釣到魚/魷..是否就可以操生殺大權

釣魚咁多年..見好多人釣到魚獲後
有一種高高在上..飄飄然的感覺
對着魚獲..好似操有殺生之權咁
冇錯..我地釣到魚..或者Fit到魷
在智力..體力..技術上都可以講係勝力者..比所釣到慨魚..Fit到慨魷憂勝
但係..我地就係唔係對於呢d..魚/魷獲
就可以完全有權力..對釣獲操生殺大權呢??

有冇睇個廣告...
媽媽...我可唔可以唔死牙??
當然係唔得啦

算把啦.....
依d話提仲攞黎講....
如果d魚係攞黎食....我覺得冇所謂...(當然唔係魚仔啦)...
依個就係遊戲...d魚貪食...食左餌....後果自負.....

我支持反方
希望釣到牠們時係鉤嘴唔好入扣,入扣實死冇生

都係一句……
取走足夠份量就算,
其它就放生喇……

又係呢一D話題=.=
好似都係講極都唔會講得完的=.=

正所謂姜太公釣魚,願者上釣

人釣到的魚後係放生係取走都係釣者的決定( 國家有protect魚法律除外),  釣者要佢生就放要佢死佢亦死左9成9.  魚可以逃走但沒能力和釣者要求放佢走. 所以人絕對係操有殺生之權, no arguement about this.農場d牛豬雞鴨命運也是一樣.

人操有殺生之權其實無問題亦ng係錯, 重點問題係如何行使這權力! 係大小通殺定只取所雖?係要d魚死得好痛苦定快手了結? etc etc
只希望人善用權力, 而不是abuse 濫用權力.

[ 本帖最後由 sunhee 於 2008-1-12 15:41 編輯 ]

釣到魚獲後有一種高高在上只發生係比賽勝出後啫.至於有無飄飄然的感覺,就要問下"飄飄然"c兄啦,我就無囉.但果一剎那既開心,就一定有.
對着魚獲操有殺生之權,哩個係事實,因為唔係人,生左d細路養大佢地一樣唔可以操有殺生之權.

就算我地釣唔到魚..或者Fit唔到魷,
在智力..體力..技術上都一樣係勝利者.因為我地係人.

阿蹼,哩個話題係無可置疑既,因為佢唔關道德倫常,法理律令,而係一d弱肉強食既自然規律.但因為佢既保育成效同個人意向有出入,
因此,哩個唔係問題,而係難題.

支持正方;魚係自己釣到要放要攞走自己决定!相對他人釣到旣就算成桶都係魚仔都係望一眼就算!可以點呢?街巿有D一碟碟沙立仔幾蚊份成枱都係!又可以點呢?試過釣條手板黃腳仔上嚟;跟手掉返落海,竟然比個大叔罵。又見個位「勁裝」師兄玩浮波釣條手板牛屎上嚟;一手..........放入冰箱;幾斤重魚又有人照放。吹Q漲!自己釣到旣唔想比其他人干與;相對其他人的釣獲........唉.....話之佢。