石九公和非法入境人仕再加水警叔叔

石九公可會成海中的少數民族?
前天坐艇經過大小丫洲見為數不少的大陸魚民在磯石上大釣突釣,
當初也不知他們是釣什麼後來艇家說他們是來釣石九公(上面收成
38人仔一斤)喎.真怕海中石九變了少數民族
但最令我激氣的是我們快回到長洲時 水警大哥又要做功課(抄身份
証)本來無咩既,但我朋友在收回身份証時便跟這位警察叔叔投訴有
非法入境人仕在釣魚,但這名警察叔叔就話人地搵食(姐)仲叫艇家馬
上開船回岸,我朋友就好激氣咁話我依家同你報警你受唔受埋,警察
叔叔就話你要報警ok我馬叫另外d伙計黎同你做你等下喇..唔該!
艇家就馬上叫唔好攪喇幾粒鐘都埋唔到岸喎,我就叫算喇去吃飯好過
在回岸途中艇家話d(水師)要玩一定玩唔死你地但我就麻煩得多囉
心惗又係既艇家要係果頭搵食唔好難為人家啦.
我朋友上左岸係度mm聲...咁又係既難得一次釣魚釣唔到不突止仲
要比d所謂既官寸,身為朋友既我都唔知講咩好只好幫佢上網打幾隻
字仔囉......

有冇搞錯呀
就係呢d所謂既差人 縱容d大陸船 入港內滅魚
警察投訴課幫到你!!!在唔係去信報紙投訴!!可怒也呀~

其實我覺得d警察係唔想咁麻煩姐,因為佢地要用多重功夫

D艇家個牌通常係唔可以用來做生意，如果水警玩野，艇家就唔駛搵食都似！

師兄你覺得有用咩,投訴一次做一次做完咪同舊時一樣.

師姐就講中晒d公僕既心聽啦,做少d錯少d做多d錯多d.

如果d水警要玩個艇家佢一定好麻煩只要一驗部船尾機就玩完喇,
依家大陸都放寬d魚民用到60匹喇,香港仲咁q落後15匹都唔知點
頂浪= =

依種事每日都有發生...
街上巡警都仲可以比市民鑑察住,出左海個d如果一船阿頭唔管
d下屬休閒成點都冇人知,唔係我吹水我真係親耳聽過~~

原帖由 嘉露 於 2007-11-17 02:34 發表

                               
登錄/註冊後可看大圖

其實我覺得d警察係唔想咁麻煩姐,因為佢地要用多重功夫

唔係咁講既
咁警察都要做架
唔可以淨係得個睇字

我認同儕C兄既講法，如果玩野，以後都唔使諗住出外礁。