蝦仁賣,買左廿蚊試下自制甜蝦,學人地落糖落味精,份量斷估,放入雪櫃過夜,到今朝一早拎左10隻去碼頭試下,剪細D蝦仁上勾感覺都幾好,摸完隻手完全無臭腥味但有D痴手,一落水D扯旗BB博晒命扯但口細勾大,上得幾條,另外仲上左兩條芝麻BB,初步細魚都好肯食,同場見有人釣難食蝦,只得扯旗BB,無斑幫襯,睇黎蝦仁釣底物得食過難食蝦,一眾白老鼠試食完就掉返晒落海,等養大D再釣過P.S.第一次咁有心整餌同一早去做測試,睇黎我都有D中毒跡象
恭喜恭喜 恭喜！！！！ 你真係中晒毒，仲好大癮！ 恭喜恭喜{:60_3639:} 我都整左自制蝦仁(上網學),基圍蝦仁用糖放室溫過夜,第二日將糖水(因糖會將蝦中水份抽出)用樽裝起,再用米酒浸室溫過夜,第三日將酒用樽裝起,再用糖放室溫過夜,然後再將每隻蝦用報紙印乾(蝦水裝起),然後用蝦籽粉,大地魚粉,雞粉,小量鹽,糖,酒,放雪櫃備用!整完拎出黎用手按有重牛肉乾感覺,不(痴)手,落水後蝦仁會在鉤內發漲!我都係去碼頭,不過得梭羅大咬,泥鯭數條,蝦水去排時備用,當有魚食餌時用,效果超好 多謝分享
頁:
[1]