我的至好朋友

呢一件事..係發生係我中學時期..讀中學期間..我都係唔太開心..可能因為自己比較特別
而且我讀嘅係天主教中學..可能小學時無乜朋友..可以專心讀書..而且父母幫我選擇一間天主教學校
可能係因為我嘅異能..而幫我選擇天主教中學..當時以我嘅成積..逸强都可以派到去呢間學校.
但係..中學課程同小學..始終有分別..讀書會比較吃力..而且有一d小學同學亦派到我同校
可能因為我平時沉默..再加上果d以前同我一齊嘅小學同學..有一d對我以前見鬼有印象..
同學與同學之間..又開始流傳我有異能..上到中學d男生更加頑皮..時常會有人整蠱我..
所以我到而家..都覺得中學d男生好幼稚..有時特別並沒有好處..何况唔係因為你家境有錢
有一次我係學校係真真正正崩潰..喊到停唔到口..好彩當時己經放左學..學校冇乜人..
有一位Miss聽到我喊..行過黎..問我發生乜野事..我唔知點講..只係講工課壓力好大
佢倍我去到醫療室..問我要唔要通知我嘅父母..我搖一搖頭..答唔洗啦..之後佢倍左我好耐
後來佢亦成為我一生人中最好嘅其中一位好朋友..而我亦都將我有嘅見鬼能力..講卑佢聽..
佢初時亦都唔信..可能同佢係基督教徒有關..佢同我嘅多年關係可以話係亦師亦友..
雖然我地嘅年齢相差好多年..但係..可以講我兩個係忘年之交..佢嘅婚禮..我有份出席
我嘅婚禮..佢更加係我嘅好姊妹..有時我會覺得我同佢嘅關係..比親姊妹更加好..無所不談
好多年以來..佢都想導我信主入教..但始終唔成功..最後都放棄..但並冇影响我兩關係
但係我地並唔係斷背山果種關係吖..而係亙相信任..識左差不多二十幾三十年嘅好朋友關係
人一生之中..會有幾多個生死之交..
但六年前..佢得了癌症..佢亦從來冇放棄過..亦都好努力去戰鬥..情况可以話..時有優勢..時有劣勢
佢亦都好仲容地去面對..佢經常講"佢嘅生命係由'主'卑嘅..佢係神嘅兒女..
如果'主'要收回..佢亦好願意奉上"
佢係三年前離開左我地..一個人嘅離開..原來並唔係單單個人嘅事..而係會影响其他好多身邊嘅人
傷口會好耐都無法愈合..時間會比你想像之中更長..係呢一段時間..幸好家人都好體諒支持我
佢離開果日..醫院只係通知左佢嘅家人..而冇通知我..到佢嘅家人記得..再通知我而趕去
但係..都係太遲..我同唔到佢講最後一聲再見..雖然事隔三年..但係我仍然好掛念佢..
希望可以再同我傾計,談笑,苦樂嘅事..都想同佢傾訴..
短短嘅三年..又點可以蓋過幾十年嘅感情..每次我女兒提起佢契媽..我都會好掛念佢嘅笑容
佢離開果日..晚上我無意識地行回佢生前所教嘅中學..所返嘅教會..我想尋回跟她的記憶
我什至對..係街上嘅游魂野鬼..視而不見..回到家中呆坐凳上..其實..我心裏知道佢以經離開左我..
雖然己經過左三年..但係我時常會無意識的..覺得佢並沒有離開我們..有些事情..我仲係好想同佢分享
我失去了一位亦師亦友嘅好朋友..但係生老病死..係每一個人必經嘅階段..亦係每一人必須面對
不論你有錢..或貧窮..生離死別係每人都必經的..冇人有特權的
我希望我呢一位好友..而家可以伴在佢信嘅'主'身邊..或者已經投胎啦

而以下嘅故事..亦都係我呢一位好朋友帶領我去嘅
我呢位好朋友..對我真係好熱心..係毫無私心的..可能就係我同佢嘅緣份
由細到大..我好少感謝天..但係識到佢..我係要真真正正多謝上天..但係天亦都帶走左佢
因為佢係基督教徒..所以佢曾經話送一條十字架頸鍊卑我..趕走d邪靈..但係我拒絕左
一黎我並唔係教徒..二黎我並唔會向現實屈服..佢亦都好明白我個性..所以冇免强到我
有一年將近暑假時..學校攪左一次大陸義工團..係去大陸幫一d山西遍遠邨莊重修校舍和義工服務
當然我的好友Miss亦有份參加..我亦有報名參加..出發前..我帶左我呀姨..係泰國幫我求嘅一道小佛像
係佢去泰國旅行時..特登幫我求..平時我唔會帶係身..只會放係櫃樋..可能今次算係遠行..
而且心裏有種感覺叫我帶..我地一行人..帶左好多日用品..文具..當年火車轉巴士再行路..
都需要兩日一夜時間..路程都算幾遠..和難行
有段時間好驚..驚冇命返香港..上去同返港都一樣嘅驚險..我發覺當年大陸..係有不少冤魂
去果d鄉邨..真係有d十萬九千里長征感覺..我地一行二十多人..當日去到己經接近黄昏
當晚嘅晚飯..我恐怕一生人都不能忘記..導師刻意..要我地食一d平時邨民食嘅食物
油燈..粗茶淡飯..好早食好早瞓..有幾個同學捱唔住喊..我唔知佢地係覺得太辛苦
或是為左D邨民窮苦生活而哭..第二天..我地開始我地嘅工作..做暑假筆記或一d簡單工作
後來..我留意到一位老婆婆..佢雙目失明..經另一位社工講..果位老婆婆全家人食左一d有毒大陸食物
全家人毒死晒..得佢一位生還..雖然佢唔死得..但就雙目盲了..我發覺佢每日都會將一d食物
放係一裸樹旁拜祭.. 而我亦見到一d好可怕嘅事情..我見到一隻好恐佈嘅鬼..係度利果d食物..
又同婆婆講左d野.. 老婆婆又好似聽得到..係果d小鄉邨..食物同食水係好重要..
婆婆每日從自己嘅食物之中.. 抽一部份給呢一隻鬼..婆婆嘅食物都係別人供給嘅..根本冇多餘食物..
但係我地又言語不通.. 我亦都無理由..茂茂然過去..只會嚇驚呢一位老人家..冇翻譯..根本乜野都做唔到
我又唔想驚動其他人..但係我又覺得果隻鬼唔止要食物咁簡單..佢可能仲係度吸取緊婆婆嘅生命力
我地係香港..只要轉開水龍頭..就有自來水..係果d地方..每日天未光..果d小朋友就要去山溪攞水
之後先至返學上堂..放學後仲要做家務..有時間老婆婆件事..我始終放心不下..而且隻鬼亦可能留意到我
仲有兩日我地就要走啦..我終於同Miss商諒..佢初時亦半信半礙..但係今次既然係幫人之旅
當然係幫得就幫..我亦都好想知道究竟乜野事..她幫我揾左一位社工做翻譯..連埋一位邨民去找果位婆婆..
我後來至知道..其實d邨民..亦都知道婆婆將d食物攞去拜祭..但係佢地以為係拜祭婆婆d家人
去到婆婆住果間屋..我覺得好唔舒服..間屋除左一張床同一枱一凳一櫃之外..己冇其他多餘唧家具
原來婆婆全家人中毒後..住院費.悼葬費..令婆婆變賣一切家當連耕田牛都賣了..不過幸好仲有塊田..
田由邨民代為耕種..收成歸邨民..婆婆解釋..原來佢d家人離世後..佢好傷心又好內疚..點解死嘅唔係佢自己
要白頭人送黑頭人..而家仲要別人照顧..佢曾經諗過一死了之..後來..佢聽到一把聲..有人話自己係神仙
佢嘅家人因為係枉死..所以不能升天..只可以係地獄受苦..唯一方法就係呢位神仙幫佢地作法超導..
超導佢嘅家人..但係條件係婆婆要供奉上祭品..最後奉上生命..婆婆雙目失明..見唔到隻鬼
佢信以為真..就算獻上性命都願意..我地問果個神仙係邊..婆婆話唔知..每一次都只係聽到聲音
婆婆每日將食物放係門口出面一舊石度..我們當時已近黄昏..我又再次見到果隻鬼..佢好醜陋..恐佈..
佢係屋外..但係一閃即逝..我冇即時講出口..經果位社工翻譯後..我話果隻係一隻厲鬼..妖精..並唔係神仙
我話能夠䏲得見..隻鬼只係利用婆婆..達到某種目的..但係老人家又點會咁輕易信我呢班迫生人
我果位好友Miss同其他教友商議後..暗地裏..將一串十字架..放係婆婆屋門外..希望保她平安
我從來唔信天主..我唔知個十字架可唔可以幫到老婆婆..但係果晚..我發左一個夢..係夢裏
我見到果隻鬼..企係老婆婆屋外一裸樹旁..講一d我聽唔明嘅說話..不過我估佢係叫我唔好多事
出奇地..我居然無驚..仲反鬧翻佢叫佢消失..後來佢慢慢飄過來..我諗佢係想加害於我..突然間..
有一道白光出現..白光裏有一道人形..隻鬼之後好驚咁走左..我覺得好放心..居然冇即時嚇醒
我諗呢個可能真係夢..因為從少到大..我都未曾聽得到鬼說話嘅..但係呢個夢會唔會係有喻意呢
第二朝..我決定冇理由放過呢隻鬼..因為我地走後..佢可能又重拖加害果位老婆婆..
但係我又可以點做呀..一個十幾歲中學生..後來我想起昨晚果個夢..隻鬼係樹旁出現..
婆婆每日又係將d食物放係屋外樹旁..可能關建就係這裸樹下..於是..我就去同Miss商諒
當然又係教徒如常嘅口吻..話係神嘅啓示..天使獻靈等等..跟住又一齊讀聖經..真係好煩
因為時間無多..雖然係邨處還有其他工作..其實一個十幾歲學生..可以係邨幫到事情有限
所以我就乘上午一段休息時間..去樹底挖一挖有什麽發現..但係都冇乜發現..我初時以為會有骸骨
但係就咩發現都冇..但係我就覺得隻鬼..應該就係附近..我諗起會唔會昨晚係條佛像頸鍊保護左我
初時我想將條鍊埋係地裏..趕走隻鬼..之後又挖番出黎..因為將條佛像頸鍊送卑老婆婆會更加好
但係我同佢又言語不通..最後我又去揾果位義工幫手做翻譯..我送左果條佛鍊卑婆婆..幫佢戴上
最後攬左佢一會兒..才離開..我希望個佛像能夠保護老婆婆..但係好奇怪..之後我就再冇見到果隻鬼
就算係夜晚..我都冇再夢見果隻鬼..第二朝..我地一行人好早食早餐..都係一d麵食..之後就開始步行出邨
我地差唔多將所有用品都留卑邨裏嘅人..除左背囊同証件和小量現金外..我地開始行出邨時
老婆婆亦由另一名邨民..攙扶出黎同我地話別..雖然佢睇唔到..我地又言語不通..但一切盡在不言中
但係我同婆婆嘅相遇..到我無意帶去嘅佛鍊..我相信呢d就係我地嘅緣分..我亦希望隻鬼已經消失左
人同人之間真係好奇妙..係茫茫人海之中..能夠識到一位真心知己..係一件難能可貴嘅事
人一生之中..認識到嘅人將會多如繁星..但係有多少個能成為真心知己..如真係能夠遇見
對雙方都是一種福氣..多一位朋友..盡好過多一位敵人..希望各位能夠抓緊人生中每一個相遇
希望以上能給每位一此啟發.........和各位請不用卑我分數啦..
分數留給各位吧.....此文章只是記念我的一位好朋友

[ 本帖最後由 雪~姬 於 2007-7-11 18:23 編輯 ]

多謝分享..真係知己難求....

人的一生中,知己可有幾人........可惜你我知己亦以離逝........

正所謂...人生得一知己...死而無憾...雖你師姐你個朋友離開左你...

但以佢既宗教...佢已經係天主則邊...生活得快快樂樂了...

出左社會工作以後...我覺得...真正朋友...真係...好難搵...

雖然我好多好朋友...但最好既...我自問...居然...係無....

但位列好朋友既...居然好多個...可能我自己既思想...比較複雜...

悟會有太多人明白我...了解我...什至悟會知道我諗乜...

我諗果隻小鬼應該係[地綁靈]既一種....能量低既靈體.
所以剩係虾到阿婆............
你係想救人情況下........好勇敢呀........

其實想問師姐...你係咪...全天候...都見到呢...

係燒臘檔...係咪真係有好多...瀨Ｄ臘檔...

原帖由 island 於 2007-7-11 20:57 發表

                               
登錄/註冊後可看大圖

人的一生中,知己可有幾人........可惜你我知己亦以離逝........

生離死別..係人生之中必經之路..
果段時間係痛苦..佢更係我至好朋友
但係佢係冇痛苦地離去..我亦好安慰

原帖由 最強幻象 於 2007-7-11 21:07 發表

                               
登錄/註冊後可看大圖

正所謂...人生得一知己...死而無憾...雖你師姐你個朋友離開左你...

但以佢既宗教...佢已經係天主則邊...生活得快快樂樂了...

出左社會工作以後...我覺得...真正朋友...真係...好難搵...

雖然我 ...

係現今咁複習嘅世界..有好多好朋友..己經好難得
師兄..要好好珍惜呀

原帖由 最強幻象 於 2007-7-11 21:17 發表

                               
登錄/註冊後可看大圖

其實想問師姐...你係咪...全天候...都見到呢...

係燒臘檔...係咪真係有好多...瀨Ｄ臘檔...

我都唔係全天候架..
試過有段時間睇唔到..呢幾年又睇得番
我只係見過..果d野企係燒臘店望實d燒味..瀨就冇見過啦