laiben 發表於 4/4/2014 16:37
佢老人家開始縮水姐!!
果度真係好原始,原始到人命唔值錢..... 我地住左七日已有兩個lodge 的 staff 死 ...
你地去之前咪要打好多針??
其實我鄉下個沙灘都好長好靚,
可以為左錢,俾D仆街亂Q咁挖沙...攪到...
naobao 發表於 4/4/2014 16:44
你地去之前咪要打好多針??
其實我鄉下個沙灘都好長好靚,
針打左好多, 如黃熱病, 傷寒等..同埋要食防瘧疾果 D 藥 (瘧疾冇得打針)
今次果度當地生態都唔係冇人破壞, 只係少少破壞唔多覺, 如果一多就...
P.S. 中國人在莫桑比克僱用好多當地人去獵魚翅同魔鬼魚鰓做藥材 !!!
laiben 發表於 4/4/2014 17:03
針打左好多, 如黃熱病, 傷寒等..同埋要食防瘧疾果 D 藥 (瘧疾冇得打針)
今次果度當地生態都唔係冇人破 ...
咁仆術嘅...{:2_3110:}
naobao 發表於 4/4/2014 17:20
咁仆術嘅...
據南非導遊所講.. 當地沙灘上的蟹仔 (好似香港 D 蜘蛛蟹咁不過有一毫子咁大), 有中國人成千上萬咁捉走唔知拿來做乜.... (佢地對中國人冇乜好感)
本帖最後由 laiben 於 7/4/2014 10:01 編輯
今日細風 D , 出到船. 紅馬執到條30KG, 頂到呱呱叫, 失禮死人囉! 其實當地海洋生態十分不錯. 幾乎每一次出船都見到海豚, 海龜. 大鮫同大煙打足一日水, 不過GT 就好疏口. 還好size 合格, 平均都接近20KG, 再加上果度 D GT 都幾惡, 手感十足.
每天大約五至六點回到lodge, 梳洗完等開飯, 閒話家常. 據來自南非的白人guide所講. 自曼德拉當總統廿多年來, 南非面目全非. 政府由其他非洲國家輸入大量黑人移民, 配合向黑人新移民傾斜的福利政策, 基本上黑人政權已壟斷大多數選票... 乜咁似未來香港既?! 原來"溝淡"呢招賤招唔只中共會用. 不過從前南非的種族隔離是事實, 現在反被黑人訂立的政策歧視, 真算風水輪流轉也.
講下講下領隊們似乎真正領會 hongkongese 同 chinese 的分別(可能有人覺得冇分別, up to you), 少來客套話先發覺原來佢地南非人(可能只代表白人意見)都幾唔鍾意 chinese. 來自中國的假煙假酒唔在講.. 好多中國人仲比錢當地窮人代為非法捕魚, 值錢的魚翅梗係唔放過, 連D蟹仔(大約係前打做餌size, 經常在沙灘上爬來爬去)都一堆一堆咁捉唔知拿來做乜.
食完晚飯通常都係回房休息, 蛇虫鼠蟻就係時候出動. 蚊呢 D 就唔使講啦! 稍為細風 D 就真係勁過橫瀾. 蜘蛛都有唔少, 仲要係良形D腳有毛果 D !! 可能因為屋頂係用稻草建成的關係, 好多動物在天花活動.. 曾經有一晚見到蜥蜴大戰蜈蚣.. 好彩佢地冇跌落黎!! 另一晚patsy發覺地下有條蚯蚓(約30cm), 當時因為停電睇得唔太清楚 (因為個發電機壞壞地,果度大約50%時間冇電), 行近少少先發現原來係條蛇!! 即刻叫領隊黎幫手掃佢出房門外.. 領隊話係moss snake (發音) , 有 D 有毒有D冇毒 (!) .
講返釣魚, 果度魚就有好多, 但GT 就好疏口, 不過最後一日紅馬終於中到條記綠魚有35-40kg. 算係拿返個尾彩啦!
成個trip最驚險都係回程返香港果時, 飛機又delay , 又辛苦. 有人仲差D死埋, 不過當事人話太 火羅 叫我唔好講喎!
非洲. 我會再來的! 不過唔係出年, 因為真係好辛苦呀!!(~完~)
每次出船的熱身運動...... -__-
(稍後再upload 相片)
一生人可以去一次這般的釣行,值得!!:em61
正呀喂！多謝分享！{:47_3048:}
鐘聲响起歸家的訊號…………
除左精彩...我真係乜都悟識講...{:47_3048:}
我也說一句