釣魚--龜的禁忌!!!

朱記 · 發表於 3/6/2007 20:22:50

釣魚禁忌!!!

雖然我地唔係賭徒,但相信出行釣魚時D八掛迷信野一樣唔少.我自己就有以下三幾樣野,但又非常巧合地,哩D八掛迷信野,命中率竟達到百分之95%以上.
禁忌X檔案:
A. 每次出釣, 當有人同我講”釣多D”,咁就實龜無走雞:到今時今日都仲受緊哩種咀咒,所以我係會內已發出警告,有人同我咁講,就要三蝦一粉補償...所以已經無會友同我講,但D街坊同朋友就...所以出釣撞見佢地,就會側側膊行過.
B. 中緊魚,如果叫人攞相機或者有人話去攞相機,咁係相機”擦”的一聲既同時,就會應聲斷魚:分別有兩名某大釣魚雜誌老副係唔同時候現場引證過小弟.
C. 著橙色”哥踢屎”及或救生衣釣魚,就好似鬧爆叔講過:九出十三龜.6年前中咒, 係果兩三年,龜到驚.3年前當我開始放棄橙色”哥踢屎”及或救生衣後, 情況大大改變.
D. 帶相機,就會龜:出道至2年前,萬試萬靈,但2年前手機相機非常廣泛後,竟自動解左咒.
E. 得閒踎下壆,唔帶撈箕就中魚,帶埋撈箕又會龜…而家懶,通常都唔帶,又唔覺有魚.
F. 帶齊架生買齊釣餌覆桌,就實食蕉.而家都仲係咁...

你,又有無D可以分享下係釣魚之餘,來個會心一笑呢?

abc · 發表於 3/6/2007 20:29:48

我同意A.D.F就算唔係萬試萬靈都九成走唔甩。

然仔 · 發表於 3/6/2007 20:32:44

帶親假餌就實無魚打水,但唔帶就周不時都有

小魚苗 · 發表於 3/6/2007 20:35:13

我同你個e有d似
但我係開撈箕就無魚唔開就有.......

anglerboh · 發表於 3/6/2007 21:02:27

特登請假去釣鱼..都冇一次好過
唔係龜到九彩...就係大風大雨

細雄 · 發表於 3/6/2007 21:31:20

我好鬼同意A

亞多哥 · 發表於 3/6/2007 21:39:34

試過幾次釣魚前去 Mcdonal 食魚柳包都蕉哂, 第一次吾信第二第三次都係咁, 最慘連朋友都影響埋一齊蕉.

.....自此之後釣親魚都吾食魚柳包, 好邪~

朱記 · 發表於 3/6/2007 21:40:14

原帖由細雄於 2007-6-3 21:31 發表

 登錄/註冊後可看大圖

我好鬼同意A

呀...我以為淨係我先會受哩種咒,嘩,原來咁毒架!!!

細雄 · 發表於 3/6/2007 21:44:33

原帖由朱記於 2007-6-3 21:40 發表

 登錄/註冊後可看大圖

呀...我以為淨係我先會受哩種咒,嘩,原來咁毒架!!!

係呀!!!

所以我一見到D老友都會叫.....

得...唔洗講在心中...........

鄧波比 · 發表於 3/6/2007 21:45:18

我就買親奇華隻龜飽出礁食就龜多中少