有感而發想當年

睇咗幾日 "重磯血淚史" 令我諗起我嘅釣魚往事..........

在七十年代初, 那時在外洋船上工作, 四圍去當然唔少得釣魚消遣哩種樂趣, 由幾層樓高嘅甲板上陲釣, 魚竿係無用武之地, 亦只有用手繩作釣。由於每每在港口外都要等三幾日方能進港泊岸, 哩段日子又可以做咩哩? 釣魚也..........

好記得有一次在新西蘭某港外, 在船上晚飯後, 好多人都攞出釣具作釣, 全部手繩, 最輕磅嘅都起碼用 20 磅絲, 鉛錘都差不多有一磅重, 用生肉做魚餌。釣上第一絛魚之後便會切魚肉作餌。

當時我有一個柚木輪係上咗 300 碼 400 lb 魚絲, 哩套嘢當時在上環買亦要成佰元 (我人工每月只有四佰幾)。其時只有我一個人係鈎上一大塊牛肉在船尾玩無鉛放流, 把魚絲繫在一個有水嘅紅A桶嘅把手以便接收漁信。同時間與其它人一樣, 亦用 20 磅絲作釣。魚獲都算唔錯。大部份釣到嘅都係有斤頭重嘅紅魚 (Red Snapper)。好清楚係約在晚上十時, 當厨房嘅人叫我地去食消夜.......蒸魚同魚湯等, 個水桶特然打翻, 整甲板上都係水, 而魚絲好似火箭咁走出, 雖然有皮做勞工手套, 要拉也拉唔到, 差唔多到絲盡便即時用船上錨盤借力好等絛魚能夠停一停, 不過, 唔洗一分鐘絛絲飛快地彈回來, 一睇.......原來個魚鈎斷咗。唉....大家都知道在海裡有大物, 連消夜都唔去食, 換上一個 挪威 制造嘅鈎, 哩啲鈎當時要買都幾貴吓, 再拋絲作釣, 這一次係提絲在手唔用水桶, 富然係帶有手套.......等......一直等, 半小時唔夠, 絛漁絲又再飛快地出走.......出咗佰幾二佰碼絲.........今次竟然可以停到絛魚(?) 同要佢回頭游返, 一路收絲都覺得絛魚好重好重, 收絲亦收得好辛苦, 因為絛魚四圍係咁衝, 船上多人亦輪流拖絲, 都攪咗成半小時才有幾會見到佢.........原來係一條比麻雀枱面更大些少嘅魟魚 (stingray)。從船旁拖到上船, 幾層樓高都要花上十幾分鐘, 因為佢對翼係咁郁, 絛尾 (有三呎長)又係咁搖動, 真唔容易。

事後在船上, 有個水手切咗佢條尾, 曬乾後, 做咗一絛鞭送俾我作裝飾品。數年後, 我亦轉送咗俾另外一個船上同事。

哩絛魟魚雖然唔係好大, 但係在水裡, 佢對翼擺一擺都唔係嘢小。

Uncle , 甲板離海面都幾層樓高你地點樣揪条魚上船牙

做咗一條鞭
E條鞭一定好勁

原帖由 7-UP 於 2008-10-11 11:58 發表

                               
登錄/註冊後可看大圖

Uncle , 甲板離海面都幾層樓高你地點樣揪条魚上船牙

噫........唔記得寫清楚添......絛魚係幾個人一手一手揪上甲板嘅！,

幾層樓高都拉到上水

Uncle , 条魚你地食左幾多餐至食晒牙  , 如果卑佢對冀 or 条尾打中真系ng死都暈

Uncle ...係英國Ｄ鬼非常熱愛釣ray...無論沙石灘定rock...在英國出了很多撑專門玩呢課野.....但其實係香港都有好多機會...有緣既話...揾次一齊攪攪佢...這個運動機好玩嫁

鞭鞭有力

原帖由 7-UP 於 2008-10-11 12:57 發表

                               
登錄/註冊後可看大圖

Uncle , 条魚你地食左幾多餐至食晒牙  , 如果卑佢對冀 or 条尾打中真系ng死都暈

條浦浦只有我同幾個人食, 老我一輩嘅行船佬係唔會食嘅..........大部份嘅肉都切咗做魚餌。

[ 本帖最後由 flyfisher 於 2008-10-12 13:18 編輯 ]

原帖由 kitkit127 於 2008-10-11 12:15 發表

                               
登錄/註冊後可看大圖

做咗一條鞭
E條鞭一定好勁

哩絛鞭, 俾佢 fit 一野..........皮開肉綻