中魚?吾係，係中蛇啊！
今日day off 又戰黃金，本來有高手同行，結果放我飛機，火都尼。無所謂，自己釣。一開始五點幾仲有光，去金海豚對出內灣，估佢吾到蠔殼超多，又濕滑，加上吹風，個11g餌吹番轉頭鈎蠔殼，去攞番隻餌差d pk,上星期已p一次，仲未好番，好在無傷上加傷。個位吾係好利我，於是轉燈塔位，燈塔位已有四位釣友，惟有行過一d，一直拖，一直試到八點個，完全風平浪靜，連烏頭打水都無，反而差不多次次拖到水草。於是又轉，向酒店邊個出水口出發。
去過既釣友都知，係單槓位爬入去行邊邊有棵樹，係可以行得過，但係好吉肉，所以今日行下面過，行行下想上番去平d既路，行幾步，我頂，有條估計米半長既蛇由上而下咁過尼，我認真比佢嚇親，雖然係新界大，自少去山玩，蛇皮死蛇見得多，咁生猛既蛇真係第一次見!好在今日出發前買左頭燈，吾係同條蛇撞到正就好玩，好在蛇大哥無在向我行，入在石洞番屋企。之後見到兩位釣友都提一提佢地有蛇出沒，要注意。
之後開竿都冇咩料到，隻係大埔買既新假餌竟然自己開邊，由中間爆開，吾係呱，咁垃圾!惟有轉餌，又鈎石，又無幾廿蚊，之後做左清道夫，鈎左好多膠袋，連餌粉袋都有，好心有公得心d啦，最後開始退水，閃人
後記，上網查到蛇大哥應該是棕黑棉蛇，無毒，性格溫和，但都夠嚇死我 多謝分享!好心定會有好報，師兄!希望下次能爆釣。 果度石駁多老鼠!引蛇出洞唔出奇！ 果度石駁多老鼠!引蛇出洞唔出奇！
頁:
[1]