拖石駁之外傳

今日原本係同一班好友出海浮潛, 但尋晚失眠, 今朝又起唔倒身, 唉.....算把啦....
錯有錯著, 見今日無無聊聊, 又去單拖下先...
帶住我最重火既架生出發, 目的當然係紅鈾啦.
4:00pm到達釣場, 行緊流, 水頗為濁, 睇黎幾好景.
掃左一段小距離, 隻lure隔離 一個銀影劃過, HIT!
梭子魚? 甘好力既?  仲識洗鰓!? aiya......甩左! SHIT!!!
算啦, 依D外道野都冇乜所謂啦, 繼續向前行拖....
一個遠投, 收到埋腳邊, 突然睇住一個大口衝上黎! HIT!
甘大個口, 鱸魚? 唔係wor, 甘大力咬餌, 紅鈾甘架wor, 上水, 原來係雙牙班.
55cm 3.5lb

個口真係好大架....

繼續向前拖, 去到曾經中過大紅鈾既地方, 拖左幾槍都冇反應....
正想拋多一下就轉位啦, 點知食條甘既野埋黎.
星鱸!? 你甘細條做乜食我隻K-Ten 140F呀?

拖埋個駁尾, 都冇動靜, 見前面有個暗礁, 拋多槍啦, HIT!
一頂, 力水唔錯wor, 頂左兩手仲會出drag添, 係紅鈾啦卦....
拉到腳邊一睇, 又係梭子魚!?  係咪食左類固醇呀? 甘好力既?

67cm外叉, 之前中D 70cm都冇甘好力....

差不多6:30, 天都黑晒, 係時侯走啦.
4 hit 3 get, 冇一條係紅鈾, 依個外道釣行真係稱得上係外傳...

恭喜 好利害嘅魚獲.

1次中3類魚種.....

勁...兩個半鍾有咁多野玩~真係爽爆啦

你隻k-ten我都有買,不過咁耐都冇魚咬過,唉............
好野呀湯記!

1次中3類魚種.....
海神祭 發表於 2009-10-2 01:46

                               
登錄/註冊後可看大圖

星盧我唔想中架, 我想中紅鈾多D....

你隻k-ten我都有買,不過咁耐都冇魚咬過,唉............
好野呀湯記!
ericso 發表於 2009-10-2 01:59

                               
登錄/註冊後可看大圖

隻K-Ten擺明屈機架wor, 動作靚到痺, 快拖又靚, 慢拖又靚, 順流逆流拖都靚, 我每個釣行一開始一定用佢架.

湯記師兄你講得無錯,k-ten真係好用到不得了,如果blue ocean可以做到對抗側流好一些,咁就更加prefect
湯記師兄你有無用過m系呢?又何評價

甘多外道中都好呀

頂呀....你條友仔自己去偷釣都唔叫埋我呀