2007/10/12 西貢萬宜西霸...驚心罪案!!
今日諗住試下新釣點...遲左出門...十點半先至到達馬鞍山...跳上的士...!!旦:司機...西貢萬宜西霸丫唔該...
的士大佬:係咪大尾篤果邊?
旦:唔係...係響西貢...萬宜水庫...
的士大佬:啊...大埔丫嘛...
旦:你拎本地圖俾我...我話你知...!!
的士大佬:我未去過喎...
旦:我都未去過啦...你入左去西貢先講啦...!!
車一開...小路出大路...點知個司機睇都唔睇就衝左出去...點不知有架5.5密斗殺緊埋黎...一輪急速呠呠聲之後...好彩我唔死得...但最吹司機唔脹既一句話係:架貨車都痴線架...我去邊佢又去邊既?
入返正題...落車要成 $120...到達釣場個景好正...幾係理想...本以為會有一番作為...但點不知..!!
初FIT都有妖追埋黎...有大又有細...但只係追或輕踫...奈佢地唔何...玩左好耐...都唔掂...唔通...呢D就係所謂既活性低?唉...可能果度做緊工程...有架直昇機不斷低飛運野過黎...好嘈好嘈...或者咁講會有所影響掛...!!
踏入下午...直昇機一去不返...無晒人開工...咁樣就無啦啦中左隻墨...亦都係今日唯一收鑊...
隻墨上到黎...唔小心斷SO...正宗P左一K...龜殼花了...對唔住啊!!
http://i186.photobucket.com/albums/x242/hkhet/PICT0504.jpg
上左此墨後...估唔到好戲在後頭...此際忽然有個操唔純正廣東話人兄走埋黎同我講..."一陣有警察埋黎問你見唔見到有人...你記得話唔見..."講完呢句之後...呢位人兄連同另外四個唔知講乜方言既人即刻哩埋響樹後面...跟住...差人就到...但差人發覺無咩問題之後就走左...
差人一走...果五條友就響棵樹度走返出黎...咁我就無理佢地...我有我FIT...FIT下FIT下...因乜事越黎越多人架?由5個變7個...FIT多陣...由7個變12個...我發覺...我自己好似俾人監視緊咁樣...呢刻...我真係有D驚...呢D究竟係咩人?偷渡客?著草人士?我真係唔敢諗喇...
我唯有自顧自咁FIT扮晒無野啦...果度D人數...大大話話加埋都已經有成廿幾三十人...而當中其中一個肥仔...就負責貼身看管住我...講真...佢真係幾貼身...完全唔會離開我十尺之內...正宗我行到去邊走到去邊...!!
到四點左右...海面出6隻"中飛"...原來...佢地係走私...之後...一架架密斗就使黎落貨...行軍速度好快...直頭就好似將D貨倒落海咁...前前後後有5架貨車落貨...落滿一"飛"又一"飛"...話咁快就攪掂晒...!個肥仔臨走前同我講...叫我唔準影相...唔好報警...我...可以點丫?
眼見佢地散BAND...咁岩又有的士響度落客...我仲唔走人咩?的士司機..."馬鞍山警署丫...唔該"...
講左咁多...都係睇返釣場環境啦...
http://i186.photobucket.com/albums/x242/hkhet/PICT0516.jpg
一個長長既平台...空間幾大...
http://i186.photobucket.com/albums/x242/hkhet/PICT0515.jpg
左手邊深篤灣...應該係船廠掛...仲有隔油設計...
http://i186.photobucket.com/albums/x242/hkhet/PICT0510.jpg
http://i186.photobucket.com/albums/x242/hkhet/PICT0511.jpg
遠望大頭洲...唔好攪錯係大洲頭啊...再遠D既係滘西洲...(天氣唔好影D相都差D)
http://i186.photobucket.com/albums/x242/hkhet/PICT0512.jpg
一隻"焚"住機既滑水艇...人為既自私完全破壞大自然既寧靜...唉...
http://i186.photobucket.com/albums/x242/hkhet/PICT0509.jpg
舊難民營位址...現已長滿青草...牛牛在散步呢...左手邊果堆人正是走私客...
http://i186.photobucket.com/albums/x242/hkhet/PICT0520.jpg
有點霸氣既西霸...
http://i186.photobucket.com/albums/x242/hkhet/PICT0522.jpg
在西霸上...的士行駛中望向釣點留影...
http://i186.photobucket.com/albums/x242/hkhet/PICT0527.jpg
另一幅高速飛馳留影...
http://i186.photobucket.com/albums/x242/hkhet/PICT0533.jpg
P.S 此地點不失為一個舒適好釣場...但如單獨作釣要留意自身安全...平日時間或者不去為妙...
[ 本帖最後由 dxxcuss169 於 2007-10-13 00:15 編輯 ] 乜真係咁得驚架！:bq42 Ｃ兄由馬鞍山去120元那麼平，如五人分也不貴。 係wo, 坐爆飛的去都係廿幾蚊~~
個場又係糔正wo!!!
我都好想去下~ 旦哥~
o個度應該係"扣留船中心"~
裡面好多針墨o架~~~~:bq50
不過要識人先比入去玩.......:bq25 原帖由 小銘 於 2007-10-13 00:43 發表 http://www.fishinghk.com/forum/images/common/back.gif
旦哥~
o個度應該係"扣留船中心"~
裡面好多針墨o架~~~~:bq50
不過要識人先比入去玩.......:bq25
謝謝小銘哥更正...我呢個大鄉里真係咩都唔認架...請多多指教...:bq24 呢位c兄巧勁勁喎:bq24
幾時帶小好去fit下咁呢:bq34 原帖由 肥豬 於 2007-10-13 04:05 發表 http://www.fishinghk.com/forum/images/common/back.gif
呢位c兄巧勁勁喎:bq24
幾時帶小好去fit下咁呢:bq34
妳問左A君先好同我講呢句野啦...哈哈 師兄講得咁詳細，會唔會俾果 d 人咁岩上網睇到呢，可能我比較細膽，有 d 擔心添:bq25
回復 #1 dxxcuss169 的帖子
:em51 見到有針,好想去試吓:em56師兄你嘅情況,我喺YELLOW STONE 都試過!!!!:em64