5‧21之雅比處航南油
本帖最後由 雅比 於 2010-5-24 14:52 編輯日期：2010年5月21-23日
地點：南油
魚穫：吞拿、煙仔、紅鮪、斑斑、章紅-------->全部都無我份 =.="
恨左成年既南油之旅終於鐵定5月21號出發，無奈南油天氣唔多穩定，未到出發果刻，都唔知可唔可以成行，但話雖如此，準備依然係要做足啦。
由於今次係雅比處航之旅，除了一顆熱熾既心之外，就乜架生都無，幸好承蒙兩位版大答應借出名貴架生比乜鬼都識既我試玩，否則就只可以晚晚發夢出南油而已。所以在此真係要感激Joe大人同James大人，兩位真係教識左我好多野，令我眼界大開！
行程：
5月21日，1900準時開船，開船果一刻真係好鬼興奮，因為真正感覺自己去緊南油，傻傻的望住個海已經足已令人由心笑出來，呵呵！！
安置好架生後，入船倉睇下個睡房，嘩！有窗架，sea view room，哈哈哈！一房三床位，一上格床位，兩下格床位，唔洗諗啦，今次一於採用女上男下攻略，我訓樓上﹝sea view﹞，兩位版大就孖舖訓樓下。
2000拎完生餌後，開餐食野，是晚有燒味，食完由於時間尚早，所以就跟兩位大人學set架生，邊學邊消化邊落手綁，總算學識少少啦，為左養足精神釣魚，所以set完野後就去覺覺豬了。
5月22日，0400溫馨叫床後，馬上彈起身出去望下咁大個女第一次見的油井，嘩嘩嘩！真係有油井架，開心死雅比！！既然目的地已到，馬上作釣啦。第一次用南油架生，好陌生，又有D驚，因為怕自己唔識用，有咩事的話，我真係對唔住Joe大人了.....
時間慢慢過，終於0500竿頭有反應，呵呵，我的南油第一震........收收收.....收收收....收收收......果然係一條魚.....無錯！真係一條魚......睇真D.....OH MY GOD.....係一條.....小小的牙帶魚......=.=" 這便是我的處航魚....感謝主！！起碼破左處先！
既然開左齋，當然好開心啦，無奈七點左右開始有船來趕，無計！迫住要轉井....
轉井時間要差不多兩小時，呢個時間最好就係為自己叉下電。約0930到了目的地，呵呵，轉左井果然唔同d既Joe大人好快就中左條靚靚既斑斑，雖然我仲未有第二條魚，但我見到都已經好開心了！無幾耐，James大人突然按動電絞，咦？！有料到！我睇得好緊張之時，James卻輕輕鬆鬆，出慣大場面果然唔同D。終於見到魚影了，嘩！唔講得少.......上水了，嘩！真係唔講得少.....十二斤斑斑，勁！此時，James臉上的笑容，就好似初戀一樣咁甜呀！﹝我都好想有初戀既感覺......幾時先到我？！﹞無幾耐，呵呵，我有魚中，好野！但....點解無力？？成日見人地係南油上魚要九牛二虎之力，但點解我中既魚咩力都無架？正當一頭霧水之時，魚已上水了，又一次oh my god....泥婆一條....又要感謝主！賜我一條魚.............
中午時間又到了，此時，見到船長好輕鬆咁收緊佢自己的手絲，輕鬆成咁，應該唔會係咩大野啦﹝我心諗﹞，但.......當魚童撈上來時，我以為自己眼花......邊得來咁大條斑架......49斤......無錯，係49斤斑斑.....勁！！
而直至2000前，全船都只係得零碎既魚訊，而且玩沉底既可以講係無反應添，真陰公！！2000後，浪湧開始大，中層亦有反應，其他釣友開始釣到煙仔同吞拿﹝放流及jig﹞，既然係咁，我都要jig下先，唉！講就容易，jig半粒鐘，隻手已經累了，原來真係體力唔夠，無哂計，唯有繼續用電絞仔啦，由底開始慢慢試上來，試到2300都係無反應，其間有一口，可惜最後都甩，仲要炒左James粉，要解都有排，唯有入倉休息下啦，反正浪湧已經愈來愈大，D浪一上一落時，可以見唔到對面隻船....較好鬧鐘小休一小時，一小時後聽唔到出面有反應，唔通好靜口？既然係咁，繼續訓啦，兩點先再起身作戰.....
5月23日，0200正想起身出去釣，卻見兩位大人步入房，原來....我小休期間煙仔吞拿大咬，但要玩放流，不過版大都有得中，正當與條魚力併期間，炒了6副PE，大煲！條魚仲要直指船底，大煲！結果......魚被版大收服了，代價係......炸竿！我聽到都心痛死了......唔怪得兩位版大兩點就返房訓啦，原來無心機 + 浪湧太大....
0800，訓醒想出去行個圈，沖個涼，點知兩版大連涼都唔比人沖，話船太搖，怕危險，連我去廁所都要陪...望一望窗外，嘩！真係好大浪湧，唔講得笑喎！唉！無咩好做，唯有再訓到十二點，入到港內總算平靜D了，可以行來行去，食埋lunch，睇埋人地分魚，咁就行程完結了...幾咁快的三日兩夜....
總結：
全船共有近4擔的魚，大部份係放流中。而我，有了第一次的經驗，對南油的釣行了解多了，明白體力是十分重要，所以，輕火應該是我下次的目標玩法。
我更要多謝兩版大對我的照顧及教導，或者今次我令兩位失望，但相信下次我一定能做得更好！
未出發，先興奮
船來喇！
一拖一
高談闊論
占屎大人架生
租大人架生
2000準時拎生餌
第一晚晚餐
占屎連訓覺都笑笑口，但點解租大人會無面見人?!
雅比好似中左魚....
oh my god.....
話哂都係南油處航魚, 點都要影張相啦
拖船到...
占屎的12斤斑斑
49斤
難得見咁大條斑, 點都要影張相
努力中
再努力中....
雅比就梳乎中...
租大人力搏中...
力搏中連環相1
力搏中連環相2
力搏中連環相3
力搏中連環相4
力搏中連環相5
力搏中連環相6
力搏中連環相7
力搏中連環相8
力搏中連環相9
日期：2010年5月21-23日
地點：南油
魚穫：吞拿、煙仔、紅鮪、斑斑、章紅-------->全部都無我份 =.="
恨 ...
雅比 發表於 2010-5-24 02:44 PM http://www.fishinghk.com/forum/images/common/back.gif
乜你真係打龜返黎呀...{:47_3053:}悟怪之得啦...你自己睇下...{:47_3065:} 乜你真係打龜返黎呀...{:47_3053:}悟怪之得啦...你自己睇下...{:47_3065:}
最強幻象 發表於 2010-5-24 14:53 http://www.fishinghk.com/forum/images/common/back.gif
妖................ 妖................
雅比 發表於 2010-5-24 02:55 PM http://www.fishinghk.com/forum/images/common/back.gif
妖........咁我之前作個首歌好似中左Ｄ野喎...{:47_3065:} 妖........咁我之前作個首歌好似中左Ｄ野喎...{:47_3065:}
最強幻象 發表於 2010-5-24 14:58 http://www.fishinghk.com/forum/images/common/back.gif
係............好邪門.......... 係............好邪門..........
雅比 發表於 2010-5-24 03:00 PM http://www.fishinghk.com/forum/images/common/back.gif
供你有無感覺到有想爆發既一刻呢...:me155 嘩！！真係工都無返喎！！有無發覺自己大隻咗先？？ 比比....係唔係好想而家再出去呢.....
不過你好似瞓既時間多過釣既時間喎
你點解唔將租大人既架生趺左落海呀...咁你仲多野寫呀....哈哈 想問....邊個帶呢個冰箱去呀............值得一讚.......預左冇魚返
attachments/swfupload/1005241517cfddd538df28c86c.jpg 嘩！！真係工都無返喎！！有無發覺自己大隻咗先？？
yamashita1300 發表於 2010-5-24 15:06 http://www.fishinghk.com/forum/images/common/back.gif
講得出，做得到嘛{:47_2923:}
我由尋日返到屋企到呢家，都未照過鏡呀。。。。好驚發現自己有隻大老鼠{:47_2943:}