第一屆台釣賽花絮
終於順利完成左樂網嘅第一次台釣賽喇!!第一次舉辦真係戰戰兢兢,
喺度第一個要感謝係個天...俾個好天氣我地!!
第二...係要感謝各位支持參與嘅釣友!!
第三...係感謝各位幫忙籌劃,提意見,現場幫手,送獎品及魚場配合,
比賽前幾日,已經一直留意天氣變化情況,
最慘係...天文台一路都係雷雨ICON,
真係無日係好天,一路都擔心不能按日期比賽,
就算去到昨日早上,天氣報告都係雷暴,
仲係去到早上七點...點攪呢??唯有出發先算,
一路坐車一路留意,個天果然幫我地,
不單止無雷,亦無乜雨,
直到抵達釣場,個心開始定左落黎!!
大家都好重視比賽,開門無耐,大家都到齊,
按正常程序,釣位抽籤,決定第一回合PK前決嘅對手,
經過一小時15分之後,第一段賽果出現,
如所預計一樣,台釣經驗豐富D,比賽經驗豐富D嘅都出線,
不過第一場成績都差D,可能因天氣影響水情關係,
經過45分鐘後,大家再抽位,再較量下一場,
呢個過程中我地留意到,轉位都係台釣比賽一個比較困擾問題,
特別係天氣欠佳情況下....
下一次,我地會再構思既好玩又更方便大家嘅賽制,
第二場開始,出現左小小插曲,因最終參加人數多左,
所以按預計賽制人數分配變左,所以出現單數,
所以決定將負方最高分嘅YuYu轉去勝方一組對決,
第一場勝負兩分組,呢場都好努力比拼,
特別係負方,因為呢場PK得勝,下場可以爭取敗部一名出線,
再次挑戰決賽爭勝!!
勝方一面,因顧及天氣隨時突變,所以將第二及第三場合併,
呢個安排,就將帶起一D微妙變化,將時間加長左,
兩個人之間PK就多左追逐玩味!!
好喇...負方經過一小時十五分後,結果出現,
能夠發揮到水準,就可以進第三輪6出1...爭取敗部復活!!
經過半日緊張出線賽事,大家係時候攪吓飲食,
當然係美味飯盒登場喇!!順便吹吓水輕鬆吓,交換吓心得,
休息一小段時間後,大家又進入下午賽事,
負方六名出線選手,原地繼續爭取敗部復活,
大家都好努力作釣,一於集中精神,一條都不放過!!
至於勝方,因第二輪賽事加長時間,午餐前的比拼結果,
與午餐後已經唔同,有D仲出現相反結果...
又係75分鐘後,有實力的果然敗部復活出線,恭喜恭喜!!
勝方過去嘅75分鐘就戰鬥激烈,
uTgzID6wRoM
佢地實力均等,釣位接近,能夠出線,都係實至名歸,
尋日,事實上天氣對我地選擇嘅比賽位置有D影響,
有部份出局嘅選手就拿拿聲轉位去繼續找尋上魚樂趣!!
一段短時間休息後,各入圍決賽選手,
6vlsP3Gy9EA
就進入最後8名爭勝...冠亞季三名獎項,
雖然昨天天氣情況有改善,但間唔中都有小雨,
其賽下午尾段時間,陽光已出來,
原來作賽的位置,D魚都好肯食餌,
小弟趁空閒時間都玩左一陣,可以享受吓中魚樂趣,
唔知點解D菲十分惡,俾到極有手感嘅中魚反應,真係正!!
到左下午4點35分,比賽終於結束,三名冠亞季誕生了,
幾位都係實至名歸,係釣技取勝!!
srFLK42yEMY
DL5TqAO2278
e0hWA1XXZg0
簡單頒儀式後,其他留低嘅釣友,繼續爭取時間繼續玩,
直至6點幾先散場!!
睇返今次整個比賽,係有唔少不理想情況,例如...
比賽方式,魚情.......等等...
希望有份支持參與嘅釣友多多包涵,
來屆我地會吸收經驗,務求精益求精,
希望可以帶俾大家更理想嘅比賽!!
等到我頸都長啦....有得睇啦:em73 等到我頸都長啦....有得睇啦:em73
邦仔 發表於 2010-5-24 17:15 http://www.fishinghk.com/forum/images/common/back.gif
要攪相片短好多時間架:em19 恭喜晒...{:47_3045:} 要攪相片短好多時間架:em19
naobao 發表於 2010-5-24 17:17 http://www.fishinghk.com/forum/images/common/back.gif
爆叔D短片可否不放youtube....我冇得睇呀{:2_3033:} 爆叔D短片可否不放youtube....我冇得睇呀{:2_3033:}
邦仔 發表於 2010-5-24 17:39 http://www.fishinghk.com/forum/images/common/back.gif
:emasq19k45
http://www.fishinghk.com/forum/thread-69425-1-1.html :emasq19k45
naobao 發表於 2010-5-24 17:51 http://www.fishinghk.com/forum/images/common/back.gif
爆叔:你實在太好啦....我終於有得聽下D廣東話啦:em13 辛苦哂爆叔！
:em19 尋晚邦仔打黎話, 我已經唔識講廣東話喇!! 好好玩!好有意思!{:47_3077:}