我叫做仔仔,又叫做man豬今年7歲啦,係屋企既老大,原本bb既時候
有個臭男人將我送比媽咪做生日禮物,點知媽咪唔養得,所以佢唯有忍
痛幫我搵左個新主人,不過媽咪都有同個新主人講如果第時佢唔要仔仔
的話仔仔點都好一定要跟番媽咪既,所以當上年我個舊主人遺棄左我之後
媽咪話而家養得貓就即刻接番我返黎住,不過最令媽咪嬲既係我返到黎既
時候根本就唔似隻貓既,又瘦隻眼又發晒炎耳仔又有膿瘡,返左去媽咪度
醫左成大半年先至好番大半,而家仲冑尿道炎要keep住食藥,好彩媽咪冇放棄我,
所以而家我最錫既都係佢
你睇下我企得幾高
訓到咁樣真舒服
我個名叫做波波,又名肥波,我今年5歲,而家有成14磅重,係4兄弟姐妹入面
最重既1隻,而且係最蠢又最大脾氣既貓,媽咪已經係我第5個主人啦,因為之前
d主人頂唔順我既脾氣而將我送比人,咁岩媽咪又帶仔仔去寵物店度沖涼而我個
舊主人又帶左我落去沖涼,大家傾開計我個舊主人又冇問過媽咪要唔要我就咁將
我扔左比媽咪,初時爸爸媽咪唔想要我架,不過冇計見我咁慘所以養埋我,而好彩既
我唔駛再搵過頭住家啦,因為媽咪講到明我地4隻都不能小
我個訓教look ok麻?
我要學人咁坐
我既至愛post
再黎多次
我叫做蛋蛋,又叫做粉蛋,我係4隻之中最頑皮既1隻,不過我又係最得人歡心既
貓黎既,成日激到爸爸個頭出煙咁濟,不過冇計,我係至多fans既,佢又吹我唔脤哈
哈,我仲有個妹既,佢叫做妹妹,我地係同一胎同世既,媽咪個朋友見到媽咪咁鍾意貓
所以將我地2兄妹送左比媽咪,而家媽咪個朋友見到我地肥酊成個波咁佢都鄧我地開
心,不過有時我都幾乞人憎架,成日攪到仔仔同妹妹發晒脾氣唔理我,我又係衰既,成日
走去攪攪陣,不過冇計啦,呢個係我既性格
我最乖既時候就係訓教啦
我投降啦
我坐得型麻
我叫做妹妹,係最細而且係女仔黎既,隻死臭蛋係我親生阿哥,我最鍾意痴住媽咪既,
夜晚我成日捐入被度一齊訓教教既,不過好可惜我都比我阿哥帶壞左,而家我成日都
同阿哥一齊攪攪震冇幫親
我最鍾意攪媽咪缸魚魚
我最鍾意咁訓既
係咪睇我唔到呢
呢張相係媽咪既至愛
以下係我地既合照:
希望大家鍾意  
[ 本帖最後由 cafu 於 2007-6-18 17:06 編輯 ] |
提升卡
置頂卡
沉默卡
喧囂卡
變色卡
千斤頂
顯身卡
樓主
......我好想見吓佢地呀
