趁機同陽光玩遊戲
終於中午放晴了…個新釣箱終於可以出門了，雖然只得短短幾粒鐘可釣，都係要搵D牛仔玩吓。長時間嘅持續下雨天，釣點水混濁就預左，除左準備用開嘅黃練，亦有帶備丸九專用餌，沿路行入釣點天氣係出奇的涼爽，到處充滿生機嘅地衣，證明經雨水洗滌後，空氣環境十分乾淨，不過大自然水嘅威力，睇到周圍嘅大小改變就知有幾犀利，開好釣具後…初段釣反應實在太冷淡，要隔好耐先有小小信，如事者…玩左成粒鐘都係差唔多，唯有轉一轉位，即時就好好多，雖然只係雜魚信，總好過白坐，根據過往經驗，牛牛會隨住餌嘅味道吸引而靠岸，而且係會靠得好貼邊，即時調整釣組，果然有牛上了，之後大約十多條魚之中就中一條牛，雖然牛細細…有目標中到係開心的，開學了…希望天氣越來越好舒服D,等我有多D微釣機會。
基於香港釣牛環境需要，超短竿係有配置必要，今日為左遷就標點，都要特別坐後好多黎操控，60-70cm係比較理想長度，我諗要盡快喺日本採購返來用。
頁:
[1]