享受了一天滑水的樂趣
大家唔好誤會細佬今日去滑水，查實係玩左一日毛勾滑水面，水面爆裂實在過癮…{:47_3040:}焗到仆街的小島風情…
以普遍香港步兵岸邊飛釣，咸水小物係最佳作釣對象，無論係春夏或秋冬皆有對象可挑戰，沙坪或沙灘更係夏天首選，雨後日子釘公好釣…就出發玩玩，不過超緩慢退潮時段加上低氣壓焗促，為作釣添上不明朗因素，按照舊時經驗…先到生態較豐富嘅沙坪作釣，小溪口水溫較理想亦容易聚魚，但係採用舊法舊手段，結果都係差強人意，當潮水稍為暢通時…發現周邊都有魚沖上水面撲水，呢個時候人已行至水深到屎忽嘅地方，有疑問就有靈感，可惜未有準備微型popper fly，就試試黑蟻吧，超慢收…利用蟻身hackle毛喺水面做成擾動，果然一擊即中…
呢個係非常好嘅經驗累積機會，玩幾粒鐘滿意收場！！
午餐係久違嘅香港地道美食"乾炒牛河"{:47_3036:}
坐車果陣...發現一位老工匠{:47_3047:}多懷念的手藝...
頁:
[1]