偉~ 發表於 2012-8-26 01:00 static/image/common/back.gif
重有....重有..希望你睇到我既留言啦....
見到你話洗個鮫....
賽後報告二
首先多謝師兄既提醒，我本來諗住成支魚竿同個絞一齊放係浴缸用花灑沖水，後來沖完涼就決定先準備好朝早會用既子線，啱啱先整好8條就上黎望下有無師兄留言，結果比師兄救番小弟，最後我只係用清水由頭抹到尾！
講番昨晚既戰況，係我幾經辛苦整返好炒左粉果支竿之後，又聽到老婆話條絲好似比d野click住左....:qq73^
如是者係我來回3次不停loop扯斷子線 -> 縛勾 -> 掛餌 -> 老婆話click石 ->再扯斷子線....之後，我地覺得呢個點唔老黎，於是執好工具，番去碼頭果邊再黎過！
係我地離開經過果兩位水上人夫妻之時，果位伯伯用一個開心大發現咁既笑容黎同我講，"咁快走?唔釣嗱?"，我老婆就好快咁答佢"係呀，呢度太黑，我地睇唔清楚縛唔到d勾呀！"....我老婆都幾坦白...:qq50^
行番到碼頭果陣已經係七點幾，碼頭非常光猛，而釣友亦減少左好多，剩底8、9個度，而且重集中晒係前面同埋右邊，我同老婆就即刻急急腳走向無人既左邊，重新開始作戰！
碼頭既海床情況比較好，無click石既情況，但係唔知係咪有個坑渠口係碼頭底，我發現每十分鐘就有一大堆垃圾由下面湧出黎！於是我同我老婆就頻頻中獎，有海草啦，膠袋啦，濕紙巾啦....總知不停咁釣d垃圾上黎，好似幫手清潔香港咁....
過左個半鐘頭，終於比我上到一條魚！呵呵！:qq59^
呢條魚毛雖然只得兩吋長，但係就好似一條天使魚咁，比到我一份成功既溫暖，為今次既釣魚活動正命！
最後，奉上自已DIY既掛子線百潔綿照片一張，聽朝再接再厲，以釣到超過一條魚為目標！
richie 發表於 2012-8-25 22:41 static/image/common/back.gif
賽後報告
多謝咁多位師兄既鼓勵，同各位交代下今日既收獲！
我地約五點幾去到碼頭，當時碼頭以已經有好多釣 ...
重有....重有..希望你睇到我既留言啦....
見到你話洗個鮫....
千祈唔好成個鮫隊落去洗....
基本上拆個線杯出黎沖沖水....
用水洗一洗出線個位同線框....
再用布抹一抹就可以呢....
richie 發表於 2012-8-25 22:41 static/image/common/back.gif
賽後報告
多謝咁多位師兄既鼓勵，同各位交代下今日既收獲！
我地約五點幾去到碼頭，當時碼頭以已經有好多釣 ...
繼續努力呢....
閒釣不是競技所以不需要鬥快....
只要綁得多就會慢慢上手的....
有咩唔明隨時可以問....
我相信好多師兄都樂意幫你的....
其實我自己覺得....
你同你太太都屬閒釣性質....
或許可以考慮一下去魚場玩下先....
因為野場始終都有一定危險性....
而且對一個新手黎講太少魚釣....
當然野場有好多野係魚場都找唔到的....
祝你同你太太都會喜歡釣魚這個活動啦....
賽後報告
多謝咁多位師兄既鼓勵，同各位交代下今日既收獲！
我地約五點幾去到碼頭，當時碼頭以已經有好多釣友，所以決定行前d一個小山坡既高位試釣！
由於無經驗，一開始淨係搞組裝支魚竿同個絞，再穿好魚絲已經用左半個鐘有多....:qq68^(隔離有一對狀似水上人既夫妻，一直以恥笑既眼光偷觀察左我地兩個好耐，不過我地當時運高，繼續努力做自已野！)
40分鐘後我順利地拋出第一竿，然後到我太太！果然，係無令大家失望既情況下，我太太支竿迅速炒粉，原來佢唔記得鬆開㩒住魚絲果隻中指:qq73^....只見個魚絞好似肚瀉一樣，將一大堆魚絲噴晒落地.....:qq40^
係咁既情況之下，我唯有將手上支魚竿奉獻左比太太，然後拿住果抽野走左去街燈下面慢慢玩解謎....:qq33^
*我要聽師兄講，先去用淡水洗下個魚絞，然後沖完涼繼續寫，待續！
好!有決心very good~先唔講有無買錯架生/價錢/配搭/釣法~就用呢套野慢慢研究釣魚吧~知道喜歡玩咩釣法再算吧:em59
richie 發表於 2012-8-25 16:13 static/image/common/back.gif
多謝咁多位師兄既回覆，小弟已經買左青蟲同蝦肉，即將出發去碼頭，希望可以釣到魚，然後上黎同大家 ...
首先祝你地釣多啲魚先！其實每間舖都會有貨品貴同平！唔駛太介意價錢.....因為其實你買既野都算不過不失架嗱！亦都非常靚！
師兄緊記所有用具如果想耐用記得用完用淡水洗乾淨就會比較耐用！
richie 發表於 2012-8-25 16:27 static/image/common/back.gif
我漏左同幾位師兄解釋...我唔係有錢人，買野都係靠打份牛工日做夜做先去買....各位師兄千祈唔好誤會，其 ...
好多海邊伯伯都係D世外高人嚟,內外功夫極度深厚,想贏佢地必須勤加苦練及多看多聽多問呀^ggan11@嘩。。。咩我好似講到練功夫咁嘅,哈,失禮晒{:47_3071:}
richie 發表於 2012-8-25 16:13 static/image/common/back.gif
多謝咁多位師兄既回覆，小弟已經買左青蟲同蝦肉，即將出發去碼頭，希望可以釣到魚，然後上黎同大家 ...
加油呀c兄^ggan23@
寂寞人 發表於 2012-8-25 10:44 static/image/common/back.gif
我第一支買嘅竿都係68蚊,攪都係1百多元咋。。。。呢個出post嘅c兄真係超有米耶!其實釣具嘅價 ...
我漏左同幾位師兄解釋...我唔係有錢人，買野都係靠打份牛工日做夜做先去買....各位師兄千祈唔好誤會，其實我見到間鋪裡面有d魚絞要**千蚊一隻，比起我買果d根本不值一提.....:qq50^
好似d影相佬成日講，工具不論價錢，都係唔會附送技術.....我只係想既然太太同我都有興趣釣魚，買器材就當係交學費，希望練好技術，將來可以攞支地拖棍再縛條魚絲，走去碼頭釣贏d伯伯！:qq27^
:qq78^ 多謝咁多位師兄既回覆，小弟已經買左青蟲同蝦肉，即將出發去碼頭，希望可以釣到魚，然後上黎同大家分享！:qq46^
我都重係唔識屈番個魚絞既手柄去....:qq33^
其實我買野前有上黎參考左好多師兄既文章，但係因為太多專門的詞語，加上自已都唔清楚邊種釣法會易d上手，所以最後同太太決定請果d sales幫我地揀...
我太太要求d工具要輕身，支竿唔好太長，sales 就揀左支 Crossbeat竿同埋個Shimano魚絞比佢！而我就只係要求易用，啱初學就ok。Sales就教我先學好"沈底"釣法，竿可以買普通入門 (朝舟)，而個絞就揀隻㩒用 (Ballastic)，佢話好既絞只要keep住保養就可以用十年！
因為我無去格價，所以可能好似師兄咁講，我會買貴左，不過我估一般新手都唔少得要交d學費....希望同太太都培養同感受到釣魚的樂趣，咁就值回票價啦！
準備出發了，祝我好運吧，謝謝！:qq77^