心碎...心痛...

唔知點解?自從兩年前同男友分手後,開始對愛情失去信心,自問自己係一個百份百嘅好女友,照顧佢起居飲食,樣樣以佢行先,天氣凍時,擔心佢有冇著夠衫返工,放工後,又擔心佢冇飯食,親自上佢屋企煮飯佢食(因前男友父母在外國),拍拖頭一年真係好開心,佢好細心好愛錫我,但當去到第三年,我每講一句,佢都覺得我煩,到後期佢失業,我幫佢交租,幫佢send資料去搵工,但佢就放棄自己,只顧終日打機渡日,試問我作為一個小女人,只要求男友有份正職,幾年後計劃結婚,唔要求佢有錢,公一份婆一份,兩口子開開心心過生活,我有錯咩??
到後期我真係忍無可忍,決定離開佢,佢一句留我嘅說話都冇講過,雙眼只對著電視機打機,我覺得佢已經去到病態嘅地步啦!!我講唔到落去啦....鳴...鳴

師姐緣份呢樣野好奇怪架....你同你舊男友既事都只係你人生中一個小插曲咋
  
  緣生:70   
  緣盡
  緣滅

多謝你安慰我,都幾年啦!!我已經忘記咗佢,只係有時諗返會好唔開心,覺得自己好儍....

哈哈 我都係過來人知道要放棄一件事或人都係好痛苦既

佩碧....
我只可以講..人慨本性係自私..而且亦會..習慣成自然
你當初想結婚的想法..你有冇同你男朋友提過吖
就算..佢當初應承你..但係又有誰可以包証..日後唔會離婚
將來慨事..無人可以肯定
其實..你早一點知道佢慨為人..盡好過日後結婚オ知道啦
聽落好似好殘忍..
但..現實世界就係咁啦

冼蹼...多謝你安慰我,但每個女人都希望可以搵到一個好男人一生一世,以我立場嚟講,只要佢愛錫我,我可以為佢做任何嘢,我唔會介意佢有錢定無錢,只要佢有正當職業,我對生活質素要求唔高,就算兩個係屋企睇DVD我都一樣咁開心!!

魚骨頭哥,我明白你嘅好意,放心啦,我好易就會平服到心情

一生一世呢句野另我諗起 楊過同小龍女
終南山下 活死人墓 神鵰俠侶 絕跡江湖

期待一定會有,我覺得一定要大家互相付出,建立深厚感情,一生一世係唔難做到嘅!!

希望你早日搵到你心中既楊過喇