今年最後一水南油卒之係14/9晚成行,一路上風平浪靜到左朝早六點己經到達第一站,六點半左右同船兄弟先中第一口,條魚有D Size,一輪工夫之後大約十五斤章紅出水,十分鐘後自己支竿有魚食餌,大力一抽即中,條魚有番D力,收下頂下就KO左一條十五斤章紅,之後同船其他老友都食左幾下,但只係上多兩條size差唔多既章紅,跟住轉位去大海排,都有D魚食下餌,我自己就只係中兩條幾斤哥利,其他兄弟就中左條4-5斤青班,幾條斤頭芝麻,幾條火點,六七條幾斤哥利,六七條5-6斤章紅仔重有條斤幾瓜子,食完飯轉去老井,但頭幾粒鐘只係有幾條一斤唔夠雞仔,到左半夜一點,見有D GT追魚仔,有個老友即放假餌,第一槍就中,攪左一輪就KO左條三十到既GT.到左三點我見無咩魚食餌就用細勾勾個尤魚頭試下釣雞仔,一到底就有野食餌,條魚有d力應該唔係雞,上到黎原來係條6-7斤紅由,跟住再放尤魚頭做餌又中多條SIZE差唔多既紅由,其他兄弟亦即刻轉用尤魚頭到左朝早六點全船差唔多有十條紅由,最大十斤,另外有兩條十零斤章紅,之後見無咩魚我就走左去ZZZ...但唔夠一粒鐘有個老友叫醒我話D拉腳斷晒,問我有無粗D拉,個人即刻醒晒,九秒九走出去,見船頭到船尾都有慘叫聲,即刻立起支竿勾條池仔就放,一到底條池仔彈左幾下就有野大力禁竿,條魚勁好力係甘出JIG,頂左一輪卒之KO左條二十章紅,跟住即刻再落餌,到底唔使五秒就禁竿,玩左一輪再KO多條二十章紅,個人已經散散地,於是坐底回下氣,期間見同船兄弟亦不斷中魚,有斷有上,全部章紅,最細十幾最大三十左右,回完氣自己再放餌,之後中多兩口,但係呢兩條超勁,一條過樁斷,一條清杯,自己已經無力甘滯,於事放中水釣下蕃薯,一到40M即中,之後中左十條八條蕃薯後就所有魚都收晒口,呢幾粒鍾全船兄弟起碼有4-5擔章紅,由於自己休克甘滯,飯都唔食就走去大昏迷,到左夜晚9點立起支竿再開工,但一路都無咩魚,之後見有D黃旗仔打水,於是放輕板JIG下,JIG左五六條煙仔同黃旗仔,但係有一兩條比魚打劫,於是同船兄弟就放呢D煙仔做餌,但頭幾口全部斷,用埋威也拉都暴斷,D師兄再用粗D架生結果起到d巨物上黎,原來係大章紅,最細三十,最大五十幾,重有D大海狼,由二十幾到四十到,到左4點全船收工回航,呢期收獲有成十二擔,算係中番個尾彩,南油出年見啦.
天有異像,暴釣先兆?
|