手竿釣魚052---直感一點
本帖最後由 FELIX009 於 13/11/2014 12:02 編輯手竿釣魚052---直感一點
11月11日星期二生流，諗住咁耐冇釣咸水，又見有師兄釣到百花鱸，
就諗住去欣澳玩一陣，中午買定20蚊生蝦，一放工就去加班。
由於做足準備，6點前到左仲開好支竿。
今次諗住釣百花鱸，就開支18尺手竿，用足18尺絲加一支浮標仔，
夾鉛都唔落，單勾生蝦就咁全漂。當時水位係由1.5米漲緊上黎。
開頭釣左半個鐘，完全冇反應。支標訓係水面郁都唔郁，
心諗：係咪唔到底呢？因為有小小流喎，會唔會離底太高，d魚睇唔到。
跟手夾粒1b夾鉛，支標就起左身，到底定仲深d都好易見到。
不過都係冇魚攪我隻蝦，唯有不斷轉位搵魚。
又釣左一陣，發覺唔對路。都係玩番直感算，索性抆走支標，等隻蝦直沉落底算。
果然，直感最殺食！好快有反應，條魚拉一拉，我一揪，兩三下手勢就拖條魚埋腳邊，
攞絲一的就中左條手扳大嘅火點上水。
可惜再釣都係有魚咬，見時間差唔多，就番第一個位睇下有冇鱸先。
去到隻蝦落水冇耐就有魚攪，感覺到隻蝦落到底一陣，輕輕帶一帶就被佢食埋黎，
自然反應係收緊虛絲等佢食多一陣，點知條絲跟著“fit”一聲，支竿由彎變番直。
拉番上黎一睇蝦已經冇左啦！
咁樣就結束左今日嘅行程。
唯有再等下次機會，搵佢班死佬報仇！
多謝分享！ 多謝分享，感覺幾好玩 咁黒媽媽，我覺得好難玩 lym000 發表於 13/11/2014 12:04
多謝分享！
多謝欣賞！ bennie 發表於 13/11/2014 12:30
多謝分享，感覺幾好玩
多謝欣賞！
手竿中魚手感好正嫁！ 336338 發表於 13/11/2014 12:33
咁黒媽媽，我覺得好難玩
其實果到好光，因為後面有街燈照著。
後尾連支標同支螢光棒都抆埋，完全較手感，直係好正。
仲黑d都可以，冇問題！ FELIX009 發表於 13/11/2014 12:47
多謝欣賞！
手竿中魚手感好正嫁！
讚同，尤其直感 都係直感好!係竿頭痴螢光棒
好多呀叔都係咁釣!見佢地釣唔少魚,又班又紅油
最得食係街市買既海生蝦 手竿泵石隙真係好刺激嘅玩法，如果用長手竿5m以上果d，去臭河隊塘蚤，我諗中左直情想死
頁:
[1]
2