相信很多師兄小時候亦被"天才小釣手"這一個卡通片荼毒過.
慢慢踏上釣魚->路亞->自製這條不歸路.
而小弟我自小對兩樣東西有興趣..
1.甲蟲 (這個心願已了,最後因為多蚊...多蚊...係超多蚊...一箱至少3000隻,無錯,你無睇錯係三千隻黑蚊..歷時5年結束.
2.收藏路亞,用路亞釣到魚.
對於我呢種被稱為窮J,買路亞....唉...
淘寶買既餌木...點解沉得咁慢既?.......ER.............唉...
至少...隻色同款都唔係自己心水.
細個既時候,自己玩既極大部份都係自製,當有東西有興趣的時候,家人只會罵:我果陣所有玩既野都係自己整.
我細個,連波子都無粒,中五先有50蚊零用-(係一個月...=,="
當時連波子都無粒既我,玩咩?同外婆食完荔枝核洗完當波子玩.
但係我同婆婆玩,我好滿足好開心.
係到而家為止成世人最開心最鍾意既事.
果一樣亦係我成世人最珍惜既玩...er...."當玩具啦下"
而家一直打緊字都仲係好想喊,懷念當時夏天夜晚只有一把爛扇
無電視無冷氣無玩具乜都無.
但係坐係婆婆旁邊同婆婆一齊食荔枝,留起d核,之後有人陪我玩.
明明我係喊住咁寫...點解加咗公仔之後...
Er......
好!
已經唔知講到去邊.
總之,
是日收穫
飛機木版-1.2cm厚 *1
幼銅線*1
仲有呢d*n (屋企搵既..
(點解張相會成日都倒轉?IPhone影,電腦轉完都係咁!
而工具就只有雕刻刀同平時釣魚既鉛
仲差好多好多野,至少仲有勾,力架,油,連膠水都無支...
其實我既目標係整好多好多自己手作既野,由細到大家政都有唔錯既成績
希望有一日會有支出自自己手既竿,路亞,工具箱.....(但係初報到,慢慢試住做路亞再深入落去,總唔可以一步登天.我是好孩子!
但係工具同材料方邊我真係一d都唔識.
所以還請師兄多多指教
還想問師兄,痴木版應該用咩膠水?
整好成個型之後,見師兄會吊起佢之後浸d透明油等佢木身硬同有層野再打磨,果d係力架油?定係?..
小弟還有數之不盡既問題想問,但係總要親手做過試過先知
未來更希望可以同各位師兄多多交流!
我既目標,就係收集所有既寵物小精靈,做小精靈大師.....
呀...
係親力親為,做到精緻既工具同路亞,做各種奇形怪狀既路亞 (由於小弟係一名糕點師..所以已經諗住整麵包類,甜品,可能會出現布丁甚至........
當然,未來能力足夠既話我諗連Monster Hunter入邊既貓同豬我都諗住拎埋黎餵魚.嗯,有自己風格同目標係好事! (但係都要釣到魚LOL
|