羊年魚蝦蟹釣團
一早說好的魚蝦蟹釣團,初二早如期出發,點解叫"魚蝦蟹釣團"呢??:o
因為隨左釣魚之外,本來仲諗住釣蝦嘅,
點知上面嘅場執左唔少,
而且因冬天關係,未執嘅都唔開門做生意:Q
蟹就當然唔係釣喇;P
係想食餐高膽固醇蟹餐之嘛:lol
興奮的心情雖然攪到我瞓唔著,不過一樣一早起身;P
早上火車出奇地咁少人,過關又出奇地咁少人,
連上東莞嘅車站都出奇地少人,
只係行駛高速公路途中,塞左兩鑊車:curse:
約好司機,好快就到釣團第一個目的地:lol
當然唔Q駛講咁多野,即刻開竿...:P
見中間條浮橋咁正,我地幾個即刻衝過去,
好快Henry就首先中魚,我地當然更加努力拋投,
其實頭段,阿濤哥中最多,不過唔知點解佢又甩Q晒:o
上半場我地幾個人都順利中魚開年,
加洲鱸嘅Sise都唔錯,活性都OK:D
係要花小小時間摸索一吓個場D標點,
基本上D魚都係較硬膠的;P
因為過年關係,附近飯店無開,
多得司機大哥幫我地買午餐,
食飯嘅時候又可以順便抖抖,
諗住呢兩日天陰陰涼涼釣得舒服D,
點知同上年新年釣團一樣,
太陽伯伯非常俾面,
晒到我地燶晒:'(
下半場,摸熟左D位之後就中魚中得輕鬆有把握:P
當然D魚蠢D又有D關係嘅:lol
仲諗全日都係加洲鱸,
點知又有紅鮋中喎,真開心;P
晚上呢餐就真係正:loveliness:好食又抵食,
四條又,食左10幾個餸,真係超滿足,
特別係呢個蒸絲瓜,真係一流,食完都再要點多個:lol
飲飽食醉之後,最經濟實惠當然係骨場過夜;P
好喇...第二朝初三一早先來個廣式飲茶,
又係非常好食:loveliness:又係咁抵食,
唔知係咪依家國內同胞富貴左,
過年時候都要外出旅遊,
攪到周圍都冷清清咁,
其實對我地黎講係好事,
起碼食野坐車都舒服好多:lol
唔駛爭位唔駛排隊唔駛迫:P
坐左差唔多一粒鐘又到第二個釣場喇:D
先同老闆娘打個招呼;P馬上又進入作戰狀態:funk:
呢個場有個特點,就係D魚俾人操得多,
食餌好似D立魚咁Q精,
不過體型就非常好,戰鬥力都唔錯,
又有另一番釣味:lol
不過呢日釣得比較辛苦,
雲較厚天氣好焗氣壓低,
人又辛苦魚食性又低,
釣到我一身汗:'(
先食個午飯抖一抖:L
老闆娘介紹我地去果間餐廳真係唔錯,
雖然坐外面D位,都非常舒服,
菜式雖然簡單,走地雞及普通青菜,
食物新鮮,不需太花巧,已經覺得好好味:victory:
下半場,天氣有所好轉,我地感覺舒服D,
亦喺唔同嘅位都中到魚了,
時間就好似流水咁...司機到了,我地亦要踏上歸途
多謝兩位釣場老闆咁熱情款待,
更要多謝司機大哥導遊嘅服務及好介紹,
非常完滿及豐富嘅假日釣團:loveliness:
頁:
[1]