南區熱門雞仔艇
本帖最後由 herbee 於 2012-6-18 19:45 編輯近月有幾位師兄都發放同一個南區雞仔艇嘅釣行,多得師兄提供電話,在一個半月前落了定包船。
到了出發當日,一行十一人都係朋友,諗住可以玩番日啦!點知最後個個谷x氣落船,我地第一次上呢類型嘅船,如果以下有一啲係行規或者係慣例，請告知我們。謝謝。
1. 集合上艇時無端端多左條友仔，我問船家話佢係幫手,但係佢又揸魚桿，又攞釣具上船?真係奇怪?!
2. 同我地講又話冇生倉，自已兩條友一到釣點就即刻落餌自己釣，最後釣到就自己養,吹漲。
3. 我地自己另外買左南極蝦,原本問佢攞個網做誘餌籠，點知佢放個籠喺正自己腳邊,.不停咁上,而家喺我地定係你㴝釣呀?!我叫佢比個位我地其中一位女釣友時(因為女釣友坐在船尾的位置好耐都冇魚訊),佢就好似好唔like咁。好似我地攪到佢冇得玩咁。
4. 到左有段飛機流嘅時間,有個坐尾位嘅師兄掟下鉄板仔，有一啲小煙仔追食,佢又即刻一支箭咁，衝去船尾又釣。又同我地爭位釣。
5. 回程的時候，佢個所謂幫手,其實全程喺度釣緊魚,我地最初以為包艇去釣魚,船家所釣的魚穫，都係屬於包船的一方,呢個唔係都不突止,最後重攞埋有位釣友嘅魚,(因為佢將自己某些死了的魚穫，撈埋落去所以佢話係佢，魚仔啫!我地比埋你!!
最後我地都係個個谷鬼氣地完成呢次人行程，呢隻艇，我地以後都唔會上,我地識得嘅朋友都會同佢分享番呢次行程，等佢自己決定去唔去了。謝謝，報告完畢。
{:47_3057:}{:47_3057:}{:47_3057:}PLS PM 船家IMFO, 我覺得過份!! 師兄!!!俾d貼士,等我地估吓!!!!!:em12 唔好叫我PM呀,今次只係想分享一下呢個釣行啫，因為唔想阻人做生意啊! 隔離個討論區貼左出黎啦,鐵板仔拖到煙仔,個攪手自己貼出黎既 多謝分享禁奇特的釣行!! 我估都係汽水人隻艇吧！！ usd 發表於 2012-6-18 20:24 static/image/common/back.gif
隔離個討論區貼左出黎啦,鐵板仔拖到煙仔,個攪手自己貼出黎既
阿USD，我都知係邊隻啦，下次你同我都咪攪啦！:em22 一次起,兩次此:L
7 樓果位師兄,唔好誤會,唔係汽水人~~
頁:
[1]
2