411第一屆餌木賽報導及花絮
第一屆嘅餌木公開賽終於完成喇...:em25唔好話我煩:me114要再多一次感謝支持參與嘅網友,
同埋抽空幫手嘅工作人員,做工作人員其實好辛苦,要行黎行去...
見到選手們中魷又無得玩:me33真係慘!!
:me65比賽戰況報導
小弟當日一早起身就梗係望望個天,
同第一時間上天文台網站了解詳細天氣情況,
網站資料就好理想,唔凍唔熱風又唔係好大,
仲話雲中間唔時會爆D陽光喎,不過望望個天...都好懷疑...
當我8點多到達集合地點後,竟然已有參賽選手到左喎,實在太俾面喇!!
打過招呼後,我就準備派發餌木及記分卡等工作,
不過今次比賽安排上有小小波折,
原本係希望增加競技趣味性,由釣友自定8隻指定顏色餌木,
主要係希望將應用餌木方面個人經驗加入比賽中,
而且亦不希望釣友以填海方式作釣,所以先有以上安排!!
可惜嘅係餌木供貨方面出現問題,最後唯有...全部釣手統一一個顏色組合,
下圖為比賽當日所派發之餌木包包!!
順便講一講,當日記錄分數方法,
因需顧及放生問題,經過幾次開會後,
大家都接受即時由工作人員現場確認記分,
而且為免減少錯誤出現,今次比賽以派發點數卡方式,
由現場工作人員為選手貼上貼紙確認,
其實呢個方法唔錯,簡單方便,
不過下一次再有其他比賽,希望更加環保D,
應會考慮用比賽專用原子印!!
好喇...:me65再次回到比賽日現況報導...
由早上8時30分開始到9時15分開船時間內,選手們逐漸到達集合點,
有不少已經係互相認識的朋友,當然少不免互相寸吓嬉戲一番,
我亦開始派發餌木包包及記分卡,當時天氣仍然係霧鎖西貢,
最可惜係有一位參賽選手未能聯絡上,船到了,唯有出發比賽了!!
當日參賽選手再加工作人員超過二十人,所以我地分兩船出發,
今次係以團體方式,選擇左西貢內海幾個岸上釣點作賽,
上船後,其實西貢係非常大霧,
船家亦說明,有D位因能見度問題,可能難以登岸,
既來之則安之,唯有到時見機行事,
船...漸漸駛離西貢墟...霧亦好似漸漸無咁濃,有D安心...
好喇...到左第一個釣點...
咁我地就好熱切期特咁上左呢個小碼頭,
其實當日有釣手無準備救生衣,及有部份無準備磯鞋,
我地亦盡力安排...
無救生衣者,就穿著船隻提供救生衣,
無磯鞋者,就只可於碼頭位置作賽,
我地比賽大會就正式於呢一刻開始!! :82da9d58+成班選手一上岸就梗係第一時間觀察吓個現場環境喇,
睇吓可唔可以先拔頭籌,中番十隻八先打吓底,
小弟就觀察吓各位嘅釣具,有一樣都幾開心,
大家平價嘅又有用,貴價嘅又有用,
比賽並唔係Show架生聚會,
而且有D選手選用左不不合適釣線,
其他釣友亦好樂意借出及幫忙上絲,真係值得一讚!!
好喇,當各工作人員及釣手準備好之後,
就先由Teddy簡略一吓比賽規則,及介紹幾位工作人員,
一聲哨子聲後...........比賽正式開始....
眼見各釣手馬上佔據有利位置,
你一槍時我又一槍,此起彼落,
乜野有型姿勢都出齊,Fit Fit聲響遍碼頭,
有部份有穿著磯基釣手就行遠D去左D石位度作賽,
好快已經有釣手上魷,雖然Size唔大,
總體數量上,第一釣點已有交待,
其間比較令人有無限幻想嘅係有釣手連中三隻針墨,
不過兩隻係...甩左,只有一隻係上到水,
Size唔錯喎,又有D力水,完全滿足比賽需要!!
比賽左一段時間後,魷信好正常咁就靜左落黎,
呢個時候,同一釣點就要考釣手技術攻略,
大家各出奇謀,轉標點又有,轉餌木顏色又有,
此釣點大概作賽一小時侯,
大隊正式轉位作釣!!
qPI7PKk_02c :em106第二釣點係一個更小的小碼頭,碼頭後係天然石位,
我地就選擇左由碼頭至天然石為止一段位置作賽,
不過只係維持半小時時間,
因魷信實在少!! :em12加相加相!! :em103加相!! :em15到第三釣點,此位置原係一破爛舊魚塘,
不過依家剩番小小遺址喺度,
作賽範圍都係沿小碼頭一帶及傍邊淺水內灣,
同第一釣點一樣,頭段時間果然熱鬧,
同一時間都有目標物上水,
真係唔到你唔信,又係同一人,
又係中同一種野...針墨!!
今次無問題,又成功上水,
爆得好精彩,有張相就影到佢嘅噴射引擎,
如果當日係鬥大鬥重,佢就已經勝出喇!!
經過大家半小時努力,上午場就正式結束,
上船食飯去囉...因為大家勁肚餓!!
:em59因為大家太餓掛住食,
小弟都係一樣,所以都無影午飯相片,
而且又想拿拿聲食完再開賽...
如果有人影左相,就麻煩Post幾張相上黎睇吓!!
飯後我地就直接於現場進行第四場,
不過因地型及兼顧安全問題,就要分開兩組...
無磯鞋者就到碼頭釣,
有磯鞋者就到後方礁位釣,
不過好奇怪碼頭越釣越多人,
原來後方礁位十分當風...
碼頭位魷信就稍為勝一籌,多DD...
半小時後,就結束再轉位了,
眼見潮水正在緩慢上漲,
我地亦係回程再戰先前兩個釣點,
本來都好有期望,或者可能有機會遇到巨物,
但係第五場依然只係零聲收獲,
好喇,終於到左當日最後一場,
地點就係第一場相同位置,
亦預左一個半小時玩呢一場,
不過我地發現左一個問題,就係相同分數會頗多...
最後決定,尾場賽事,再分兩段玩,
頭一小時依舊,最後就以隻數淘汰出6名選手再對決爭名次,
不過最最後一段,依然無進帳...真係吹漲,
咁就以最後釣獲隻數及執廢餌木數量決定名次!!
至於頒獎相片花絮等...將於另帖分享!!
加相!! 再來!!! 加加加...
頁:
[1]
2