068手竿釣魚---梧桐河新體驗

068手竿釣魚 --- 梧桐河新體驗
日期：2016-3-28 星期一(二月二十)
時間1530~1800
釣具：12尺春雨溪流+2號尼龍直出+小浮標+單勾
魚餌：白麵包(釣三尺深)
釣場：氣壩樓梯位
中魚時間：1613
魚穫：藍刀x2，花羅漢x4(上4甩2)，甩左條尺零紅白綿鯉
放假嘅最後一天，今日下午冇家事要做，所以走去梧桐河舒展一下身心。
經過上兩次經驗，今日叫做比上次暖番小小，好期望河裏面嘅魚會比較開口。
可能都係啱啱曬左兩日到，魚唔係咁肯開口。
但係釣到嘅花羅漢都好有力，條條都開晒車，係咁冲係咁標。
最尾一口餌，將用剩嘅麵包都拋晒落去當誘餌順便餵魚。
係等左一陣之後，支標有輕微郁動，仲有小小向下沈。
唔理咁多，梗係抽佢。一抽，條魚打兩個轉，好快就見到個魚影。
一條尺零長嘅紅白錦鯉(條魚又好似係如意咁，有長嘅尾鯕)上左水面，不過支竿太軟，
根本有可能就咁彈佢上水。可能太興奮，未中過錦鯉，起初，都唔知點算。
唯有，打下八字玩一陣。條魚係下面打八字嘅同時，見到有條咁上下大嘅鯉魚跟住一齊游。
心諗佢地可能係一對嘅! 真係唔認心分開佢地(其實係冇撈箕係手啫!)
後尾想起，唔好整傷條魚，拖佢埋石樓梯級上，再手拎佢上水。
可惜，拎起佢，隻勾就拉開左小小，跟住甩埋。
佢嘅倩影只有留係心中，留待下次相見。
到時，我會帶埋個撈箕搵佢。
後記：原來釣麵包餌都可以打誘餌嘅，因為今次臨走，將用剩嘅半塊麵包逐小"練"細，
拋落口餌附近。真係可以引到魚埋窩。下次可以一早就咁試，唔駛浪費左咁多寶貴嘅時間。

恭喜恭喜，我見太多人係氣霸，所以去咗屠房釣

呢條叫做網紋獅頭, 不是花羅漢.
當你上過一條錦鯉後, 可能會令人著迷, 不能自拔. 小心...

xo0109 發表於 29/3/2016 18:26
恭喜恭喜，我見太多人係氣霸，所以去咗屠房釣

多謝!
請問，由氣壩行去屠房要幾耐呀？
同埋屠房到底係邊個位呢？
因為真係未去過，只係係地圖上見有屠房，
但唔知實際位置。

skycat772 發表於 29/3/2016 20:37
呢條叫做網紋獅頭, 不是花羅漢.
當你上過一條錦鯉後, 可能會令人著迷, 不能自拔. 小心...
...

淡水魚，我真係識好小，剩係識個D大路野。
仲有排跟咁多位師傅學習。
其實，自從見過條錦鯉之後，成日都好掛住佢。

原來我地同一日响果度釣wow

時雨 發表於 31/3/2016 15:02
原來我地同一日响果度釣wow

近排好忙, 而家先睇到.
有機會跟你學釣魚丫, 師兄!