冇怪獸, 中條良型都足夠
本帖最後由 arcticwind 於 2010-4-28 10:59 編輯近排見人地中埋D怪獸又入石又爆扣咁, 心癮又再起, 於是尋日晚黃又去拖下先.:fo60
4:00pm去到釣場, 水又清, 陣陣東北風吹埋黎有D涼意添, 心諗今次冇紅鮋啦...:fo1:
水位退到0.8m左右, 唯有拖隻IMA Sasuke 140超淺潛.:fo51
水淺咗可以拖到貼底, 希望可以中斑啦.:fo82
5:00pm, 拖咗差不多半條壆,開始行流, 水都濁晒, 係時候啦.:fo79
拖到一個渠口前, 隱約見倒一個小紅影追過隻假餌....:fo120
於是再拋多野, 拖慢少少, 睇住條紅鮋仔衝上黎食, 中!:fo10:
得嗰30cm就食140mm假餌!? 惡得你丫....:fo66
解勾後快快放生.:fo42
Bye bye!:fo117
繼續拖, 點解隻假餌好似唔多識游嘅?:fo103
死囉, 原來爛咗舌板, 要退役啦....:fo56
換上K-Ten BKF-115粉紅頭白, 冇啦, 成盒入面最淺依隻...:fo64
拖拖下kick實咗, 大力彈下佢先, 甩咗! 咦? 點解又唔識游嘅?:fo103
我頂! 又多一隻要退役啦....:fo56
激鬼氣, 換隻從未中過魚嘅Maria Angel Kiss啡金色先.:fo50
依隻假餌屬於淺潛, 動作好靚, 又好好拋, 但我自己覺得買錯色囉, 所以好少用.:fo47
一下long cast, 收咗兩圈, 強烈嘅搶手袋式食法, 一抽! hit!:fo52
一頂, 力量唔細, PE又再發出切割水面嘅聲音, 嗯, 良型size呀....:fo49
竿尾夾係腋下都唔多夠力頂, 心諗唔對路啦, 篤係盤骨位硬頂!:fo30
短短10秒左右就上水, 50cm 4lb, 紅卜卜呀~~:fo57
好彩有路人幫我影合照.:fo44
拖埋個壆尾, 差不多7:00pm, 天就黑, 又開始大咬啦....D蚊...:fo4:
2 hit 2 get仲想點丫, 都係快快脆脆執野走人啦.:fo97 勁呀....2hits....2get..... 師兄又有鮋中 勁呀
仲有12日就考完會考la 好期待 好想快D攞枝竿去開光呀!!!!!! 勁呀....2hits....2get.....
kam123 發表於 2010-4-28 11:08 http://www.fishinghk.com/forum/images/common/back.gif
好彩啫, 多謝多謝....:fo112 師兄又有鮋中 勁呀
仲有12日就考完會考la 好期待 好想快D攞枝竿去開光呀!!!!!! ...
nick_leung12321 發表於 2010-4-28 11:15 http://www.fishinghk.com/forum/images/common/back.gif
紅鮋好易拖架咋, 其實拖鱸仲難啦.:fo44
祝你好運啦, 12日好快過.:fo60 湯版主真勁 ! 又中多2 條鮋 ,我真係拍馬都追唔上 ~~egg77^ 湯版主真勁 ! 又中多2 條鮋 ,我真係拍馬都追唔上 ~
燕歸人 發表於 2010-4-28 11:37 http://www.fishinghk.com/forum/images/common/back.gif
唔好咁講, 紅鮋杯都未開始, 依D中咗都唔計數嘅. :fo60
你拖東水嗰邊一係唔中, 一中呀....好X大餅架...:fo52
我兩三條都唔夠你一條啦.:fo11: 真係好想跟湯大拖番轉主場~ 我都成日係果度出沒~不過就硬係唔知位 邊到黎O家.....咁好環境 唔好咁講, 紅鮋杯都未開始, 依D中咗都唔計數嘅.
你拖東水嗰邊一係唔中, 一中呀....好X大餅架...:fo ...
arcticwind 發表於 2010-4-28 11:43 http://www.fishinghk.com/forum/images/common/back.gif
湯版主你真謙 ~~
我都有拖過西水個邊 ,不過都冇你咁好彩 ......
水漲好d定退好d ?