早水解鱸氣
本帖最後由 siukei1985 於 23/5/2015 03:41 編輯趁無咁大雨，玩番個早水...
去到水漲緊，但見到黃泥水的水色....
目印係睇到水面個兩點，加上有點大流，有時成組目印也沈下了(又或者可能係魚訊，總之無上次咁睇得清楚)
首先用了幾隻生蝦仔，之後很疏口的轉了用青蟲...
等咗陣終於食，黃腳仔一條，但上水面甩口了...
之後個位無野咬，走去右邊角位，釣了條火點仔...
有野咬緊係乖勝追擊啦，但換來短促而有力的魚訊...
輕抽....不中...隻蝦爛晒...咩料?
如是者俾D魚攪掂幾隻生蝦....
咁攪法唔係路，唯有出神仙蝦餅...
口餌到底...唔....無野咬....!!...
只感到一下實在的魚訊便下意識一抽，紅鮪仔一條...
再用神仙蝦餅，D短促而有力的魚訊又來了，但竿頭愈來愈...
抽....哈....唔怪之得啦.....
如是者又玩咗四條(落緊雨費時條條影，拿拿林中多條過下手癮好過)，之後個位似係無野咬，轉位...
水退中，見D生蝦同神仙蝦用得7788，就用下青蟲，今日D蟲較幼就成條落....
又等咗陣...條魚扯竿頭向外...抽...唔中...條蟲得番一半...
照用住先，等咗陣，無咩魚咬又有D累就垂低支竿整虛D絲睇目印算了...
睇咗陣見無動靜諗住收番嚟換過條生猛青蟲，點知支竿即刻大彎...
知道對手唔好「野」，即刻舉起支竿，只感到對手好似唔理我向前游...
即刻㩒實個攪唔俾再出絲，佢向前游唔到就即嚟個轉向，左右標...
而我單手舉高支竿，享受拉扯快感....
又如是者玩咗兩分鐘度，條魚終給我玩謝了(因為無帶撈磯，唔玩謝佢好難「吟」佢上來)...
竟然無入扣!?鉤咗係下唇...
其實之後中多一條，但斷了...
怪就怪自己懶，1.2子唔換粗D再加上剛剛條子線同條鱸玩咗咁耐，應該都有D耗損...
之後雞泡當道就走人.....
好玩:em73 多謝分享！
精彩報導！ 好過，麥麥新聞台。正。 咁多魚種，勁！ 過走手引
頁:
[1]