告別魚樂網

去左幾日旅行返黎，睇到呢ＰＯＳＴ http://www.fishinghk.com/forum/viewthread.php?tid=16961&extra=page%3D2&page=1 ，覺得好唔開心，唔知大家係咪明示暗示緊我，不過就請容許我＂對號入座＂下啦，講埋呢次，我以後都唔會再響魚樂網講任何野。

講真岩岩睇完真係好激動，但我希望好冷靜咁處理呢件事，所以諗住訓一覺等自己心情平伏返先開呢個ＰＯＳＴ，不過就訓極都訓唔著，個心乸住乸住。所以都係起身打埋呢個ＰＯＳＴ。釣魚郎DON師兄，多謝你果棍，打醒左我，可能好多人覺得我講野太偏激，下下好似頂心杉咁，有時又好易得罪人，但我覺得係責任問題，有Ｄ野睇黎我都不得不講。

話說當日同歐師兄出黎，詳情見呢個帖　http://www.fishinghk.com/forum/v ... page%3D2&page=1　，我發覺歐師兄真係一位好熱愛釣魚既人，但講到教導新手就認真麻麻地，全程掛住自己玩，講真我見佢好似乜都無教到FISHLOVEME師兄，差唔多所有野都係我講解，而且亦妄顧安全，橫風橫雨都唔理我同FISHLOVEME師兄既反對，堅持要去玩灘投，爭Ｄ淋病左，仲有好彩Ｄ電話無入水咋，唔係真係因小失大，果日真係攪到好鬼狼狽。但礙於自己始終係後輩身份，唔敢當面話歐師兄處理不當，所以唯有開下ＰＯＳＴ分享下教學，攪活動心得，或者有時講到懶專業咁，其實係想轉個彎提醒一下歐師兄出黎玩時要多Ｄ顧及下一班後輩姐。

仲有我亦發覺歐師兄叫FISHLOVEME師兄買既架生都好有問題，因為FISHLOVEME師兄係完全新手，咩架生都無，所以作釣前先陪佢去買左釣具先。但歐師兄就叫FISHLOVEME師兄買左一個唔太適合玩投釣既ＤＡＩＷＡ３０００攪，買左餅非常脆弱既１０ＬＢ絲做主線（＄２３有１７ＸＸＭ！），買既鉛都係６～７號，講真成套架生都唔太適合玩投釣，我都有嘗試出聲，但可惜插唔到咀，唯一慶幸係Ｄ架生唔算太貴，但個攪我相信FISHLOVEME師兄好快就唔會用響投釣度，希望唔會浪費左。而我就覺得有Ｄ內疚，因為係我叫FISHLOVEME師兄跟歐師兄學釣魚既，結果攪到FISHLOVEME師兄買左一堆無謂野，希望FISHLOVEME師兄之後響其他釣法上會用得著套野，唔洗浪費左佢啦。但我就唔太希望同樣既情況發生響其他人身上，所以好似成日都否定歐師兄教既方法，可能好多人覺得我下下入得就入，但大家諗下，買架生係要俾錢架，買左唔岩用就浪費左，我夠唔想做衰人，得罪人啦，但唔通我眼見FISHLOVEME師兄既事件可能會重現我唔出聲？而且細心留意下我有咩否定歐師兄既言論，都係同佢釣過魚之後先講架，如果一切正常點解我要咁做丫？唔知大家會唔會覺得我咁樣爆大鑊係好無品，但呢一刻都唔講，可能會有更多人受害。歐師兄，ＳＯＲＲＹ。

浦克師兄，你句火雲掌，相信係針對我發表果個關於放生大尾魷既ＰＯＳＴ而講既，其實我都講到明，我都係將高田先生教我既野搬字過紙既姐。但我未至於諗都唔諗就立亂返黎開個ＰＯＳＴ分享放生方法既，我都驚有錯會俾人插。

大家都知大熱天時放隻魷響地上隻魷好易玩完，咁大家都知道正常人既體溫都起碼有返三十幾度，咁樣會燙傷Ｄ魷我覺得好合理，可能未至於放響地上影響咁大，但有一定影響我就絕對認同，至於會唔會好似高田先生所講咁，我地體溫對隻魷既影響就好似有人用燒到紅晒既鐵黎辣我地一樣咁嚴重我就真係唔敢講，但我都相信高田先生所講既說話。

松田師兄，我不嬲都認我釣技分面技不如人，但我平時有時間都會思考下釣魚既問題，所以響理論方面比較有心得Ｄ，但其實講釣魚理論都好重要。或者有人覺得我講就天下無敵，做就無能為力，但我真係唔係鐘意吹水的人，令你有所誤會，對唔住。打幾百字回覆係代表我既誠意，你覺得我不留餘地，但如果你有睇我之前個ＰＯＳＴ就應該知道其實我已經非常婉轉。

ＰＡＮＤＡ師兄，ＢＥＮ師兄同ＫＩＮＧＳＴＯＮ師兄，雖然我唔知幾時得罪過你地，但見你地無啦啦咁樣入我，我都同你地講聲ＳＯＲＲＹ先，唔知係唔係我之前撐十狂兄既言論攪到我得罪咁多人呢？不過響我同十狂兄交朋友既第一日已經預左呢個情況發生。點都好，關於一Ｄ侮辱性既言論我就唔回應喇。

ＪＯＥＣＹＬＥＥ師兄，呢度咁多話我既人入面，係得同你出黎玩過２次，講真響你身上都學過唔少野，雖然無同你深交，但我都好欣賞你個人，釣技好，性格又爽，而且講野都好實在。唔知我果２次俾你既印象又係點，你都覺得我係一個吹水之人？我平時講野都好實在，尤其是魚獲，有就有，無就無。我之前都有同ＪＩ講過，我釣魚都係旨在吹下海風，佢都知我成日搵新釣點，但又成日龜，我點解要吹水？我淨係同過一個人講我一日中到４０幾隻魷，係事實。試諗下我有乜必要吹水先？如果我有心吹水，點解唔開個ＰＯＳＴ出黎吹大佢，而要私底下響ＭＳＮ同果個人講丫？係因為佢帶過我去一個唔錯既釣點ＦＩＴ魷，但我未經佢同意就帶左其他朋友去果個位釣魚，我唔知佢介唔介意，但我事後都有Ｄ耿耿於懷，於是成日想發掘下多Ｄ新釣點係就腳Ｄ，收穫有保證Ｄ，到時可以同返佢地去砌返鑊，所以我就淨係同佢一個講左我一日中左４０幾隻，我個ＦＤ中左１０幾隻，點解會傳到成個ＨＫＥＣ既人都知？仲要俾人話我吹水添，本身仲諗住去完旅行返黎就約佢地一齊去果度玩下。。。。。。而家好心淡。但我都知你個人真係一個好人，所以你點睇我都好，我都祝你生活愉快啦。

仲有要同爆叔講聲ＳＯＲＲＹ，原身仲諗住幫下你手，點知而家反而好似攪著你，可能我個人真係太口直心快啦，我都認我有時好鬼偏激，成日覺得出發點正確就得，攪到可能有好多師兄對我都好不滿，響度我再同大家講返聲對唔住，攪左咁多風風雨雨，尤其是歐師兄，將Ｄ唔係咁應該講既都講埋出黎，ＳＯＲＲＹ。不過我講埋今次以後都唔會再出聲喇。
十狂兄，以後魚樂網就少個人撐你喇，不過我地可以私底下交流釣技既。
最後祝各位師兄師姐生活愉快，長釣長有。

走未走，講咁多野...
好似細路仔引人注意...

要走,想走...就要數哂別人不是先走？
唉..小朋友....別人眼內覺得你的不對..
就似現在你咁....永覺得別人是錯..你是O岩...
男子漢...做人不是這樣的。
睇過咁多POST...看過你的發言,固執....又執著...
點解做唔到''一笑置知''地行自己的路？
做人最成功...最大的成就...就是懂得能從容面對什麼難題。
從而克服面對...
釣魚是種''修心''的興趣
若然滿口皆人不是,
不檢討自已的缺點,
將來若有機會成''高手''
態度不變,依然係個爛罐子,不值一文.
懂什麼是口德麻？
唱衰人,是事實？就能安睡？
若然將來能成為一個大師父,
口德,品格,如比缺德...能喜人心？
釣魚能令人眼晴,變得雪亮...
可能時代變了,
釣魚不再是修心的興趣..
你是個熱誠的釣手,
心放開點..眼放遠些..
釣魚是可單獨進行的活動..
所以你個別自我地執拗？
現在別人質疑的..
不是你有無料教人..
是你的品行..
見你撐十狂的心..
我非常欣賞..
但以上的言論...
小弟....
悟釣...論投...明釣組...倒不如,學做人！

原帖由 ~air~ 於 2008-5-29 09:52 發表

                               
登錄/註冊後可看大圖

要走,想走...就要數哂別人不是先走？
唉..小朋友....別人眼內覺得你的不對..
就似現在你咁....永覺得別人是錯..你是O岩...
男子漢...做人不是這樣的。
睇過咁多POST...看過你的發言,固執....又執著...
點解做唔到''一 ...

所言甚是, 值得反思.....:%21^