給所有在職釣友~"勤勤力力，職場大忌"~

勤勤力力，職場大忌


在一網站見到好似好有用~所以在此分享

[顯示] [隱藏]

首先說明一下老闆的思維(以工商界為準，其他界別可能不適用)：

若可以用$1買一件貨，就唔會用$1.1去買。
若果有人肯用$0.9去賣同一件貨，咁就會俾$1佢先傻
若還價$0.8都話有商量，咁就點解當初唔還夠$0.7

將視線由貨物轉到員工：

俾幾千蚊都做到好似狗咁勤勤力力，即係冇不滿，冇理由要加佢人工
俾少d錢都大把人見工，係唔係應該扣下人工
巿道咁好都唔轉工，一於記住佢，巿道唔好時第一個扣佢人工，因為巿好唔搵工，巿差就更加唔搵工，拒佢人工都唔會有太大反抗，咪又一樣勤勤力力，巿好時當然唔會加番俾佢

當然，人工高勤力是應份的，一來受人錢財，二來保住飯碗，但人工低又勤力諗住博升的話，就中招！係大部份老闆眼中，佢俾既人工都係$0.8，即係測試價，若果你肯勤勤力力的話，佢一定會心諗係唔係應該俾$0.7，相反，若表現出不太在乎，成日諗住搵工，反而極有可能會令佢覺得係咪人工出少左。

職場唔同學校，沒有明文規則，但一般來說都係用商業手法去運作，商業手法就係要吊高黎賣，好似d滯銷樓要限量加推。

基本上我唔贊成人工低時反而勤力做野博升，相反，人工低時應該盡最大極限地遲到，例如有15分鐘緩衝的話就用盡，收工就一定準時。信我，炒你既機會極低，因為佢地根本冇法肯定再請一個會唔會都係咁衰，唯有就係去輔導你，希望改變你。

大家有冇諗過點解有些冇乜能力的廢柴有職升有人工加？自己勤勤力力就日日提人吊膽？其實你口中的所謂廢柴原本應該唔係廢，起碼都要有一定資歷學歷先有理由俾人升，你覺得佢廢其實係人地參悟左職場的道理，即係越表現得唔在乎，就越令老闆覺得對佢唔住，越係勤力老闆就越覺得你冇左份工唔得。

樓主講得有點對的...所以工作時...按本子辦事..其他理得佢死

原帖由 kyuet 於 2008-7-15 14:24 發表

                               
登錄/註冊後可看大圖

勤勤力力，職場大忌


在一網站見到好似好有用~所以在此分享

[顯示] [隱藏] 首先說明一下老闆的思維(以工商界為準，其他界別可能不適用)：

若可以用$1買一件貨，就唔會用$1.1去買。
若果有人肯用$0.9去賣同一件貨，咁就會俾$ ...

又好似幾有道理喎,不過都係了解吓老细係點嘅人先穩陣Ｄ.

你覺得我有道理係因為套係你份工度都有幾份正確。

老闆眼中員工只係一件貨，識諗的老闆就會出多些錢去買貨，希望能夠激勵員工，從員工身上反而搵到更多錢。打個唔係太好的比喻，買電器時想耐用些就會寧可貴些都買日本貨，寧可$20000玩4年都好過$5000買大陸貨玩半年。

但大部份老闆(通常都係中小企)，可能因為冇錢，又可能貪平，出$5000買大陸貨，諗住玩到1年就當賺左(日本貨平均$5000/年)，點知大陸貨太生性，$5000不單止玩超過一年，2年3年都冇事。

你老闆出大陸貨價錢，就千萬不要交日本貨的質素，老闆唔會多謝你，仲會覺得應份。將心比己，你買電視時，同一型號一個日本造，一個大陸做，你一定會希望大陸造質素同日本造一樣，但價錢平一截。

世界甘大, 公司ng止一間, 老細ng止一個, 伙記ng止一人.
如果個老細好似你講廿, 你就一定泊錯碼頭.跟個儍gae, ng炒都好快jup 粒.
如果個老細有料,有甘gae思維gae伙記就一定好快炒. 你估老細真係儍gae mae.
有甘gae思維gae伙記就好似病毒, 曾野開去. 當表現差, 老細一定情願博一博.炒左博個好少少ㄚ. ng好d, 起碼條氣順丫ma!

講真, 當初係末有人賞識你之前, 你都要先做d會令人賞識你gae事, 到一天運到比人遇到一個找人材gae老細, 他才留意到你gae能力. 到你見到好老細才發力, too late la.
今日要同人講英文, 係ng係一天半天學得識.
釣魚一樣, 平日不練技術釣法, 比你上好位一樣不是龜就是斷.

有d人話自己點運ng好懷材不遇, 其實佢地又有冇想想是否因自己處事方法, 任由刷身而過的運氣白白錯失都不知?

自己怕sit底係工司浪費gae 時間, 你-一世也追不回, 老細覺得你ng好, 炒左你重有好多人肯做. 到頭來, sit 底gae又係誰?

[ 本帖最後由 sunhee 於 2008-7-16 01:35 編輯 ]

自己要點就點.....做多做少睇自己心情......

老實講,唔比人炒只係有勞工法例保住你,
一間工司冇左邊個都得,只係冇左老細唔得!!
成功,首要條件係你肯去做,連第一步都行唔出,點成功呢?

重點唔係懶人俾唔俾人炒，

而係勤力俾唔俾人升！！

唔升你，但俾多d野你做(例如1.5人的工作量)，好聽就叫俾機會你，實質就係摸緊你低線。你今舖若果逆來順受，則表示你收1人份量的人工但可以做1.5人既野，在老闆眼中，所謂的1.5人工作對你來說等於1人工作，換句話說，你做1.5人工作時佢覺得係適當份量，應份，絕對唔會諗升你或加你人工，相反，你做回本份做1人工作份量時，就話你慢、偷懶。

你必需好明確咁表示做唔切，部份唔太緊要的工作(例如內部文件)就特登遲幾日先交(外部文件、同客有關既野當然唔好玩野)，加你工作量你仲可以準時交，佢唔會讚你快(或者把口真係會讚你，但心入面……)，反而心諗點解當初唔叫你做多d野，你極有可能因此而得罪了負責編排工作俾你的上司，因為佢會俾老闆小，你死左都唔知點解。又或許會再加你工作量直至去到佢認為的底線。

你知一個開鎖佬開一個鎖要幾耐？答案係1分鐘都唔洗。
你知唔知開鎖佬一單job做幾耐？答案係15-20分鐘。

點解會有咁大的時間差？

因為開鎖佬收你3舊水，若一分鐘交貨，你實條氣唔順，但身水身汗演戲演多十幾分鐘，你就會覺得師傅咁辛苦俾幾百蚊係應份。唔單止開鎖佬，你份工都係一樣，1分鐘打完既文件，應該額外多加15分鐘左右的演戲時間，扮到好辛苦好落力咁。當然，演技係好重要。

我承認，一間公司的文化讓原本勤力的員工特登偷懶是很悲哀的，這是一個社會的墮落。
另一方面，老闆當你係一件貨而你仍希望透過勤力去令佢改觀，也是很悲哀的，這是你一個人的折墮。

原帖由 kyuet 於 2008-7-16 10:10 發表

                               
登錄/註冊後可看大圖

重點唔係懶人俾唔俾人炒，

而係勤力俾唔俾人升！！

唔升你，但俾多d野你做(例如1.5人的工作量)，好聽就叫俾機會你，實質就係摸緊你低線。你今舖若果逆來順受，則表示你收1人份量的人工但可以做1.5人既野，在老闆眼中，所謂的1.5人工 ...

嘆...我覺得你甘suggest人真係教壞人.

1分鐘打完既文件攪15分鐘先做好, 只會比人覺得你無能. 老細真係ng係儍gae. 好多時係隻眼開, 隻眼閉.
你做老細出錢請伙記, 又會ng會升一個1分鐘打完既文件攪15分鐘先做好gae人? 又會ng會升一個要升左先會勤力gae人?
又會ng會升一個收人工後做多d都怕蝕底gae人 ?
好似你甘講去做野, 已ng係俾唔俾人升gae問題, 係好快比人炒gae問題.
釣魚ng一定有魚食餌, 買六合彩ng一定中. 勤力一樣未必一定比人升. 做好左無機會起碼盡左力. 未做好就怕蝕底就只係得一句自己抵死.

好多自以為釣魚好叻gae人但實在好差, 真正gae高手卻會知自己不足不停學習.
亦有好多以為自己好勤力但係世上只有佢自己一人認同. 真正勤力gae人卻會不自覺地努力做好每件事.
怨之前有否想想自己又係那一種人?

時下gae hk人, ng再係以前gae hk 人la.. 以前中文得, 英文好,肯做肯博,,, 依家gae...$10000 + 人工gae HK人, 中文,英文,羅輯都比不上$5000 gae 國內同事. 重要null C fut 花... 米只係迫d老板將所有野move 上 China... 到時你話點好?

其實我全部都係轉貼ga姐~~~
好似sunhee c兄講法~"已ng係俾唔俾人升gae問題, 係好快比人炒gae問題"~~~咁一間公司就一定就沒懶人存在了~
而點解仲會聽見到好多人話自己公司好多人唔多做野~而且又遲到~
不過人工就同自己一樣or比自己高~
"你收1人份量的人工但可以做1.5人既野，在老闆眼中，所謂的1.5人工作對你來說等於1人工作，換句話說，你做1.5人工作時佢覺得係適當份量，應份，絕對唔會諗升你或加你人工，相反，你做回本份做1人工作份量時，就話你慢、偷懶"<------呢個都係事實~其實c兄你又會想收一份人工做3個人的野嗎?~
所以比個新睇法大家~唔係想教壞人~亦唔係想找交吵~
我只是覺得時下的公司同以前已經唔同了~~以前可以由低做起
由boy-->文員-->主任-->經理~~~~~不過我覺得而家已經沒呢一支歌仔唱la~~
你入來果時係boy~你就一世都係boy~
其實我自己覺得有重要野時就比心機做~而平時偷下懶都沒咩不可~~咁先至可以比人睇到你的重要性呀ma~~~哈哈