手竿釣魚035---一星一火
本帖最後由 FELIX009 於 21/8/2013 21:59 編輯8月19日(七月十三)果日放早, 又走左去釣魚放鬆心身.
今次買左二兩生蝦, 諗住禁早去買多d有排玩啦!
五點到到左釣場, 都見有五六個師兄係唔同嘅位置釣緊.
一於去番釣開嘅位試下, 見隔離有位師父又係釣腳邊.
不過唔係玩手竿, 而係玩21尺竿直攪, 好似係大生蝦.
起初都無埋到, 照釣魚.
去到五點半定六點前, 見果位大師都汁野走人,
禁咪走過去吹下, 睇下師父有冇釣到好野啦!
原來佢都冇乜好野釣到, 只係釣到條一斤都唔夠的星鱸.
仲問我要唔要, 我就要左佢啦! 好過放左佢吃晒其他魚仔!
佢一走埋, 除左我之外, 成條石壆都冇晒人只剩低我一個.
心諗, 唔通個個都要未黑之前返去...
唔緊要啦! 仲有大把蝦, 有排玩呀! 釣晒先好走!
其實, 我都好少日頭釣魚, 五點零至入黑前都好曬下, 好辛苦.
終於, 七點到太陽下山了, 開始黑啦!! 正!!
再釣多陣, 係腳前有右手邊半支竿到有條魚打左個大水渦,
因為係冇水花嘅, 只係拎轉頭禁啱見到有成三尺嘅大水渦.
再過一陣, 再遠d又有十零條魚仔係右手邊嘅腳邊比大魚追到跳出水.
又心諗, 有大野埋岸啦! 正呀!!
正當準備好大魚嘅來臨, 眼見前面對出, 四支竿到,
有條好大嘅魔鬼魚, 由左向右跳出水, 出水果下仲見到佢對翼拍下拍下, 好得意!!
冇耐就開始有大流都係由左向右流, 然後有條火點仔走埋黎食我隻蝦,
撈箕都唔駛就直接彈條魚上水.
再釣多一陣, 二兩蝦就用左三個零鐘, 八點前就玩完.
平時一兩多d, 都玩足三個鐘啦! 點解今次禁多蝦, 禁快就玩完嘅!!
點都好! 心身叫做舒展過, 又睇到有靚魚出水, 都唔錯啦!!
既然禁早番到屋企, 一於劏左兩條魚食鬼埋佢.
估唔到條星鱸都幾好味! 唔錯! 唔錯!
做咩唔釣個條魔鬼魚XD salung 發表於 21/8/2013 22:27 static/image/common/back.gif
做咩唔釣個條魔鬼魚XD
有諗過嫁!
佢食埋黎我就死啦! 有條好大嘅魔鬼魚, 由左向右跳出水, 出水果下仲見到佢對翼拍下拍下, 好得意!!
............. C Hing, TKO ?? 336338 發表於 21/8/2013 22:38 static/image/common/back.gif
有條好大嘅魔鬼魚, 由左向右跳出水, 出水果下仲見到佢對翼拍下拍下, 好得意!!
............. C Hing, TKO ? ...
"欣澳" 呀!! FELIX009 發表於 21/8/2013 22:42
"欣澳" 呀!!
噢，我以為你玩開TKO添。欣澳我去過幾次，環境一流！ 336338 發表於 22/8/2013 01:39
噢，我以為你玩開TKO添。欣澳我去過幾次，環境一流！
可惜冇魚丫！ FELIX009 發表於 22/8/2013 06:32
可惜冇魚丫！
C hing, 而家果到d水質如何？是否還好？謝謝！ 336338 發表於 22/8/2013 09:35
C hing, 而家果到d水質如何？是否還好？謝謝！
水質都OK。
有流嘅話應該好d, 有d魚釣下。 弓喜! 弓喜!