改長標為可換標尾
本帖最後由 RCL 於 21/12/2014 21:52 編輯手上有一批好耐之前係大陸買既長標，當時人民幣10蚊支，最近攞返出黎，又想搞搞新意思......改為可換標尾
呢種標既標尾同常用既2.9mm熒光棒直徑好接近，呢點對後面既改動非常有幫助
切斷標尾，留返約1CM
以前釣具店買既綠色熒光軟喉，有D硬度，內徑剛剛套入2.9mm熒光棒又緊緊地
套入標尾剩餘位置，會緊緊地，留返D長度套標尾然后切斷膠喉。
滴D 1秒膠水就實曬
套返原來支標尾剛剛好，已經用得
想做D唔同長度既標尾，以應用于唔同場合，原材料係田宮遙控車用既天線膠管，直徑同2.9mm熒光棒非常接近
選取合適的顔色，裁剪不同長度
想懶可以用呢D熱縮膠喉套落膠管度，有不同顔色和大小
套黑色后用專用既風筒吹至收縮，下面係完成既效果。當然用箱頭筆油黑亦可。標尾頂端加一小段熒光膠管，用1秒膠固定后，可以夜釣時插入2.9mm熒光棒
專用熱風筒
對于其它長標，可以用另一種方法，用呢種中通棒替代熒光軟喉，用最短果種已經可以
方法係切斷原有標尾，然後在頂端轉個小洞，剛好可以插入上面既中通棒，再加1秒膠固定，完成後就好似下面最左邊果支浮針咁
中間果支長標係利用呢個方法轉洞，插入中通棒，落膠水，然後再包黃色既熱縮膠包裹。加埋之前做既標尾就如下圖
大功告成
勁 多謝分享！ 多謝分享 请问师兄几个问题
1.点解要在漂最下边包野。最后那张图。
2.点解要做成可换尾？单是加荧光棒就加个套管得啦，换尾是有咩特殊功能？ dogdogfish 發表於 9/3/2016 23:41
请问师兄几个问题
1.点解要在漂最下边包野。最后那张图。
2.点解要做成可换尾？单是加荧光棒就加个套管得啦 ...
1. 包鉛片，由非自立浮標改為自立，並調節浮力
2. 因應風、浪大小、天色光暗等等因素，用不同顏色和目視性的標尾
多谢师兄指教！即是将自重漂改成自立漂了？
我都有D呢种，只是自重，但铅不够不自立的。
頁:
[1]