9月16日南丫島遠足樂釣行!
今日比上大人捉住, 強迫去sherman_ocean兄既家鄉南丫島行山, 諗起南丫島四面環海, 又手痕痕, 所以就答應左, 順便拿埋枝餌木竿去玩下(查實枝竿係Reynold版大所借, 借d意測試下), 由中環出發, 先前往榕樹灣, 到達時, 大約中午一點, 正值水滿落流, 見碼頭d水都幾靚, 就係果度試返幾下, 玩左十零分鐘, 見無生命反應即走人, 行入d去食個lunch先, 食完個lunch已經大約2:30, 咁就繼續上路往索古灣前進, 由榕樹灣行去索古灣, 需時大約1個小時, 但今日又唔係趕時間咁咪慢慢行囉, 行到去索古灣已經就快4點, 稍作休息後, 本想往碼頭位試下, 但去到見到一海都係d油污, 馬上降底左個人既活性, 都係唔拖啦........算數! 坐全記走人, 由索古灣坐街渡返香港仔返屋企算啦, 開船後, 上大人特然提議, 不如去模達灣行下, 諗一諗都好喎, 果度曾經都拖過, 水質又唔錯, 無所謂啦, 去行下hey下都好, 所以就選擇左係模達灣落船, 去到水退已近7-8分, 是但啦橫掂去到, 照樣開竿試下, 玩左十幾分鐘, 先中一隻老墨, 過一陣又再中一隻老墨, 之後就中隻尾魷, 之後再甩一口..............望一望錶, 已經5點幾..........岩岩有船到, 見好就收, 收竿走人, 總括一粒鐘既收穫係4Hit 3Get, 算係幾唔錯既一天!Rod : Graphiteleader Calamaretti GOCS-792ML-SJ (Reynold版大所借, 輕身, 感覺上回彈力同條腰幾好, 竿先無預期中咁敏銳, 有少少感覺模糊, 但係都幾好玩)
Reel : Daiwa Exist 2508
PE Line : 0.8 Duel X-wire
Leader : YGK 1.75 Geso-X
Ti14M_9Tlqk
[ 本帖最後由 浦克 於 2007-10-8 17:42 編輯 ] 愜意的釣遊行
沒有壓力
還有收穫
恭喜大大!! 白大大賴野,一褲都係:bq24 Ｄ境色好靚！！！ 浦老大..你做咩射到一褲都係呀....:me174 大大玩顏射:me66
勁開心啦:pp3 睇條片好正呀
不過隻野周圍射，浦克哥哥被射既感覺係點架....hehe 次次都中褲..........唉................好彩條褲係洗得甩既咋!
好奇怪, 唔知點解條片放左上youyube之後移晒位, 睇得少少! 會唔會你教到部機太大解像度呢
尺寸唔同畫面會斬左 d 去
回復 #9 細威 的帖子
咁我明白了...........等我攪攪佢先![ 本帖最後由 浦克 於 2007-9-16 21:00 編輯 ]