好小睇!!!一睇原來係咁???

我每日既生活好簡單,返工等放工,放工回家就上網睇吓各釣友分享魚獲,放假就緊係去釣吓魚啦~~~

尋日上魚樂網,無意中見到一個標題,"告別魚樂網"......八掛就㩒入去睇吓!!!!嘩...內容好似幾激烈咁喎,咪繼續睇落去囉,

估唔到睇到上咗癮,仲去揾番件事既始末添,連續兩日我都響魚樂台流連,得出一個答案.......................*我係超級八公*

,講番正題先,我見到大家互相暗示指責,到最後有人要退出,退出後仲有好多回響,爆叔,可否話我知點解會變成咁既???

平時我鍾意睇磯釣區同二手區既資訊,我登記會員咁耐,好小睇魚樂網其它資訊區,今日無意中睇到呢個標題,雖然完全唔關

我事,但睇到都有啲不安,仲以為呢個釣魚資訊網係最簡潔既添,因為以前睇其它討論區既釣魚區都幾複雜,分享魚獲又俾

人質疑重量大小,問吓技術上既難題又有人會亂噏廿四,點解??點解要咁???

可否介紹一個冇鬥爭既平台俾我,俾我透吓氣,可以嗎????????????

          (純粹個人感受,不喜勿插)

幾咁激烈都好, 唔好唔記得大家嘅最終目標.....釣魚

我可講一個事實俾你聽,
有人類嘅場合,就有呢種情況,
無論係玩實世界,抑或網上世界,
一隻手掌拍唔響,事情發生係一定有個過程....
不過呢樣野並唔係最重要,問題重點係要點處理,
你要參與其中,你如何表現,甚麼言論,可以話係個人自由,
點樣睇亦係個人自由,
好奇怪...特別係網上討論,好多人睇"對錯"界線,非常執著,
現實世界反而灰色地帶較多,師兄,睇你言論,應該都係成熟人士,
作為一個喺地球生活嘅都市人,應該好明白呢種現實情況,
我亦好明白你想找尋一片空間樂土嘅心願,我覺得你不妨放開D,
不要用心中標準去睇,就用比較角度去選擇,
如果呢度比較好D,就請你留多小小時間囉,
世上並無烏托邦,正如人人奉公守法就唔駛有警察,
如果我攪嘅係教會,可能比較易處理嘅,
不過一個網上平台人一多,小風雨就實有發生,
呢D唔係複雜...做人都係咁,
事件主因都只係....
有人睇野執著左,有人敏感左,有人中意開玩笑....咁解之嘛...
你睇人時,人睇你...師兄,其實呢個時候出此帖都有小小敏感架,
不過算喇........

原帖由 naobao 於 2008-5-30 14:15 發表

                               
登錄/註冊後可看大圖

我可講一個事實俾你聽,
有人類嘅場合,就有呢種情況,
無論係玩實世界,抑或網上世界,
一隻手掌拍唔響,事情發生係一定有個過程....
不過呢樣野並唔係最重要,問題重點係要點處理,
你要參與其中,你如何表現,甚麼言論,可以 ...

好讚同爆叔，其實我覺得睇完一笑至之未算囉，你覺得有問題未唔好睇囉，睇完個心唔舒服，何必呢！