詢眾要求...最強深涌鬼故再度上市...

呢個故事早係幾年前已經出過...但悟知點解搵悟番...
好多網友都好想睇返個故事...咁就襯今日.....哼哼...
注意：本故事不是鼓吹導人迷信...只是早年前本人一個最恐佈的經歷...
大家可以當作故事咁睇...但有時...疑心生既暗鬼...仲恐佈過真鬼...

事情發生在我仲讀緊中五既時候既六月左右...

因為我自小已經釣魚...而且因為方便與交通問題...多數去馬料水碼頭...
係個度識左好多釣友...手絲高手...我釣魚既技術...都係馬料水開始...
記得當時有隻躉船當作街渡碼頭，有船去三杯酒，深涌，荔技莊，塔門等等地方既街渡...
在一個星期日既晚上...我與二位朋友正在躉船上作釣...(因為同船主太熟...我地係可以自己開門入去玩...)
見到有幾位不相識既釣友剛座船返來...佢地作釣既地方...正是.........深涌....
眼見佢地既魚獲都幾好...就係咁...我就同呢二位朋友約定下星期六晚我地都要去個度釣通宵...
呢二位朋友亦舉腳贊成...其實係呢二位朋友叫我去...因為當時我係學生仔一名...零用錢不多...
基本上連個晚去作釣既魚餌都無錢買...佢地就話比埋我個份...咁誠意權權...咁我就答應左呢二位朋友呢 ...


正在讀書既時候...我有一位學兄...佢自細已經修道...係真既...因為佢家庭背境問題...佢好細個已經修道...
悟知點解...我一見到呢位學兄...我心裡面即時有種好奇怪既感覺...一種十分不安既感覺...
非常之想問呢位學兄...問佢會否有伕咒等等既野...作為旁身之用...
呢位學兄即時應誠小弟...會給一道伕咒給小弟呢...咁小弟唯有等待...(這日是星期一）
如是者...星期二，星期三，直至到星期四...小弟都未收到學兄既扶咒...
跟住再問呢位學兄...問佢有關扶咒既事項...
因為呢位學兄比較忙...仲未有時間為小弟請咒...咁佢話...比左佢自己呢度咒過我先好嗎...?
我見呢位學兄既扶咒...好細本...直頭成本書仔咁...生怕會整悟見左...就佢絕左呢位師兄既好意..
之後再請呢位學兄...記得明天給我扶咒...因為星期六我地短週...悟使返學...咁就淨返明天可以給我扶咒...
好多謝呢位學兄...到星期五...終於給到我呢...係一張普通三角型既扶咒...我仲千多謝萬多謝呢位學兄...


好辛苦...終於到星期六啦...可以出發去釣魚...約左呢二位朋友在碼頭等...
到碼頭見到二位朋友已經等緊小弟...就係咁...我地三個人...開開心心咁出發...去深涌...
因為當時悟會有高樓大廈...所以沿路風景...十分之靚...
呢條船亦係小弟第一次乘座，週圍都係大自然...比人感覺十分舒暢...
我估大約座左半小時左右...就到達左我地作釣既目的地...深涌碼頭...
等我輕輕咁解釋個碼頭係點...係一個幾長既碼頭...設計係返Ｌ字型...（可看附圖）
面對住有一間好破舊既屋...直頭係攤屋一間...一條應該好長既路入村...但完全見悟到村屋...
去到呢個碼頭大約二點至三點左右...感覺好"方毛"...但已經有一種不安既感覺...(可能係間攤屋給我既感覺）
而且只得我地三個人落船...即係話...得我也三個人（成個碼頭）
咁我地二話不說...立即作釣...


大約至到下午四點左右...有一位老伯..我估佢真係好老...可能80歲都悟只呢...
佢係村度行出黎，連同三隻黑色既狗仔..問我地...有無興趣買Ｄ樹上熟既蕉食下...因為我係學生仔...邊樹有錢...
咁我朋友就問佢...幾錢斤...個呀伯話..五蚊斤姐...咁我個朋友就叫佢拎二斤黎...
咁我就見呢個呀伯（呢個呀伯係人黎既...大家悟樹狂...wakakaka）好辛苦咁行返入村...但好奇怪...
佢個幾隻黑狗仔...悟肯走...仲係度同我地玩呢...
差不多個幾鐘之後...個呀伯真係行返出黎...咁我個朋友問佢幾錢...佢話十蚊...咁我個朋友就比左廿蚊佢...
個呀伯就問我地有無散紙...我個朋友就話....由佢啦...你咁辛苦拎出黎...
咁呀伯好多謝我地...而且時間不早...佢返入村啦，但好奇怪....我以為個三隻狗仔會跟佢返去...
但個幾隻狗仔居然留底...心諗....就算今晚無乜魚釣...都有幾隻狗仔陪我玩呢...


如是者...天開始黑....去到大約晚上八點拎鐘...我已經見到對面個間攤屋...有好多..好多人型既半發光體...
在那間屋度行來行去...初初得幾隻，點知越來越多...保守估計...超過三十個靈體...
因為我未試過一下子見到咁多...個心都幾驚...就諗住啪住二位朋友...一同在碼頭既樓梯作釣...
是在面向間攤屋既樓梯位置...如是者...見到好多靈體...在那間攤屋度...
穿來穿去...真係穿穿插插...飛來飛去...從遠處望過去...係一咋發光....半發光...半透明既物體...
在呢個時間...之前提到個幾隻黑狗仔...就走左去橋頭度吠...狂吠...我見到...個幾十個物體...慢慢地...消失左...
跟住個幾隻狗仔又會走返來我地個邊...但不足廿分鐘...佢地又開始...鑽返出黎...又係由幾個...慢慢又有返幾十個...
到到某一個數量...個幾隻狗仔...又會走去橋頭度吠...如是者....在十二點前佢地都吠左六七次呢...
但這只是開始...


因為個幾隻狗仔既不正常舉動...兩位朋友都知道不妥...大家已經好少出聲...
唯有靜靜地釣魚...希望悟會影響到Ｄ(陀地）......直至大約十二點...更加怪既事...終於發生左...


在好短既時間裡面...悟知點解...特然間好大霧...大家記得...我地是在大約六月份...
真係好少在呢段時間...咁大霧...大霧到...我地既視線..只能見到個間攤屋多少少...
個心裡面...真係有少少發毛...好似拍戲咁...週圍都見悟到..而且...靜到...一粒聲都無...
只聽到我地幾個人既...呼吸聲...個海...好似塊鏡咁平...在那一刻...我出左句聲...嘩...咩料呀...
特然間大霧得咁緊要既...但望真Ｄ...個Ｄ絕對悟似霧，似煙...仲好係係水度升上黎...好似煲水咁...
眼見之前個幾隻狗仔既不正常舉動...有一位朋友提議...不如我地悟好釣魚住囉...
大家好似一呼百應咁...放底晒Ｄ釣具...就座左成碼頭既中間...個幾隻狗仔...亦跟隨住我地...
就係呢個時候...我見過最強既一個物體...終於出現............水鬼....


特然間...聽到一Ｄ水聲...咁好正常...我地對眼就向住出聲既位置望過去...悟望由自可...一望...就見到...
係水面特然間好似有野係水低...慢慢步向石灘位置...因為見到水面有波紋...
我地好奇怪...不奇然發出左一句..咩黎架..
跟住...就見到一舊黑色既野...好黑...真係好黑既野...好似係水度行上黎咁...悟單止黑...仲出煙...無錯...出緊煙架...
我初時仲以為係Ｄ潛水佬...但再睇真Ｄ...悟係...因為正常計一個潛水佬...佢一定拎住電筒...佢無用電筒不特止...
仲可以出煙...呢個時候...（以一個人黎計）佢已經有半個人行左上黎...但..好奇怪...點講呢...
因為正常如果你...悟用電筒由礁石度行上黎...點都要好似狗仔式咁...慢慢行爬下爬下...
但個物體...好係完全悟使睇路..悟使睇石...與其話佢係行...不如話佢係飄住行...
一個人型物體...全身出煙...佢...已經全個...離開左個海..一路行上條小路度...
係呢個時候...身邊個幾隻黑狗仔...一路吠...一路跑去橋頭...初時以為個物體只係行上山...點知...佢....轉彎...


由個物體既路線睇到...佢轉彎...右手面...方向...正正係碼頭既方向...即係...我地作釣既地方.............
個三隻狗仔...已經跑到一半路程...而個個物體...已經面向住我地...正想踏入碼頭既橋頭...個陣時...
我望一望我二位朋友...佢地既視線...亦係同一個方向...而且佢地亦係好驚...咁...我知道...悟只我一個見到啦...
Ｄ狗一路跑，一路吠...佢地終於跑到橋頭...係咁駁命狂吠...只見到既一幕係...三隻狗仔同隻異物對寺既情境...
特然間...佢地靜晒...發出左一Ｄ怪聲 ...係it it 聲...類似一隻普通既狗...好害怕既聲音...
注意...好多人都知道...Ｄ狗見到異物既聲音..係好似狼叫咁...但
我當時聽到既係...佢地好害怕既it it 聲...不特只...仲見到個三隻黑狗仔...向返我地既方向跑返過來...
悟係化...個一刻連我自己都悟相信我對眼...佢地跑返過黎不特止...仲要...lay係我地既背面...不斷震斗...
我真係知道...呢個異物...係好有力量既...第一次感覺到...佢...想索命...個一刻...真係好驚...


係呢個時候...我記起...我求過個位學兄既一道扶咒...我手震震咁...拎個銀包出黎...
再手震震咁...拎度扶咒出黎...同一時間...我已經見到個發煙既異物...開始步入橋頭...
個一刻...心都離晒...隻手震到連個銀包都跌左落地...拿拿聲執返起佢...個心諗...死火...
點解搵悟返度扶架...我出門口個陣時...明明check清楚放左係銀包...再望返個異物...佢已經行左入橋...
正向我地既方向黎緊...係呢個時候....我終於搵返度扶咒...當時既我...乜野經都悟識諗...腦海中只得一句...
喃無呵彌陀佛....腦到口到...雙手就合什住度扶咒...個口不停咁諗...
喃無呵彌陀佛....喃無呵彌陀佛....喃無呵彌陀佛....


個一刻...個口直頭震過貓王...但無計...但呢個時候...我見到...係個異物既前面...有一道白影升左上黎...
都有成十幾呎咁高...但...只係一殺那既事...只係一霎眼間見到...呢個時候...我見到異物...停底左腳步...企左係度...
但好景不常...無幾耐...佢再開步...再一次咁...行過黎我地既位置，個幾隻黑狗仔...
直頭將佢地個身...貼住我地...感覺到...佢地個身...震得更利害...
我個心...直頭跌左出黎咁濟...心諗...救命呀...好大碌呀...特然間腦海一轉...


黑色物體...出煙...好大壓迫感既一個異物...直覺上話比我知...呢個異物...就係~~水鬼~~仲要搵替身...
咁大個仔..都未試過咁驚...手又震...心又震...腳又震...（雖然我地座底左）
但呢個時候...腦海一轉...我...出左句聲...
問兩位朋友...你地有無扶咒...因為佢地亦係悟知點好...佢地雙眼亦係望住呢個黑色出煙物體...經我一講...
其中一位朋友話...我有呀...我有呀...咁我再問第三位朋友...你有無呀...好Ｘ堅呀呢隻野...但...佢就乜都無...
咁個位朋友又係手震震咁拎出黎...對我講...喂...我乜Ｘ野經都悟識諗呀，我就話...乜都好...諗返...
喃無呵彌陀佛....喃無呵彌陀佛....喃無呵彌陀佛....就係咁...我地兩個人就合什雙手...不斷咁諗...
而無扶咒個位朋友...亦一同咁諗...係呢個時候...個異物終於停左佢既腳步...
企左係度成分鐘都有...呢一分鐘...真係好辛苦...咁大個仔都未試過...
見到佢悟多理會我地...只係企定定係度...好好彩地個異物跟住轉頭...
跟返佢上來既原本路線...慢慢咁行返落海...我地三個不停咁諗經...感覺上佢只係...悟耐煩咁走...
睇住佢慢慢咁...似行非行咁....由岸上邊慢慢移返入個海度...個一刻...我地三個...同時...鬆左一口氣....
跟住...本來出煙既海...特然間...真係好似拍戲咁...個Ｄ煙霧...好快咁...消散晒....

係呢個時候...我見到呢三隻狗仔...佢地已經無事...即係話...個個異物...佢已經走左...聽到呢度...你地以為完左...
sorry咁多位...而家只係半夜十二點幾...仲有成五粒鐘先光...經過左剛才件事...大家都真係好驚...
雖然大家悟想講大家見到咩野...但大家悟想釣魚...咁...我地就座左係碼頭中間...
悟釣魚...淨係吹水...講真...連訓都悟敢訓...其實...經過左頭先個個咁有power既異物之後...
我見到對面間屋既靈體...又開始返晒出黎...個幾隻狗仔...又再跑去橋頭度係咁吠...
但...呢咋靈體...同頭先個個...直頭差九十幾皮...而家眼見呢Ｄ...直頭驚都悟驚囉...
如是者...二點...三點...四點...五點...個幾隻狗仔都不斷跑去吠個Ｄ靈體...
好辛苦..終於等到...天光啦...個心...完全咁...放開晒....


因為要等船既關係...而且個天又光晒...我地終於夠膽釣返魚...係我再起到魚...諗住放條魚入個魚欏既時候
拎個魚欏上黎...我自己都驚左一跳...欏裡既既魚...死晒 ....用魚欏養...景然可以全部死晒...
悟知關悟關尋晚...個異物既事呢...我自己咁諗...因為都仲驚...個Ｄ死晒既魚...全部調返落海...
就算釣到上黎新既呢條...一樣放返佢...而家...只係早上八點幾...係呢個時候...
尋日賣蕉比我地個位呀伯...佢又行左出黎..同我地打招呼（可能我個朋友尋日比左十蚊貼仕佢啦）
佢出到黎...問我地釣悟釣到魚...我就話...無呀...無乜魚釣...一向膽生毛既我...有理無理...問左呢個呀伯一個問題...
呢個問題...就係我地三個人...由昨夜到而在都避而不談既一個問題...我問.........
呀伯...呢度...係咪.........我都未講到個提目..個呀伯已經答我呢...呀伯答......
你地.....唉...清明...重陽....鬼節...你地悟好入黎玩啦....
我再問...咁...呢度係咪好猛呢...眼見呀伯想避而不答...我再加多句...
尋晚...呢度...應該...有水鬼喎........呀伯答...唉...總之...清明...重陽....鬼節...你地悟好入黎玩啦....
佢答完我呢句之後...佢就轉身行返入村...呢個時候...原本跟佢出黎個三隻黑狗仔...亦...跟返佢走....


全個故事...基本上完左...之後我返到學校...向那位給我扶咒既學兄...講返呢個故事既時候...
一提到我見到橋頭度見到一個十幾呎既白影...佢...折停左我...問我見到個白影係咩樣...
我答返佢...好似著唐裝...帶卜帽(因我只見到背面）...點知佢話....你悟使再講啦...我100%信你...因為...
那尊神...正是我為你請入扶咒既...一尊神...我...無晒野講....

全文完.........呢個係小弟既親身經歷...信則有...不信則無...絕不是導人迷信...
基本上...我再想返起...講返起呢個故事...我自己都...起雞皮...完鳥....





     

good

lemon1111 發表於 2012-8-30 12:10

                               
登錄/註冊後可看大圖

good

good...???...

這個月不想去釣夜魚

lemon1111 發表於 2012-8-30 12:14

                               
登錄/註冊後可看大圖

這個月不想去釣夜魚

我咪講左...好多時疑心生既暗鬼仲利害囉...

我想同你做個錄音版本呀

睇完都毛管動！~mmo18^
點解你D 朋友同你去釣魚都會一齊見到？

嘩．．．呢D經歷真係好得人驚，
如果隻“黑色勁野”行到好近，真係知點算！~mmo15^

多謝分享!!
山明水秀的地方, 都係日頭去行山好!!

原創內容....支持支持

naobao 發表於 2012-8-30 12:22

                               
登錄/註冊後可看大圖

我想同你做個錄音版本呀

吓...你咪聽過囉...