新手加入@藍刀篇

第一次在飛蠅版發帖，請各位前輩多多指教。
玩Fly一個很短日子，的確仲有好多野唔明，亦嘗試過係一D社交平台發問，最終都沒有咩好結果。返回討論區希望有唔同既感受啦

首先！當然要多謝下網主呀老爆介紹呢個咁既玩法俾我，等我一個咁無聊既人生有多一點點寄託。亦承諾過對藍刀去深入探討。對我黎講係香港玩Fly，藍刀的確係Fly一個幾好既對象魚。四季氣候唔同作釣都有好大分別。

最近，同Philip 傾fly既事，講到一D關於fly 藍刀既技巧時，Philip 提及過「Tuck Cast」呢樣東西，我就去一D視頻網站搵下資料。發現其實原來自己無意中一路都用緊，利用隻若蟲去炸水。而近呢幾次釣行亦好細緻咁嘗試同分析。如何將若蟲不同方法接觸水面，對作釣藍刀好有幫助！亦用呢方面既技巧用係異鱲同溪哥上面。亦對異臘起到好大作用。所以都要好多謝 Philip時不時對我既啟發。將好多零碎資料拼合，就好似砌圖咁，有朋友俾到一塊啱既砌圖，圖案就會清晰一D。當明白著水一下重要性，對於一D好質量既Flyline亦有好大幫助。相對黎講有好既Flyline亦要明白如何去運用而發揮最大的好處。



我呢個新手係呢一年不停去約 Fly 既前輩去玩，希望能夠吸收下前輩對Fly技巧同心得。而Uncle真係香港飛蠅界既宗師，同佢一齊玩佢仲好耐心咁指導我，令我畢生受用，使我明白呢個釣法節奏既重要性，但係到而家都仲未掌握得好好，希望再有進步既空間啦。


最近一次玩到天黑，對於夜刀呢個課題都好有興趣，希望能夠可以解扣一下，將資料穩定落黎啦。

我有一次夜刀經驗，係主力popper中，至於以目視性為吸引因素fly夜刀係有趣嘗試，期待測試效果

依家網站討論區無咩花生食，比較容易討論

靜靜地可能討論到更好既成果