苦力艇之釣獲
今日一早又陪父親大人去釣沙鑽....前一日已經打定去問重有無4匹艇租....
點知又係無......
原因係之前新聞報導過舢舨無皇管....
所以而家海事處做緊野....
超過3米長既舢舨係唔可以裝犘打比D無牌既人租....
所以艇家話要搞搞D艇佢....
我心諗隻船細隻左咪重危險....
海事處係咪玩野....
講番正題....
去到艇地點9點鐘....
水漲到盡且好大霧.....
雖然個天陰陰暗暗又有風好舒服....
但之前上網睇過話大霧D魚會唔開口....
希望唔好係咁啦.....
划左半個鐘去到目的地....
水流都幾急下....
搵個左位避流落錨....
一放落去1分鐘唔夠就起左條OK size沙鑽....
心諗一定好多沙鑽.....
事實上真係好多沙鑽....
但係打後2個鐘個D全部都係手指size BB仔黎....
一路釣一路放.....
唔係今日成日得1條魚交差呀.....?
另外呢帶唔止多沙鑽....
重有2種釣友見到都想講粗口既魚類....
雞泡魚大哥同老虎魚大佬......
佢地係咁訓練我綁鈎技巧....
最慘既係我想放番雞泡魚大哥個時隻手指比佢咬左一啖...
血流如柱......
好心真係有好報的嗎...?
果然.....12點半左右水退愈黎愈急....
呢個時候OK size沙鑽開始開飯啦.....
接下來一個鐘係咁上係咁上.....
中間夾雜左D手版 size釘公, 絲立, 連咪.....
就算手指傷左都要忍住痛釣佢地....
5點左右就划番去走人.....
總括黎講呢次都叫做有番D收獲....
原因係之前好多次艇釣總收獲都係未如理想.....
界乎係10-20條魚毛仔....
有時連一斤魚都無呀陰公....
呢D醜事梗係唔會post上黎啦....HAHAHAHA
所以各位ching可以既話比D意見我改進一下.....thx
邊度有得划艇釣魚 可PM? 多謝分享:em73 多謝分享!
下次小心。 其實魚係即時釣上黎影相最靚,下次試吓 收獲都唔錯... 弓喜! 弓喜! 好多魚喎.......... 恭喜師兄父子樂過足手引邊到出艇呀??? 恭喜 都不錯吧!貴魚喎!
頁:
[1]
2