22/05/2010 管理員工作報告
各位,以下事項為截至22/05/2010為止的魚樂網情況匯報及網友問題統一回覆.
1)有網友向小弟反映,因有版主借查看登記會員IP地址權利之便,向外界透露某某會員為某某人的分身,影響佢平常網上活動,或甚導致遭受無理干擾,本人會以兩個情況說明...
A.只要有基本電腦及上網知識就明白,所謂IP地址所顯示的資料極度有限,要用來檢查證明某網上會員是否他人分身亦十分困難,一般網絡供應商亦不會容許同一家庭用戶長時間佔用一個固定IP地址,而且當網絡硬件重新開啟時,IP地址亦會改變,所以有關保存之會員網絡地址資料,只供方便版主檢查惡意發垃圾廣告帖人士之用.
如需要知道,某時間某內容或短信是否為某人發出,現階段只有通過網絡供應商檢查,當然...一般情況,我地係無能力或權限去做,除非涉及刑事問題,由當地警方要求網絡供應商提供!!
B.本網所有義務出任版主的熱心朋友,皆係成熟理智人士,並唔會如某些人估計,花無謂時間去做此等絕對無聊行為,我地處理問題從來係講充足資料,有充足資料歡迎隨時到伸訴版反映,無充足資料,我奉勸勿容人自擾!!
2)內容及PM短信過濾疑問...本網並無責任幫助任何人做生意,如有發現以下幾種情況,就會導致過濾情況發生,
A.曾經因帖內回覆可以提供某些釣魚貨品,所有涉及之人士的資料,包括(商號,電話,電郵及一切聯絡資料),均會被過濾
B.帖內曾出現過的商號名稱,其他網站名稱
C.帖內曾出現過的個人電話號碼,電郵地址
D.通過熱心網友舉報
3)移帖問題
魚樂網係會因應內容需要而有可能將各位發報嘅帖子作出轉版安排,基本上會用以下準則決定,如屬釣魚內容,首先係考慮是否與某種釣法有直接關係而決定,如屬非釣魚類分享,一般會轉到魚樂台,最重要一點,如係屬於投訴類,不是到伸訴版發帖,按規則...有關帖子係會直接刪除,敬請大家留意!!
各位,如發現自己所發報帖子被轉版,請俾D禮貌,切勿唔理三七廿一,一野就PM本人惡言惡語咁動氣!!如小弟無記錯,每次轉帖,均會有信息提醒樓主,但我不能擔保一定所有都有通知,如你曾試過被轉版而未有被通知,小弟先致歉!!將來若再遇此情況,亦請大家了解一吓先,勿隨意動氣!!
4)網友私人短信內容
本人特別聲明,任何採用數據庫記錄型式的網站系統,所有會員及帖子數據均係保存於網站主機內(虛擬或實體主機),所有網站主及其技術支援人士,如有需要,均可以利用任何工具隨時查看,此權利亦並不是只有香港魚樂網及本人獨有,但本人申明,香港魚樂網日常系統管理工作,現階段只有本人一人負責,所有系統數據查看權限亦只有本人,亦從未授權其他機構或其他人士,本網如遇以下情況係會通過數據工具(PHPMyAdmin)進入後台查看任何內容...但絕對不會因應個人要求提供任何資料!!
A.涉及刑事調查情況,
B.系統故障
因需減少系統負擔,本網只會保留所有會員180天以內的短信,逾期資料一律刪除!!
本網亦從未或有需要...安裝隨時查看網站會員短信的工具,如你想了解其他網站有否安裝此類監測工具,可以嘗試以下方法了解,
***只係其中一種方式***,其他的方法小弟就不太清楚...
例如...以網址尾部加上..."/pms.php"
http://www.??????????????.com/bbs/pms.php
http://??????????????.com/bbs/pms.php
http://??????????????.com/pms.php
正常黎講,你只會見到呢個畫面...
naobao
22/05/2010 收到1 真係傭人自擾...咁多無聊事.... 真係傭人自擾...咁多無聊事....
傻珍2 發表於 2010-5-22 13:50 http://www.fishinghk.com/forum/images/common/back.gif
係呀!!
所以我咪要說明囉,費時俾無聊人渲染!! 最緊要開心{:47_3037:} 唔明白?
B.本網所有義務出任版主的熱心朋友,皆係成熟理智人士,並唔會如某些人估計,花無謂時間去做此等絕對無聊行為,我地處理問題從來係講証據,有真實理據歡迎隨時到伸訴版反映,無真實理據,我奉勸勿容人自擾!!
1. 天下無賊??
2.講証據? 証據是不是係數據庫的log, 亦即你手上? 你是否想說聽不到的人請舉手? 空肚食早餐傷胃? http://news.sina.com.hk/cgi-bin/nw/show.cgi/2/1/1/1519356/1.html
擅用警隊電腦 女輔警長判服務令
這案例以前係無可能查到, 因為警察假設個個警察都守法使用, 而且亦要市民提供証據先會查, 不過市民何來証據??
不為過因為旺角警署強姦案後, 警方自己設立隨機抽查, 只不過實行幾月就捉到一個了........ 唔明白?
B.本網所有義務出任版主的熱心朋友,皆係成熟理智人士,並唔會如某些人估計,花無謂時間去做此等絕對 ...
nofishcatcher 發表於 2010-5-22 19:34 http://www.fishinghk.com/forum/images/common/back.gif
天下無賊??當然唔係喇,亦無可能!!
人之初係性本善抑或性本惡,
每個人睇法唔同,無絕對答案...
大家唔需要研究...
當我接受某人為版主時,係經過個人能力去了解,
至於投訴問題,要他人接受處理,就要提供資料,
或者小弟用錯字詞...
唔係証據,係充足資料,
事因之前,PM我的某君,講黎講去,都話有人針對佢,
連對方係邊個都唔講,咁叫我點處理....
多謝師兄提醒,我會改一改個帖!!
頁:
[1]