我另外3隻小寶貝

回想起上年9月,我男朋友係係地盤做測量既,佢成日都見到好多貓
狗比人遺棄,個時我成日都話買定d野食比佢帶番去見到佢地就比
佢地食,不過佢成日都話唔駛因為佢個面成日都好有多好心人餵野
比佢地食既,我聽完都放心好多,不過原來唔係隻隻都咁好彩,有日佢
放工打比我話見到有3隻小貓bb比人遺棄左係垃圾房度唔見左媽咪,
佢話應該得1個月大左右,我問佢會唔會應該貓媽咪岩岩行開左所以
見得到佢地3隻,佢話應該唔係,咁我就即刻叫佢睇下搵個盒又好點都
抱左佢地返黎先唔好理啦,不過由於當時咩都冇既情況之下,所以決定
放棄聽日如果有緣再見到佢既話即刻拐帶佢地番黎,點知第2日佢返到去
仲見到3隻小bb係度,咁我男朋友同佢同事即刻圍捕佢地,好彩之前個晚係
我屋企拎左我隻大少唔小野去準備,後來捉到佢地3隻野之後,幫佢地檢查
先發現佢地真係好瘦好細隻,同埋好彩冇貓瘟同埋失咁樣,佢地唔知係咪比
其他野狗或者其他人嚇過所以佢地對人好有介心,捉佢地既時候佢地不斷係
咁發出'fefe'聲,不過佢地咁細隻,我地仲惡過佢啦,經過個幾月既大家相處,慢慢
佢地都習慣左我地同佢地玩,餵野比佢地食,係時候要幫佢搵過新主人啦,如果唔係
對得太耐會越黎越唔捨得,再加上我隻2少唔鍾意佢地,所以我冇得留底養佢地,
好彩後來佢地3隻小bb都搵到2個好好心既主人領養左佢地,佢地既主人係1個係我媽咪
既朋友,佢領養左金白色個隻,另外2隻就同1個主人領養左,呢個主人咁岩就係之前黎
我屋企推銷無記收費電視識既,好好彩到而家都知道佢地既生活係好幸福快樂,我知道左
之後都覺得好開心,覺得自己冇做錯.

其實寵物既野,我覺得係唔係名種我覺得唔重要,最重要係你點對佢地,因為佢地真係好有靈性
感覺到個主人既情緒,你唔開心佢地會陪住你,你開心既時候佢地會跟住你開心,佢地係冇得搵
主人架,個決定權係我地手操縱住佢地既命運,可能有d人會覺得我傻駛咩出埋錢去做埋呢d咁
既無謂野,仲要自己拎黎辛苦,如果係咁諗就錯啦,如果你有試過咁做既人呢個就係個正確既選擇
因為個份感受唔係人人都感受到既

cafu 妳好有愛心，值得表揚，希望多D好似妳咁有愛心嘅人D動物就有福。

係呀.....嘉露妳好有愛心,其實地盤d人點解咁喜歡養狗...貓,到地盤完左就唔要佢地,好慘架佢地咁樣   
你中間白色隻貓睇到佢好似有一執胡so.....hahaha

唔知係咪黑色的原因，感覺上個樣比較兇。

原帖由 fishmantony 於 2007-6-28 13:43 發表

                               
登錄/註冊後可看大圖

cafu 妳好有愛心，值得表揚，希望多D好似妳咁有愛心嘅人D動物就有福。

好多謝你呀,我都唔算太有愛心姐,我係唔忍心見到佢地冇家可返麻,
所以我就覺得我自己幫到幾多就幫幾多炸

原帖由 aiya 於 2007-6-28 14:52 發表

                               
登錄/註冊後可看大圖

係呀.....嘉露妳好有愛心,其實地盤d人點解咁喜歡養狗...貓,到地盤完左就唔要佢地,好慘架佢地咁樣   
你中間白色隻貓睇到佢好似有一執胡so.....hahaha ...

佢個隻個別名我叫佢做'林子祥'架 ,不過佢地3隻真係好得意,個時佢地走我都喊左好耐,
我堅持蛋蛋(即係金白色個隻)有人領養走左之後佢地2隻一定要同1個人收養,如果唔係我會自己
養番,因為佢地有個盤會好d既,唔駛咁悶,而且金白色個隻我好放心佢比人係因為本身個貓主係我媽咪
個朋友所以我知道佢會有黃帝式既享受,而家佢呀個衰仍成日走去同d老鼠玩埋一堆,又成日蝦隻狗,
簡直係個小霸王

原帖由 fishmantony 於 2007-6-28 15:36 發表

                               
登錄/註冊後可看大圖

唔知係咪黑色的原因，感覺上個樣比較兇。

個樣比你既感覺係咁姐,不過佢地都唔係架,好乖架,不過黑貓真係
聰明d架

比心機養好d呢3隻貓貓啦

原帖由 Galen 於 2007-7-17 02:03 發表

                               
登錄/註冊後可看大圖

比心機養好d呢3隻貓貓啦

呢3隻我之前已經幫佢地搵左好主人養啦