如果當日有釣魚比賽, 你重會唔會去比賽果區釣魚呢?

家下香港每年既釣魚比賽越來越多, 任何一個時間, 任何一區水域都有可能給比賽主辦單位選為比賽之用, 如果你唔係參加比賽既選手, 但係又正想去果區釣魚, 你會點做呢?

又岩岩學釣魚開始, 到參加比賽, 教我釣魚既師父都會同我講, 人地係果頭比賽, 就唔好去果頭釣魚, 無謂影響到人, 呢個係對參加比賽既選手係精神上既一份尊重. 所以我唔會咁做!

試過一次人地搞緊餌木賽...
我係對出BOAT GAME...
完全係影響人又影響自已
以後唔會再試

通常d 人會講 " 個海咁大, 你釣哂咩 ??"
不過以前通常一比賽就係去大小丫州, 通常d快艇都俾人電召哂, 你想去都去唔到.
但最可怕既唔係其他釣魚人上左你隔離, 係d 打網仔係你隔離落網呀.....

既然都知道有人會去比賽....無謂阻住人地啦!一陣你係咁上魚上魷...比賽緊果d人走黎打你都似你知啦...真係一時火遮眼就唔理...有d會為嬴比賽不擇手段!哩個係我天真既諗法@@

[ 本帖最後由 cx883 於 2008-5-14 10:36 編輯 ]

其實個討論好簡單, 問題係”如果你唔係參加比賽既選手, 但係又正想去果區釣魚, 你會點做呢?” 相信都應該帶出左, 已知釣場有比賽, 自己再會唔會去? 可能我呢個問題未夠清楚, 如果要引申到, 當時人知唔知有比賽有活動, 再而去唔去釣, 可能需要另開討論會來得公道.

其實於shore game又好, boat game都好, 係大家眼中boat可以走位, 其實shore都一樣, 兩種釣法各有各既活動能力, 係shore只要有齊釘鞋同其他安全裝備, 係一個釣點無魚釣, 已經可以即時動身, 步兵去其他位置, 徐非自己身處獨石或非常不利既釣點, 否則我相信好多上石釣既朋友, 都會選擇步兵轉位, 果一刻只在乎你有無足夠既安全裝備比你去咁做, 如果有試過磯釣既人, 相信出礁釣魚好多時都會遇到一個問題, 就係有魚民係面前落綱, 正如了神大大所說, 那這個時候, 相信有些釣友會選擇破口大罵, 有些釣友則選擇步兵轉位, 再者亦都有人會選擇, 特定時間轉換釣點, 直接叫快艇來接同轉位, 所以上到礁其實仍有佢既機動性係度. 其實boat game都唔係有位就轉得既, 風平浪靜就當然車到幾遠都得啦, 但有風有湧, 唔好話車得遠唔遠, 相信要企得穩係艇上boat game都有困難, 相信此刻, 亦都會因為天然因數, 影響左boat既機動性, 係呢D時候, 可能SHORE既穩定性同活動性會比BOAT更大都唔出奇!

原帖由 joecylee 於 2008-5-14 10:37 發表

                               
登錄/註冊後可看大圖

唔會再試, 即係試過啦！

就係試過一次，以後先唔會再試
其實果次係唔記得左人地有比賽，出左艇見到成過佰人係岸上FIT先知
最後自已都龜左，諗深一層，佰幾隻姣蝦飛落海乜都嚇走啦
所以之後我會避免人地比賽果陣出去，始終僧多粥少，搵左自已笨

其實個辦論問題係好簡單, 如果有個釣魚比賽係某區舉行, 但你唔係參加者, 你會唔會選擇去果區釣魚, 就是如此.

如要討論到岸釣, 船釣既機動性及分別, 相信亦可再開相關帖子再作討論.
其次, 會賽大小及宣傳度, 公開或私人賽, 就更加是有意義可以另外開討論空間了, 例如現在的Sunline柸, K’z比賽, 釣研比賽或大澳柸這些公開賽, 可有留意到是什麼時候及地點舉行呢? 好老實, 近年少接觸磯釣, 已經無去留意呢D比賽.當然, 此時此刻如要找尋有關資料亦不難, 只是在比賽舉行時, 並非此類型釣法的釣友就可能無去留意有關比賽了.
其次魚場攪比賽既對比, 管理魚場就是管理魚場, 是需要收費! 這個已經是跟天然釣場完全不同, 可以用錢解決場地問題, 就可能不是什麼問題了! 再者講到合法方式舉行, 這個亦是值得討論問題, 題目可定為”如何可在合法情況下舉行釣魚比賽”或其他, 很簡單, 比賽集會時, 是否需要有社團註冊呢, 是否需要通知有關當局或為比賽人士投保.

所以這個討論既目的, 只是來得實際及直接點去討論!

最後, 我亦明白艇釣釣位一定多, 一大個海可通處走, 釣位多的是, 但並非排口多的是.

做人要有釣品、釣德、將心比已 。

個海咁大唔係比賽場地先有得釣嘅 ，

好多嘢事在人為啫，幫到人等於幫到自已。

將心比己, 易地而處...如果我係比賽緊果個, 我都唔想有其他人影響到我...